Àwọn Ẹsẹ Bíbélì Tí Ọ̀pọ̀ Èèyàn Mọ Lûk 14

Pín

“Abugho ghùw so e nî ghuw kaŋa, mò ù kà tsele bɛ̂ ghèe zə̀, bɛ̀ wì, bɛ̀ wɛ a wə̄n, bɛ̀ sùghò waazə̂, bɛ̀ dàŋso sùghò à ghue u wə̄n wo, M̀ fɛ kùum dzɛ̀ nù, ù kà kɔ̀ʼ kpè tò ù è doʼò tsə̀ndə̄ghā zaŋa.

Abugho ghùw tàʼkè nɔɔ̄ tsughu aghəa, nùghù wò à bàâ mùghò, ù kà kɔ̀ʼ kpè aledòʼò tsə̀ndə̄ghā zaŋa.

Nu ghî ghəla ghe kɔʼsō ghue zo, ghe lo lwənso naaŋ nǔ ghee a dzə̀m, ghəla ghe zumso tsughu ghue zo, ghe lo laam kɔʼso ghee.”

E fi lo enyəa, ghùw wəla ù yò alezə̀ghàa taʼà fʉgha wəla ù ki u dzə̀m, ù yò aledòʼò tsə̀ndə̄ghā.”

À lò ndugho fɛ ù tsə̀m tsughu alebəgha ŋgɔ̀ʼɔ̀ kə ndughu lo a, vʉ̀a ù dòʼŋkè buʼù doʼò tsughu, taŋso tsùghù dzə̀ enyəa ndùghù è te lo alekwū kwǒ a, to e koʼò tsughu enyəa e ki kpeen to nû kua wo alebəghāa mɛʼɛ̀ ndùghù è te a tè à? Abugho ù tsò fûw kaʼ tsughu ko bəghàan kò, vʉ̀a ù də̀m kê tsughu alemìasò, ghî ghə̀ è ke e bugho shwəla daŋā tsəgha wə̄n, enyəa ‘Tûw wən fə̀ bɔŋ kaʼ tsughu to fɛ enyəa e so e bə̄ghā ndughu, ghà kè tsughu alemìasò.’

Abugho ghù se kuuwn naʼà àghì, ghù n laam nàʼà tsughu ghî à laa gho, ubvuʼ, ghî à foō gho àsùghò ùŋgwûundughu, Zə̀ kə̀ kê bughuso ghù, tɔŋlo enyəa ghe kê yò aletsəā tsə̄ghàa wô ghù ebàm. Zə̀ kə̀ kê ghù tsəa tsə̀ghàsò wò bugho ghî ghəla ghe lô tsəghatsəgha kê kɔʼɔ̄ səā alo evʉ.”

“Tsòʼ n dzɔ̂ɔ nù a bugho m kpə̀ŋò dzə, abugho ŋ kòom kpəŋò yo, a lo alekòom kpə̂ŋsò naŋa ênzə̂n? Mə̀ n tsən kòom yǒ tò ghùw è ghəŋlo èghəa à tè, à m bɔɔm lò ko fəgha kə̀ kwəlā maʼn ko. Ghùw wəla ù ki tuūŋ ko, ù zuw.”