Àwọn Ẹsẹ Bíbélì Tí Ọ̀pọ̀ Èèyàn Mọ लूका 14

Pín

“अगर तुस्से मेरा चेला बणना चाहें, होर तुस्से मेरे ले बढ़ी किन्हें आपणे माऊ-बापू, लाड़ी, बाल-बच्चे, होर भाई-बैहणा या आपणी जाना किन्हें ज्यादा प्यार करहे, ता तुस्से मेरा चेले नी बणी सकदे।

होर जो कोई मेरा चेला बणना चाहे से आपणा क्रूस चके, होर मेरे पीछे आये।

होर जो कोई आपणे आपा जो बडा बणाहंगा, से छोटा कितेया जाणा। होर जो कोई आपणे आपा जो छोटा बणाहंगा, से बडा कितेया जाणा।”

एस तरीके ले तुस्सा मन्झा ले जो कोई आपणा सभ कुछ छाडी नी दे, ता से मेरा चेला नी हुई सक्दा।”

अगर तुस्सा मन्झा ले कोई एक बडा घर बणाणा चाहां, ता तेस पैहले बैठी किन्हें हिसाब कताब जोड़ना कि तेस जो बनाणे रे कठे तेस वाले पूरी रकम हाई की नी? होर अगर से एह्ड़ा नी करघा, ता जेबे तेस नींऊँआं ता खणनी पर तेता जो पूरा नी करी सकदा। ता सब देखणे वाल़ेया तेसरा मजाक डुआणा, कि इन्हें माह्णुंऐ बणाणा ता सुर्हू कितेया, पर घरा त्यार नी करी सकेया।

पर जेबे तू धाम दे, ता कंगाल, टुंडे, लंगड़े, होर काणेया जो साद। तेबे तुध धन्य हूंणां, क्यूंकि तिन्हा वाले बदले मन्झ तुजो देणे रे कठे कुछ नी आ, पर परमेसरा एता रा इनाम तुजो तेबे देणा जेबे धर्मी लोका मरिरे मन्झ ले जी उठणा।”

“लूण ता बांका आ, पर अगर लूणा रा सुआद बिगड़ी जाए, ता से फेरी केस चीजा किन्हें लूणका बणाया जाणा? से ना ता जमीना रे होर ना ता खादा रे काम आहूँआं, तेता जो लोक बाहर सट्टी देहां ऐं। होर यीसूए बोल्या, जो मेरी गल्ला सुणदा लगीरा, से बड़े ध्याना किन्हें सुणी ले।”