Àwọn Ẹsẹ Bíbélì Tí Ọ̀pọ̀ Èèyàn Mọ ꠁꠘ꠆ꠎꠤꠟ ৩: ꠟꠥꠇ 7

Pín

ꠔꠦ ꠀꠝꠤ ꠔꠥꠝꠣꠞꠦ ꠇꠁꠞꠣꠝ, ꠔꠣꠁ ꠛꠦꠡꠤ ꠝꠣꠄꠀ ꠇꠞꠍꠦ ꠇꠞꠤ ꠛꠥꠎꠣ ꠎꠣꠞ, ꠔꠣꠁ ꠛꠠ ꠉꠥꠘꠣꠉꠣꠞ ꠅꠁꠟꠦꠅ ꠉꠥꠘꠣꠞ ꠝꠣꠚꠤ ꠙꠣꠁꠍꠦ। ꠎꠣꠞ ꠕꠥꠠꠣ ꠉꠥꠘꠣ ꠝꠣꠚ ꠇꠞꠣ ꠅꠄ, ꠢꠦ ꠕꠥꠠꠣ ꠝꠣꠄꠀ ꠇꠞꠦ।” ꠛꠣꠖꠦ ꠁꠍꠣꠄ ꠛꠦꠐꠤꠞꠦ ꠇꠁꠟꠣ, “ꠅꠉ, ꠔꠥꠝꠣꠞ ꠔꠣꠝꠣꠝ ꠉꠥꠘꠣ ꠝꠣꠚ ꠇꠞꠣ ꠅꠁꠍꠦ।”

ꠁꠍꠣꠄ ꠢꠤ ꠛꠦꠐꠤꠞꠦ ꠇꠁꠟꠣ, “ꠅ ꠛꠦꠐꠤ, ꠔꠥꠝꠣꠞ ꠁꠝꠣꠘꠞ ꠛꠟꠦꠃ ꠔꠥꠝꠤ ꠘꠣꠎꠣꠔ ꠙꠣꠁꠟꠣꠄ, ꠅꠈꠘ ꠡꠣꠘ꠆ꠔꠤ ꠅꠁꠀ ꠛꠣꠠꠤꠔ ꠎꠣꠅ।”

ꠀꠁꠀ ꠁꠍꠣꠞ ꠙꠤꠍꠘ ꠉꠣꠟꠣꠛꠣꠄ ꠔꠣꠘ ꠙꠣꠅꠞ ꠇꠣꠘ꠆ꠖꠣꠔ ꠃꠛꠣꠁꠀ, ꠇꠣꠘ꠆ꠖꠤꠀ ꠌꠃꠈꠞ ꠙꠣꠘꠤꠖꠤ ꠔꠣꠘ ꠙꠣꠅꠞ ꠙꠣꠔꠣ ꠜꠤꠎꠣꠁꠟꠤꠟ। ꠛꠣꠖꠦ ꠔꠣꠁꠞ ꠝꠣꠕꠣꠞ ꠌꠥꠟꠖꠤ ꠙꠣꠅ ꠚꠥꠍꠤꠀ ꠖꠤꠟ, ꠙꠣꠅꠞ ꠝꠣꠎꠦ ꠢꠥꠋꠉꠣ ꠖꠤꠔꠦ ꠖꠤꠔꠦ ꠀꠔꠞ ꠝꠣꠈꠣꠁꠟ।

ꠀꠙꠘꠣꠞ ꠍꠣꠝꠘꠦ ꠃꠛꠣꠘꠤꠞ ꠎꠁꠉ꠆ꠉ-ꠅ ꠀꠝꠤ ꠘꠣꠄ, ꠄꠞꠖꠣꠄ ꠀꠝꠤ ꠀꠁꠞꠣꠝ ꠘꠣ। ꠔꠦ ꠀꠙꠘꠦ ꠈꠣꠟꠤ ꠎꠛꠣꠘꠖꠤ ꠇꠁꠟꠦꠃ, ꠀꠝꠣꠞ ꠉꠥꠟꠣꠝꠞ ꠛꠦꠝꠣꠞ ꠡꠤꠚꠣ ꠅꠁꠎꠤꠛ। ꠀꠙꠘꠦ ꠔ ꠛꠥꠎꠞꠣ, ꠀꠝꠤ ꠀꠝꠣꠞ ꠇꠣꠝꠣꠘ꠆ꠒꠣꠞꠞ ꠢꠥꠇꠥꠝꠦ ꠌꠟꠤ, ꠅꠃꠟꠣ ꠀꠝꠣꠞ ꠍꠤꠙꠣꠁ ꠅꠇꠟꠅ ꠀꠝꠣꠞ ꠢꠥꠇꠥꠝꠦ ꠌꠟꠂꠘ। ꠀꠝꠤ ꠄꠞꠣ ꠄꠇꠎꠘꠞꠦ ꠀꠅ ꠇꠁꠟꠦ ꠀꠄ, ꠎꠣꠅ ꠇꠁꠟꠦ ꠎꠣꠄ, ꠀꠝꠣꠞ ꠉꠥꠟꠣꠝꠞꠦ ꠅꠃ ꠇꠣꠝ ꠇꠞꠅ ꠇꠁꠟꠦ, ꠢꠦ ꠇꠞꠦ। ꠔꠦ ꠀꠙꠘꠦꠅ ꠅꠟꠣ ꠈꠣꠟꠤ ꠝꠥꠈꠖꠤ ꠇꠁꠟꠦꠃ, ꠢꠇ꠆ꠇꠟꠔꠣꠄ ꠝꠣꠘꠛ।” ꠁꠈꠣꠘ ꠢꠥꠘꠤꠀ ꠁꠍꠣ ꠄꠇ꠆ꠇꠦꠞꠦ ꠔꠣꠁꠎ꠆ꠎꠥꠛ ꠛꠘꠤꠉꠦꠟꠣ, ꠖꠟꠦ ꠖꠟꠦ ꠎꠔ ꠝꠣꠘꠥꠡ ꠔꠣꠘ ꠈꠞꠦ ꠅꠁꠀ ꠀꠅꠀꠔ ꠀꠍꠤꠟ, ꠄꠞꠣꠞ ꠛꠣꠄ ꠚꠤꠞꠤꠀ ꠇꠁꠟꠣ, “ꠀꠝꠤ ꠔꠥꠝꠞꠣꠞꠦ ꠇꠁꠞꠣꠝ, ꠁ ꠍꠥꠛꠦꠖꠣꠞ ꠔ ꠛꠤꠗꠞ꠆ꠝꠤ ꠞꠥꠝꠣꠘ ꠝꠣꠘꠥꠡ, ꠅꠁꠟꠦ ꠀꠝꠣꠞ ꠛꠘꠤ ꠁꠍꠞꠣꠁꠟꠞ ꠝꠣꠎꠦꠅ ꠔ ꠅꠔ ꠝꠎꠛꠥꠔ ꠁꠝꠣꠘꠖꠣꠞ ꠀꠝꠤ ꠇꠥꠘꠥꠈꠣꠘꠅ ꠖꠦꠈꠍꠤ ꠘꠣ।”

ꠑꠤꠇ ꠅꠃ ꠡꠝꠄ ꠁꠍꠣꠄ ꠛꠃꠔ ꠝꠣꠘꠡꠞꠦ ꠛꠦꠝꠣꠞ-ꠀꠎꠣꠞ ꠀꠞ ꠎꠤꠘ-ꠜꠥꠔꠞ ꠀꠍꠞ ꠕꠣꠇꠤ ꠜꠣꠟꠣ ꠇꠞꠟꠣ। ꠛꠃꠔ ꠀꠘ꠆ꠖꠣꠞꠦꠅ ꠖꠦꠈꠣꠞ ꠈꠦꠝꠔꠣ ꠖꠤꠟꠣ। ꠅꠔꠣ ꠇꠞꠤꠀ ꠢꠣꠞꠟꠦ ꠄꠢꠤꠀꠞ ꠖꠥꠁꠅ ꠡꠣꠉꠞꠤꠖꠞꠦ ꠁꠍꠣꠄ ꠇꠁꠟꠣ, “ꠔꠥꠝꠞꠣ ꠎꠣꠅꠉꠤ, ꠔꠥꠝꠞꠣ ꠅꠘꠅ ꠀꠁꠀ ꠘꠤꠎꠞ ꠌꠃꠈꠦ ꠎꠦꠔꠣ ꠖꠦꠈꠟꠣꠄ ꠀꠞ ꠢꠥꠘꠟꠣꠄ, ꠅꠔꠣ ꠉꠤꠀ ꠄꠢꠤꠀꠞꠦ ꠎꠣꠘꠣꠅ। ꠔꠣꠘꠞꠦ ꠇꠁꠅ, ꠀꠘ꠆ꠖꠣꠄꠅ ꠌꠃꠈꠦ ꠖꠦꠈꠞꠣ, ꠟꠦꠋꠠꠣ ꠅꠇꠟꠦ ꠀꠐꠤꠞꠣ, ꠙꠌꠣ-ꠇꠥꠡ꠆ꠑ ꠛꠦꠝꠣꠞꠤ ꠜꠣꠟꠣ ꠅꠁꠞꠣ, ꠈꠣꠟꠥꠀꠄꠅ ꠢꠥꠘꠞꠣ, ꠝꠥꠞ꠆ꠖꠣ ꠝꠣꠘꠥꠡ ꠎꠤꠘ꠆ꠖꠣ ꠅꠁꠞꠣ, ꠀꠞ ꠉꠞꠤꠛ ꠅꠇꠟꠞ ꠉꠦꠍꠦꠅ ꠀꠟ꠆ꠟꠣꠁ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠣ ꠅꠞ।