Giryama - 2004 Edition (Drama NT)

<div class="version vid2207 iso6393nyf" data-vid="2207" data-iso6393="nyf">
 <div class="book bkMAT">
 <div class="chapter ch9" data-usfm="MAT.9">
 <div class="label">9</div><div class="s">Jesu anahoza mut'u wa kuholoza</div><div class="r"> Mariko 2:1-12; Luka 5:17-26</div><div class="p"> 1Vikara Jesu arihombola kuko, wakwera dau akivuka ro ziya akiuya kwao Kaperinaumu. 2#Luk 7:48; Zabu 103:3; Joh 9:2Arihofika kuko lola at'u makimurehera mut'u wa kuholoza ariyekala arere kitandani mwakwe. Bai Jesu arihoona ro kuluhiro rao, akimwamba ye mukongo, &#8220;Dzip'e moyo mwanangu, dambizo zidzasamehewa.&#8221; 3Jesu arihonena vizho, lola angine kahi za o alimu a Sheria makikwatya kunena kimoyo-moyo na kuamba, &#8220;Mut'u yuyu be ananena kufuru.&#8221; 4Ela Jesu akimanya maazo gao, na akiamba, &#8220;Mbona muna maazo mai zho? 5Kwani, virizho rahisi ni hizho? Ni kumwamba mut'u, &#8216;Dambizo zidzasamehewa,&#8217; hedu ni kumwamba, &#8216;Uka wanende?&#8217; 6#Joh 5:36H'aya manyani bai, kukala Mwana wa Mudamu ana wadimi wa kusamehe dambi haha dhuniani.&#8221; Arihogonya kunena vizho, akimwamba ye mut'u wa kuholoza, &#8220;Uka uhale kitandacho wende kwenu.&#8221; 7Na ye mut'u akiuka, achenda kwao. 8Vikara aryahu at'u marihomona viryahu makiogoha zhomu, na makimulika Mulungu kwa kuap'a anadamu wadimi dza uwo.</div><div class="s">Jesu anamutsagula Math'ayo</div><div class="r"> Mariko 2:13-17; Luka 5:27-32</div><div class="p"> 9 # 
 8:21-22
 Vikara Jesu arihombola haho, wakwendamona mut'u ariyekala anaifwa Math'ayo. Mut'u yuyu were akelesi kahi za ofisi ya kodi. Bai Jesu arihomona, akimwamba, &#8220;Nithuwa.&#8221; Math'ayo akirungarara akimuthuwa. 10#11:19; Mar 2:15; Luk 5:29; 7:34; 15:1-2; 19:7Badaye Jesu na anafundzie, makwendarya chakurya nyumbani kwa Math'ayo. Na lola athozi a kodi anji na at'u angine mariokala manaonewa kukala ni enye dambi, makudzarya hamwenga nao. 11Vikara Mafarisayo marihoona viryahu, makiauza o anafundzie, &#8220;Mbona ye mwalimu wenu anarya chakurya na athozi a kodi hamwenga na enye dambi?&#8221; 12Jesu arihosikira vizho akiamba, &#8220;Mukongo nde mwenye haja na muganga, ela muzima k'ana haja na muganga bule. 13#Hose 6:6; Math' 12:7; Luk 19:10Hedu garya Maoro gaambago, &#8216;Sadaka zenu sizendzi, nimalazo ni mbazi,&#8217; manaye ni noni? H'aya kagashomeni mugamanye manaye. Mimi nakudzaaiha enye dambi, sidzireaiha enye hachi!&#8221;</div><div class="s">Anafundzi a Johana manamuza Jesu dzulu za kufunga</div><div class="r"> Mariko 2:18-22; Luka 5:33-39</div><div class="p"> 14 # 
 6:16-17; 11:18-19; Luk 7:33-34 Siku mwenga, anafundzi a Johana makwenda kwa Jesu, machendamuza makimwamba, &#8220;Ni kwanoni sino na Mafarisayo hunafunga, ela anafundzio o k'amafunga?&#8221; 15#22:2; 25:10; Joh 2:1-12; 3:29; Ugun 19:7Bai Jesu akiadzigidzya akiamba, &#8220;Vidze ajeni a harusini nikukala na sumazi wakathi bwana harusi manaye haho? Ela siku zinadza, ambazo ye bwana harusi andauswa kahikahi zao, na haho mandafunga. 16K'ahana mut'u adimaye kuhala nguwo ya kapindi akayangiza kiraka kisha, mana cho kiraka kindayamola yo nguwo chambole, na kindaihendya ikale na t'undu bomu kukira iyo ya chaho. 17Kidza, divai mbisha k'aingizwa kahi za viriba zha kapindi. Kwani ikingizwa, indavipashula zho viriba imwagike. Bai zho viriba vindakala vidzanongeka, na yo divai nayo indakala idzamwagika. Ela divai mbisha ingizwa kahi za viriba visha, na k'ahana kindichonongeka.&#8221;</div><div class="s">Kufufulwa kwa musichana na kuhozwa kwa mwanamuche</div><div class="r"> Mariko 5:21-43; Luka 8:40-56</div><div class="p"> 18Bai Jesu arihokala achere kunena, lola mubomu mumwenga wa Kiyahudi, akidzamupigira mavindi akimwamba, &#8220;Bwana, musichana wangu ala kufwani, hinde ukamuikire mukono naye andafufuka.&#8221; 19Jesu arihosikira vizho, iye hamwenga na anafundzie makiuka makimuthuwa. 20-21#Alaw 15:25-27; Math' 14:36; Mar 5:27; 6:56; Luk 6:19; 8:44Vikara lola, kahi za ro kundi ra at'u mwere muna mwanamuche mumwenga ariyekala adzakala mukongo wa kumbola milatso kwa miaka kumi na miri. Bai mwanamuche yuyahu wamuthuwa Jesu ko nyuma kuno ananena kimoyo-moyo na kuamba, &#8220;Nikigut'a ro valore thu, nindahola.&#8221; K'ona akigut'a wo mutsa wa ro valore. 22#8:13; Mar 5:34; 10:52; Luk 7:50; 8:48; 17:19; 18:42; Mahe 3:16Bai ye mwanamuche arihogut'a ro valo, Jesu akigaluka, na arihomona akimwamba, &#8220;Dzip'e moyo mwanangu, kuluhiro ra kwako ridzakuhoza.&#8221; Na ye mwanamuche akihola haho na haho.</div><div class="p"> 23Jesu arihofika ko nyumbani kwa ye mubomu wa sinagogi, wakwendathekeza at'u anji. Arya manarira, na arya manapiga vivoti. Bai akiamboza mumo nyumbani akiamba, 24#Joh 11:11-13&#8220;Mbolani, kwani ye musichana k'afwere bule, arere thu.&#8221; Kusikira vizho at'u makimutseka. 25#Mar 5:41Bai aryahu at'u marihokala madzagonya kumbola, Jesu achangira ndani, na achendamugwira mukono iye mufwa, naye haho na haho kare akiuka. 26Na lola uv&#817;oro uwo ukitsamuka lalo zima.</div><div class="s">Jesu anahoza vipofu airi</div><div class="p"> 27 # 
 20:29-34
 Vikara Jesu arihokala anambola kuko, wathuwiwa ni anaalume airi vipofu, makiluta mimiro yao makimwamba, &#8220;Mwana wa Daudi, huonere mbazi!&#8221; 28Bai Jesu wathuwa kwenda hatha anangira nyumbani, vipofu nao thia. Akiauza akiamba, &#8220;Vidze munakuluhira kukala nadima kumuhoza?&#8221; Makiamba, &#8220;Ee, funakuluhira Bwana.&#8221; 29#8:13Bai Jesu akiagut'a go matso, gonya akiamba, &#8220;H'aya navikale here mukuluhirazho.&#8221; 30#12:16; Mar 7:36Na lola arihonena vizho thu, matso ga o vipofu gakigunuka na makikwatya kuona. Bai Jesu akiakokot'era zhomu zhenye kukala masizhambire mut'u. 31#Mar 7:36Ela marihouka haho, machendavitsamusa kahi za lalo zima.</div><div class="s">Jesu anahoza bwibwi</div><div class="p"> 32 # 
 12:22-24
 Vikara marihokala makuukani, lola Jesu akireherwa mut'u ariyekala wapagawa ni p'ep'o. Mut'u yuyu were ni bwibwi. 33Bai, Jesu akimwamboza ye p'ep'o na ye bwibwi akikwatya kunena. Bai zhaangalaza at'u anji sana hatha makikwatya kunena h'akiyao na kuamba, &#8220;Zho zha bwibwi kunena k'ahudzazhona bule kahi za ts'i ya Iziraeli!&#8221; 34#10:25; 12:24, 27; Mar 3:22; Luk 11:15, 19Ela Mafarisayo makiamba, &#8220;Yuyu anamboza p'ep'o kwa kuhumira nguvu za mubomu wa p'ep'o.&#8221;</div><div class="p"> 35 # 
 4:23
 Bai Jesu wadengereka kurya na kurya, kahi za midzi mibomu na mithithe, kufundisha kahi za masinagogi, na kuhubiri Uv&#817;oro Udzo wa uthawali wa mulunguni, na kuhoza akongo na anyonge a kila namuna. 36#Hesab 27:17; Izik 34:5; Zaka 10:2; Math' 14:14; 15:32; Mar 8:2Ela arihoona go makundi ga at'u, waalola na akiaonera mbazi, kwa viryahu marizhokala manasirima na k'amamanya mahendedze, here ng'ondzi zisizo na murisa. 37Bai akiagalukira anafundzie akiambira, &#8220;Mavuno ni manji, ela ahendzi a kazi ni achache. 38Kwa vizho bai muvoyeni ye Bwana wa mavuno, ahume ahendzi a kazi madze mavune.&#8221;</div>
 </div>
 </div>
</div>

Vikara Jesu arihombola kuko, wakwera dau akivuka ro ziya akiuya kwao Kaperinaumu. Arihofika kuko lola at'u makimurehera mut'u wa kuholoza ariyekala arere kitandani mwakwe. Bai Jesu arihoona ro kuluhiro rao, akimwamba ye mukongo, “Dzip'e moyo mwanangu, dambizo zidzasamehewa.” Jesu arihonena vizho, lola angine kahi za o alimu a Sheria makikwatya kunena kimoyo-moyo na kuamba, “Mut'u yuyu be ananena kufuru.” Ela Jesu akimanya maazo gao, na akiamba, “Mbona muna maazo mai zho? Kwani, virizho rahisi ni hizho? Ni kumwamba mut'u, ‘Dambizo zidzasamehewa,’ hedu ni kumwamba, ‘Uka wanende?’ H'aya manyani bai, kukala Mwana wa Mudamu ana wadimi wa kusamehe dambi haha dhuniani.” Arihogonya kunena vizho, akimwamba ye mut'u wa kuholoza, “Uka uhale kitandacho wende kwenu.” Na ye mut'u akiuka, achenda kwao. Vikara aryahu at'u marihomona viryahu makiogoha zhomu, na makimulika Mulungu kwa kuap'a anadamu wadimi dza uwo.


Vikara Jesu arihombola haho, wakwendamona mut'u ariyekala anaifwa Math'ayo. Mut'u yuyu were akelesi kahi za ofisi ya kodi. Bai Jesu arihomona, akimwamba, “Nithuwa.” Math'ayo akirungarara akimuthuwa. Badaye Jesu na anafundzie, makwendarya chakurya nyumbani kwa Math'ayo. Na lola athozi a kodi anji na at'u angine mariokala manaonewa kukala ni enye dambi, makudzarya hamwenga nao. Vikara Mafarisayo marihoona viryahu, makiauza o anafundzie, “Mbona ye mwalimu wenu anarya chakurya na athozi a kodi hamwenga na enye dambi?” Jesu arihosikira vizho akiamba, “Mukongo nde mwenye haja na muganga, ela muzima k'ana haja na muganga bule. Hedu garya Maoro gaambago, ‘Sadaka zenu sizendzi, nimalazo ni mbazi,’ manaye ni noni? H'aya kagashomeni mugamanye manaye. Mimi nakudzaaiha enye dambi, sidzireaiha enye hachi!”


Siku mwenga, anafundzi a Johana makwenda kwa Jesu, machendamuza makimwamba, “Ni kwanoni sino na Mafarisayo hunafunga, ela anafundzio o k'amafunga?” Bai Jesu akiadzigidzya akiamba, “Vidze ajeni a harusini nikukala na sumazi wakathi bwana harusi manaye haho? Ela siku zinadza, ambazo ye bwana harusi andauswa kahikahi zao, na haho mandafunga. K'ahana mut'u adimaye kuhala nguwo ya kapindi akayangiza kiraka kisha, mana cho kiraka kindayamola yo nguwo chambole, na kindaihendya ikale na t'undu bomu kukira iyo ya chaho. Kidza, divai mbisha k'aingizwa kahi za viriba zha kapindi. Kwani ikingizwa, indavipashula zho viriba imwagike. Bai zho viriba vindakala vidzanongeka, na yo divai nayo indakala idzamwagika. Ela divai mbisha ingizwa kahi za viriba visha, na k'ahana kindichonongeka.”


Bai Jesu arihokala achere kunena, lola mubomu mumwenga wa Kiyahudi, akidzamupigira mavindi akimwamba, “Bwana, musichana wangu ala kufwani, hinde ukamuikire mukono naye andafufuka.” Jesu arihosikira vizho, iye hamwenga na anafundzie makiuka makimuthuwa. Vikara lola, kahi za ro kundi ra at'u mwere muna mwanamuche mumwenga ariyekala adzakala mukongo wa kumbola milatso kwa miaka kumi na miri. Bai mwanamuche yuyahu wamuthuwa Jesu ko nyuma kuno ananena kimoyo-moyo na kuamba, “Nikigut'a ro valore thu, nindahola.” K'ona akigut'a wo mutsa wa ro valore. Bai ye mwanamuche arihogut'a ro valo, Jesu akigaluka, na arihomona akimwamba, “Dzip'e moyo mwanangu, kuluhiro ra kwako ridzakuhoza.” Na ye mwanamuche akihola haho na haho.
Jesu arihofika ko nyumbani kwa ye mubomu wa sinagogi, wakwendathekeza at'u anji. Arya manarira, na arya manapiga vivoti. Bai akiamboza mumo nyumbani akiamba, “Mbolani, kwani ye musichana k'afwere bule, arere thu.” Kusikira vizho at'u makimutseka. Bai aryahu at'u marihokala madzagonya kumbola, Jesu achangira ndani, na achendamugwira mukono iye mufwa, naye haho na haho kare akiuka. Na lola uv̱oro uwo ukitsamuka lalo zima.

Vikara Jesu arihokala anambola kuko, wathuwiwa ni anaalume airi vipofu, makiluta mimiro yao makimwamba, “Mwana wa Daudi, huonere mbazi!” Bai Jesu wathuwa kwenda hatha anangira nyumbani, vipofu nao thia. Akiauza akiamba, “Vidze munakuluhira kukala nadima kumuhoza?” Makiamba, “Ee, funakuluhira Bwana.” Bai Jesu akiagut'a go matso, gonya akiamba, “H'aya navikale here mukuluhirazho.” Na lola arihonena vizho thu, matso ga o vipofu gakigunuka na makikwatya kuona. Bai Jesu akiakokot'era zhomu zhenye kukala masizhambire mut'u. Ela marihouka haho, machendavitsamusa kahi za lalo zima.

Vikara marihokala makuukani, lola Jesu akireherwa mut'u ariyekala wapagawa ni p'ep'o. Mut'u yuyu were ni bwibwi. Bai, Jesu akimwamboza ye p'ep'o na ye bwibwi akikwatya kunena. Bai zhaangalaza at'u anji sana hatha makikwatya kunena h'akiyao na kuamba, “Zho zha bwibwi kunena k'ahudzazhona bule kahi za ts'i ya Iziraeli!” Ela Mafarisayo makiamba, “Yuyu anamboza p'ep'o kwa kuhumira nguvu za mubomu wa p'ep'o.”
Bai Jesu wadengereka kurya na kurya, kahi za midzi mibomu na mithithe, kufundisha kahi za masinagogi, na kuhubiri Uv̱oro Udzo wa uthawali wa mulunguni, na kuhoza akongo na anyonge a kila namuna. Ela arihoona go makundi ga at'u, waalola na akiaonera mbazi, kwa viryahu marizhokala manasirima na k'amamanya mahendedze, here ng'ondzi zisizo na murisa. Bai akiagalukira anafundzie akiambira, “Mavuno ni manji, ela ahendzi a kazi ni achache. Kwa vizho bai muvoyeni ye Bwana wa mavuno, ahume ahendzi a kazi madze mavune.”

Feti si Math'ayo 9