Àwọn Ẹsẹ Bíbélì Tí Ọ̀pọ̀ Èèyàn Mọ Lk 12

Pín

Na n'wine trhamani na n'witibekisela hikusa a N'wana wa Mhunu ata hi nkama lowu n'wingawupimisangakiki.

Kusungula djulani a Mfumu wa Xikwembu Nkulukumba, hinkwaswu n'witayengeseliwa.

Ahangaku ku vone hinkwavu: Tivonelani n'witxhava a kufelela hinkwaku hikusa a vutomi bya mhunu angabyikumi ha vukosi byake, nambi bye mutalela.

Hikusa lomu anhlengwe yenu yinga kone, hi lomu nato timbilu tenu titakava kone.

Kambe i mani a makari kwenu lweyi angaswikotaka a kuyengesela kutrongo a nkama wa kuhanya kwake hikola ka kuhlatiyela kwake?

Kambe Yesu aku ku vadondrisiwa vakwe: Hileswo-ke, nan'wibyela nili: n'wingahlatiyeleleni a vutomi byenu hileswaku n'witada yini, ni leswaku amirini yenu, n'witayambala yini.

Mfuri nayo misisi ya tinhloko tenu mihlayiwile hinkwayu. Hileswo-ke n'wingatxhaveni, hikusa mitlula swindjengeletana leswi swakutala.

Yesu ayi mahlweni aku: Ungatxhave, we ntlhambinyana, hikusa swirandri hi Tatana wenu a kun'winyika a Mfumu.

Yanakanyani magwavava hikusa amabyali, amatrhoveli, amana ngula ni xintlhanta, kambe Xikwembu Nkulukumba awamawundla. Na kasi-ke n'wine n'witlula tinyanyana ka kunhati.

Ke, na n'wine, n'wingahlatiyeleni hi leswi n'witakada swone, nambi kunwa.

Nambi byanyi lebyi byinga kone namunhla, Xikwembu Nkulukumba abyiyambexisaka xileswi, na mundruku byitakatxukumetiwa andrilweni, xana ngopfu-ngopfu n'wine angaka angan'wiyambexi, vhanu va kupfumela kutrongo?

Kambe akuna xantxhumu xa kufuneketiwa lexi xa kuka xingatifunukuliwa, na kone akuna xa ntxhumu xakufihliwa lexi xa kuka xingatitibyiwa.