<div class="version vid816 iso6393pap" data-vid="816" data-iso6393="pap">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="s2">Hesus ta kambia awa hasi&#233; bi&#241;a</div><div class="p"> 1Dos dia despues#2:1 Dos dia despues; literalmente tin par&#225;: Riba e di tres dia. E dos ekspreshonnan ak&#237; ta refer&#237; na mesun kantidat di tempu. ku Hesus a topa Natana&#232;l, tabatin un kasamentu na Kana di Galilea. Hesus su mama tabata na e kasamentu. 2Nan a kombid&#225; Hesus tambe huntu ku su disipelnan. 3Ora ku bi&#241;a a kaba, Hesus su mama a bis'&#201;: &#8216;E hendenan no tin mas bi&#241;a!&#8217; 4Hesus a kontest'&#233;: &#8216;Se&#241;ora, kiko bo ta dese&#225; di Mi anto? Mi ora no a yega ainda.&#8217;</div><div class="p"> 5Hesus su mama a bisa e kri&#225;nan: &#8216;Hasi loke E bisa boso.&#8217; 6T'asina ku hudiu tin nan kustumbernan religioso di purifikashon; pa e motibu ei tabatin seis tinashi einan. Kada tinashi por a tuma ochenta pa shen liter di awa. 7Hesus a bisa e kri&#225;nan: &#8216;Yena e tinashinan ei ku awa.&#8217; I e kri&#225;nan a yena nan te na rant. 8E ora ei El a bisa nan: &#8216;Saka poko awa i hiba pa e maestro di seremonia.&#8217; I nan a hiba e awa pa e h&#242;mber. 9Ora e maestro di seremonia a purba e awa ku a kambia bira bi&#241;a, el a manda yama e br&#249;ideh&#242;m. E no tabata sa di unda e bi&#241;a a sali, ma naturalmente e kri&#225;nan ku a saka e awa, s&#237; tabata sa. 10El a bisa e br&#249;ideh&#242;m: &#8216;Tur hende ta parti e mih&#243; bi&#241;a prom&#233; i despues ora e hendenan a bebe basta kaba, nan ta parti e bi&#241;a di m&#233;nos kalidat. Ma abo a warda e mih&#243; bi&#241;a te awor!&#8217;</div><div class="p"> 11Asin'ak&#237; Hesus a hasi su prom&#233; se&#241;al milagroso: ei na Kana di Galilea El a mustra su gloria i su disipelnan a kere den djE.</div><div class="p"> 12Despues Hesus, su mama, su rumannan i su disipelnan a bai Kaf&#225;rnao#Mateo 14:13 i nan a keda aya un par di dia.</div><div class="s2">T&#232;mpel ta kas di Dios</div><div class="r">(Mateo 21:12-13; Marko 11:15-17; Lukas 19:45-46)</div><div class="p"> 13E fiesta ku hudiunan sa selebr&#225;, fiesta di P&#233;sag,#&#201;ksodo 12:1-27; Deuteronomio 16:1-8 tabata serka i Hesus a bai Herusal&#232;m. 14El a ha&#241;a nan ta bende bue, karn&#233; i palomba i tabatin kambiad&#243; di plaka tambe sint&#225; den t&#232;mpel. 15Hesus a mara kabuya na otro, traha un karbachi i kore ku nan tur for di t&#232;mpel huntu ku nan karn&#233;nan i nan buenan. El a basha s&#232;n di e kambiad&#243;nan di plaka abou i b&#242;ltu nan mesa. 16Anto El a bisa esnan ku tabata bende palomba: &#8216;Saka e palombanan ei fo'i djaki! No hasi kas di mi Tata un marshe!&#8217; 17E disipelnan a k&#242;rda ku Skritura ta bisa: &#8216;Zelo pa bo kas, o Dios, lo kima den mi manera kandela!&#8217;#Salmo 69:9 18Outoridatnan hudiu a bis'&#201;: &#8216;Mustra nos un se&#241;al milagroso pa nos mira ku kua derechi bo ta hasi e kos ak&#237;.&#8217; 19Hesus a kontest&#225; nan: &#8216;Destru&#237; e t&#232;mpel ak&#237; i den tres dia Mi ta lant'&#233; atrobe.&#8217;#Mateo 26:61; 27:40; Marko 14:58; 15:29 20Nan a bis'&#201;: &#8216;A tuma 46 a&#241;a pa traha e t&#232;mpel ak&#237;. Awor abo ta bai lant'&#233; den tres dia?&#8217;</div><div class="p"> 21Ma e t&#232;mpel ku Hesus tabata papia di dje, tabata su mes kurpa. 22Dia El a lanta for di morto, su disipelnan a bin k&#242;rda loke El a bisa i nan a kere den Skritura i den e palabranan ku Hesus a bisa nan. 23E dianan ku Hesus tabata na Herusal&#232;m durante fiesta di P&#233;sag, hopi hende ku a mir'&#201; hasi se&#241;al milagroso a pone nan fe den djE. 24Ma Hesus mes no ker a habri su mes pa nan, pasobra E tabata konos&#233; kurason di tur hende. 25Niun hende no tabatin mester di bis'&#201; loke ta biba den hende, pasobra E mes tabata konos&#233; kurason di hende.</div>
 </div>
 </div>
</div>

Papiamentu Bible with DC © Bible Society in Netherlands Antilles and Aruba, 2012, 2013

Dos dia despues ku Hesus a topa Natanaèl, tabatin un kasamentu na Kana di Galilea. Hesus su mama tabata na e kasamentu. Nan a kombidá Hesus tambe huntu ku su disipelnan. Ora ku biña a kaba, Hesus su mama a bis'É: ‘E hendenan no tin mas biña!’ Hesus a kontest'é: ‘Señora, kiko bo ta deseá di Mi anto? Mi ora no a yega ainda.’
Hesus su mama a bisa e kriánan: ‘Hasi loke E bisa boso.’ T'asina ku hudiu tin nan kustumbernan religioso di purifikashon; pa e motibu ei tabatin seis tinashi einan. Kada tinashi por a tuma ochenta pa shen liter di awa. Hesus a bisa e kriánan: ‘Yena e tinashinan ei ku awa.’ I e kriánan a yena nan te na rant. E ora ei El a bisa nan: ‘Saka poko awa i hiba pa e maestro di seremonia.’ I nan a hiba e awa pa e hòmber. Ora e maestro di seremonia a purba e awa ku a kambia bira biña, el a manda yama e brùidehòm. E no tabata sa di unda e biña a sali, ma naturalmente e kriánan ku a saka e awa, sí tabata sa. El a bisa e brùidehòm: ‘Tur hende ta parti e mihó biña promé i despues ora e hendenan a bebe basta kaba, nan ta parti e biña di ménos kalidat. Ma abo a warda e mihó biña te awor!’
Asin'akí Hesus a hasi su promé señal milagroso: ei na Kana di Galilea El a mustra su gloria i su disipelnan a kere den djE.
Despues Hesus, su mama, su rumannan i su disipelnan a bai Kafárnao i nan a keda aya un par di dia.


E fiesta ku hudiunan sa selebrá, fiesta di Pésag, tabata serka i Hesus a bai Herusalèm. El a haña nan ta bende bue, karné i palomba i tabatin kambiadó di plaka tambe sintá den tèmpel. Hesus a mara kabuya na otro, traha un karbachi i kore ku nan tur for di tèmpel huntu ku nan karnénan i nan buenan. El a basha sèn di e kambiadónan di plaka abou i bòltu nan mesa. Anto El a bisa esnan ku tabata bende palomba: ‘Saka e palombanan ei fo'i djaki! No hasi kas di mi Tata un marshe!’ E disipelnan a kòrda ku Skritura ta bisa: ‘Zelo pa bo kas, o Dios, lo kima den mi manera kandela!’ Outoridatnan hudiu a bis'É: ‘Mustra nos un señal milagroso pa nos mira ku kua derechi bo ta hasi e kos akí.’ Hesus a kontestá nan: ‘Destruí e tèmpel akí i den tres dia Mi ta lant'é atrobe.’ Nan a bis'É: ‘A tuma 46 aña pa traha e tèmpel akí. Awor abo ta bai lant'é den tres dia?’
Ma e tèmpel ku Hesus tabata papia di dje, tabata su mes kurpa. Dia El a lanta for di morto, su disipelnan a bin kòrda loke El a bisa i nan a kere den Skritura i den e palabranan ku Hesus a bisa nan. E dianan ku Hesus tabata na Herusalèm durante fiesta di Pésag, hopi hende ku a mir'É hasi señal milagroso a pone nan fe den djE. Ma Hesus mes no ker a habri su mes pa nan, pasobra E tabata konosé kurason di tur hende. Niun hende no tabatin mester di bis'É loke ta biba den hende, pasobra E mes tabata konosé kurason di hende.

Feti si Huan 2