Giryama - 2004 Edition (Drama NT)

<div class="version vid2207 iso6393nyf" data-vid="2207" data-iso6393="nyf">
 <div class="book bkMAT">
 <div class="chapter ch10" data-usfm="MAT.10">
 <div class="label">10</div><div class="s">Jesu anatsagula anafundzi kumi na airi</div><div class="r"> Mariko 3:13-19; Luka 6:12-16</div><div class="p"> 1Bai Jesu akiaiha aryahu anafundzie kumi na airi na akiap'a wadimi wa kumboza p'ep'o na kuhoza makongo na manyonge ga kila namuna. 2#Joh 1:40-44; Mahe 1:13Ahumwi ao were ni Simoni ariyekala akiifwa P'et'ero na nduguye aifwaye Anderea. Angine were ni Jakobu na Johana, ambao were ni ana a Zebedayo, 3Filipu, Bath'olomayo, T'omasi, na Math'ayo ariyekala muthozi wa kodi. Angine mere ni Jakobu mwana wa Alifayo, na Th'adayo, 4na Simoni Muhehezi, na Juda Isikariote ariye nde ariyemusaliti Jesu.</div><div class="s">Jesu anaahuma anafundzie kumi na airi</div><div class="r"> Mariko 6:7-13; Luka 9:1-6</div><div class="p"> 5 # 
 Luk 10:4-12
 # 
 Luk 10:33
 Vikara Jesu waahuma aa anafundzie kumi na airi akiamba, &#8220;Musendeni kwa at'u mario si Ayahudi, hedu hatha kahi za midzi ya Asamaria. 6#Jere 50:6; Math' 15:24; Mahe 13:46Ela endani kwa Aiziraeli, ziryahu ng'ondzi zangu zirizongamika. 7#4:17Endani mukihubiri mukiamba, uthawali wa mulunguni udzafika hehi. 8Hozani mahana na makongo mangine, fufulani nyufu, na mbozani p'ep'o. Gaga gosini gahendeni bule renye, mana zo nguvu za kuhendera maut'u gaga hatha ninwi mwazigerwa bule. 9Vikara kala munenda, musitsukule akiba yoyosi ya p'esa mabindoni mwenu. 10#1 Akor 9:14; 1 T'imo 5:18Musitsukule mukoba, hedu k'andzu mbiri, hedu virahu zha kugaluza, hedu mudhath'a mo charoni.&#8221;</div><div class="p">&#8220;Muhendzi wa kazi av&#817;irya kupata p'oshoye. 11Mundihongira kahi za mudzi wowosi, lolani mut'u mudzo andiyemukaribisha na mukale ho hakwe hatha muuke vizho. 12Na mundihongira kahi za mudzi wowosi, lamusani muambe, &#8216;Dheri narikale kahi za mudzi uu.&#8217; 13#Luk 2:14Na kala mudzi uwo ni mudzo jeri, dheri renu narikale kahi za mudzi uwo. Ela kala mudzi uwo si mudzo, dheri renu narimuuyire. 14#Mahe 13:51Na mudzi wowosi, hedu mut'u yoyosi andiyekahala kumukaribisha, hedu hatha kusikiza gago mundigokala munamala kuganena, kut'ani-kut'ani nyayo zenu, gonya muhauke. 15#Mwan 18:20; 19:1-29; Math' 11:24Kwani namwambira kamare kukala yo siku ya hukumu vindakala vii-vii zhomu kwa mudzi uwo, kukira zho vindizhokala kwa midzi ya Sodomu na Gomora.&#8221;</div><div class="s">Jesu anaambira anafundzie maut'u mandigokirana nago</div><div class="r"> Mariko 13:9-13; Luka 21:12-17</div><div class="p"> 16 # 
 Luk 10:3
 &#8220;Lolani, ninamuhuma here ng'ondzi kahikahi za mbawa. Kwa vizho bai kalani alachu here nyoka, na mukale ap'eho here magiya. 17#24:9-14; Mar 13:9-13; Luk 21:12-19; Joh 16:1-4#Mahe 5:40; 2 Akor 11:24Dzimanyirireni kwani at'u mandamugwira mamuhirike manenoni na mamupige mo masinagogini mwao. 18#Mahe 24&#8211;26Mundagwirwa muhirikwe mbere za maluwali na mbere za athawali kwa ut'u wangu, nanwi mundakwenda mukamboze ushuhuda dzulu zangu mbere zao, na mbere za at'u mario si Ayahudi. 19#Luk 12:11-12Mushithakiwaho, musithapethape bule kupanga maneno ga kwendanena, kwani gago mundagagerwa wakathi uwo wa kudzihehera. 20Kwani sinwi mundionena bule, Roho wa Babiyenu ndiye andenena kwa milomo yenu.&#8221;</div><div class="p"> 21 # 
 Mik 7:6; Math' 10:35; Luk 12:52-53 &#8220;Mut'u andamulazha nduguye mwenye hedu mwanawe mwenye alagwe. Ana nao mandaagalukira azhazi ao enye, maalazhe malagwe. 22#5:11; Joh 15:18Nanwi mundamenwa ni at'u osi kwa ut'u wa dzina rangu. Ela andiyevumirira hatha mwisho andaokoka. 23#16:28; Mahe 8:1Mukiteswa kahi za mudzi uu, chimbirani mwende mudzi mungine, kuko nako mukiteswa, chimbirani mwende mungine. Nami namwambira kamare kukala k'amundaigot'ya bule yo midzi ya Iziraeli kabila Mwana wa Mudamu kudza.&#8221;</div><div class="p"> 24 # 
 Luk 6:40; Joh 13:16; 15:20 &#8220;Mwanafundzi k'adima kumukira mwalimuwe, na mutumwa k'adima kumukira bwanawe. 25#9:34Vinathosha kare zho zha mwanafundzi akale here mwalimuwe, hedu mutumwa akale here bwanawe. Vikikala mwenye nyumba mwenye thu, kisha manamwiha Belizebuli,#10:25 Belizebuli ni dzina ringine ra Shethani. h'e seze nwi adamue?&#8221;</div><div class="s">Jesu anaafundisha anafundzie mamwagohe Mulungu h'akeye</div><div class="r"> Luka 12:2-7</div><div class="p"> 26 # 
 Mar 4:22; Luk 8:17 &#8220;Musiogohe bule, kila kit'u kidzichobiningizwa kindagunulwa, na kila kit'u kidzichofitswa kindaonewa. 27Kila nindiromwambira kizani, rineneni lwazu mulangazani. Na kila mundirosikira njamani, ritangazeni zhomu zhenye.#10:27 Haha go maneno genye ga Kiyunani ganaamba, &#8216;ritangazeni dzulu za madari.&#8217; Ayahudi were makakeresi dzulu za nyumba zao makasumurira. 28#Aebu 10:31Musiagohe ao madimao kuwalaga wo mwiri h'akeye, ela roho yo, k'amayadima bule. Mwagoheni iye adimaye kuuhala wo mwiri hamwenga na yo roho, na akavinonga-nonga kahi za Jehanamu. 29Utsongo wiri samba unaguzwa rahisi renye, kidza ko k'ahana hatha kamwenga kadimako kufwa bila Babiyenu kuhendza.#10:29 Haha go maneno genye ga Kiyunani ganaamba, &#8216;utsongo wiri samba unadima kuguzwa peni mwenga.&#8217; Kuko ts'i ya Iziraeli utsongo wiri were ukaguzwa peni mwenga ra kuko. 30#Luk 21:18Na hatha zo nyere zenu kidza Mulungu anazimanya isabuye. 31Kwa vizho bai musogohe bule, mana ninwi muna th'amani bomu kukira iho ra utsongo.</div><div class="p"> 32 # 
 Ugun 3:5
 &#8220;Kila andiyenikubali mbere za at'u, mimi nami nindamukubali mbere za Baba ariye mulunguni. 33#Mar 8:38; Luk 9:26; 2 T'imo 2:12Ela kila mut'u andiyenikahala mbere za at'u, nami nindamukahala mbere za Baba ariye mulunguni.&#8221;</div><div class="s">Jesu k'adzire arehe dheri haha dhuniani</div><div class="r"> Luka 12:51-53; 14:26-27</div><div class="p"> 34 # 
 Luk 2:14
 &#8220;Sioneni kukala nakudzareha dheri haha dhuniani, hatha bule, nakudzareha k'ondo. 35#Mik 7:6#10:21; 24:10; Mar 13:12; Luk 21:16Kwani nakudzaahendya ana a kilume mathengane na babizao, ana a kiche mathengane na mamizao, na akaza ana mathengane na mizhala zao. 36Mahadhui a mut'u mandakala o at'u a nyumbani mwakwe.&#8221;</div><div class="p"> 37 # 
 Kumbu 13:6-9; 33:9; Math' 19:29; Mar 10:29; Luk 18:29 &#8220;Kila amuhendzaye babaye hedu mameye kunikira mimi, hedu amuhendzaye mwanawe wa kiche hedu wa kilume kunikira mimi, k'av&#817;irya kukala wangu bule. 38#16:24-25; Mar 8:34-35; Luk 9:23-24; Joh 12:25-26Mut'u yoyosi ariye k'andahala musalabawe na kunithuwa, k'av&#817;irya kukala wangu bule. 39Kwani kila andiyeyona rohoye andayangamiza, na andiyeyangamiza rohoye kwa ut'u wangu, andayona.&#8221;</div><div class="s">Jesu ananena dzulu za zawadi</div><div class="r"> Mariko 9:41</div><div class="p"> 40 # 
 18:5; Mar 9:37; Luk 9:48; Joh 13:20; Agal 4:14 &#8220;Kila mut'u amuhokeraye ninwi, ananihokera mimi, na iye anihokeraye mimi, anamuhokera iye ariyenihuma. 41Kila mut'u amuhokeraye nabii kwa kukala ni nabii, andapata zawadi ya nabii, na kila mut'u andiyemuhokera mut'u muhachi, kwa kukala ni muhachi, andapata zawadi ya mut'u muhachi. 42Na kila mut'u andiyemup'a mumwenga wa aa at'u athithe, ngaa kikombe cha madzi ga p'eho kwa kukala ni mwanafundzi wangu, jeri wenye mut'u iye k'andakosa zawadiye bule.&#8221;</div>
 </div>
 </div>
</div>

Bai Jesu akiaiha aryahu anafundzie kumi na airi na akiap'a wadimi wa kumboza p'ep'o na kuhoza makongo na manyonge ga kila namuna. Ahumwi ao were ni Simoni ariyekala akiifwa P'et'ero na nduguye aifwaye Anderea. Angine were ni Jakobu na Johana, ambao were ni ana a Zebedayo, Filipu, Bath'olomayo, T'omasi, na Math'ayo ariyekala muthozi wa kodi. Angine mere ni Jakobu mwana wa Alifayo, na Th'adayo, na Simoni Muhehezi, na Juda Isikariote ariye nde ariyemusaliti Jesu.


Vikara Jesu waahuma aa anafundzie kumi na airi akiamba, “Musendeni kwa at'u mario si Ayahudi, hedu hatha kahi za midzi ya Asamaria. Ela endani kwa Aiziraeli, ziryahu ng'ondzi zangu zirizongamika. Endani mukihubiri mukiamba, uthawali wa mulunguni udzafika hehi. Hozani mahana na makongo mangine, fufulani nyufu, na mbozani p'ep'o. Gaga gosini gahendeni bule renye, mana zo nguvu za kuhendera maut'u gaga hatha ninwi mwazigerwa bule. Vikara kala munenda, musitsukule akiba yoyosi ya p'esa mabindoni mwenu. Musitsukule mukoba, hedu k'andzu mbiri, hedu virahu zha kugaluza, hedu mudhath'a mo charoni.”
“Muhendzi wa kazi av̱irya kupata p'oshoye. Mundihongira kahi za mudzi wowosi, lolani mut'u mudzo andiyemukaribisha na mukale ho hakwe hatha muuke vizho. Na mundihongira kahi za mudzi wowosi, lamusani muambe, ‘Dheri narikale kahi za mudzi uu.’ Na kala mudzi uwo ni mudzo jeri, dheri renu narikale kahi za mudzi uwo. Ela kala mudzi uwo si mudzo, dheri renu narimuuyire. Na mudzi wowosi, hedu mut'u yoyosi andiyekahala kumukaribisha, hedu hatha kusikiza gago mundigokala munamala kuganena, kut'ani-kut'ani nyayo zenu, gonya muhauke. Kwani namwambira kamare kukala yo siku ya hukumu vindakala vii-vii zhomu kwa mudzi uwo, kukira zho vindizhokala kwa midzi ya Sodomu na Gomora.”


“Lolani, ninamuhuma here ng'ondzi kahikahi za mbawa. Kwa vizho bai kalani alachu here nyoka, na mukale ap'eho here magiya. Dzimanyirireni kwani at'u mandamugwira mamuhirike manenoni na mamupige mo masinagogini mwao. Mundagwirwa muhirikwe mbere za maluwali na mbere za athawali kwa ut'u wangu, nanwi mundakwenda mukamboze ushuhuda dzulu zangu mbere zao, na mbere za at'u mario si Ayahudi. Mushithakiwaho, musithapethape bule kupanga maneno ga kwendanena, kwani gago mundagagerwa wakathi uwo wa kudzihehera. Kwani sinwi mundionena bule, Roho wa Babiyenu ndiye andenena kwa milomo yenu.”
“Mut'u andamulazha nduguye mwenye hedu mwanawe mwenye alagwe. Ana nao mandaagalukira azhazi ao enye, maalazhe malagwe. Nanwi mundamenwa ni at'u osi kwa ut'u wa dzina rangu. Ela andiyevumirira hatha mwisho andaokoka. Mukiteswa kahi za mudzi uu, chimbirani mwende mudzi mungine, kuko nako mukiteswa, chimbirani mwende mungine. Nami namwambira kamare kukala k'amundaigot'ya bule yo midzi ya Iziraeli kabila Mwana wa Mudamu kudza.”
“Mwanafundzi k'adima kumukira mwalimuwe, na mutumwa k'adima kumukira bwanawe. Vinathosha kare zho zha mwanafundzi akale here mwalimuwe, hedu mutumwa akale here bwanawe. Vikikala mwenye nyumba mwenye thu, kisha manamwiha Belizebuli, h'e seze nwi adamue?”


“Musiogohe bule, kila kit'u kidzichobiningizwa kindagunulwa, na kila kit'u kidzichofitswa kindaonewa. Kila nindiromwambira kizani, rineneni lwazu mulangazani. Na kila mundirosikira njamani, ritangazeni zhomu zhenye. Musiagohe ao madimao kuwalaga wo mwiri h'akeye, ela roho yo, k'amayadima bule. Mwagoheni iye adimaye kuuhala wo mwiri hamwenga na yo roho, na akavinonga-nonga kahi za Jehanamu. Utsongo wiri samba unaguzwa rahisi renye, kidza ko k'ahana hatha kamwenga kadimako kufwa bila Babiyenu kuhendza. Na hatha zo nyere zenu kidza Mulungu anazimanya isabuye. Kwa vizho bai musogohe bule, mana ninwi muna th'amani bomu kukira iho ra utsongo.
“Kila andiyenikubali mbere za at'u, mimi nami nindamukubali mbere za Baba ariye mulunguni. Ela kila mut'u andiyenikahala mbere za at'u, nami nindamukahala mbere za Baba ariye mulunguni.”


“Sioneni kukala nakudzareha dheri haha dhuniani, hatha bule, nakudzareha k'ondo. Kwani nakudzaahendya ana a kilume mathengane na babizao, ana a kiche mathengane na mamizao, na akaza ana mathengane na mizhala zao. Mahadhui a mut'u mandakala o at'u a nyumbani mwakwe.”
“Kila amuhendzaye babaye hedu mameye kunikira mimi, hedu amuhendzaye mwanawe wa kiche hedu wa kilume kunikira mimi, k'av̱irya kukala wangu bule. Mut'u yoyosi ariye k'andahala musalabawe na kunithuwa, k'av̱irya kukala wangu bule. Kwani kila andiyeyona rohoye andayangamiza, na andiyeyangamiza rohoye kwa ut'u wangu, andayona.”


“Kila mut'u amuhokeraye ninwi, ananihokera mimi, na iye anihokeraye mimi, anamuhokera iye ariyenihuma. Kila mut'u amuhokeraye nabii kwa kukala ni nabii, andapata zawadi ya nabii, na kila mut'u andiyemuhokera mut'u muhachi, kwa kukala ni muhachi, andapata zawadi ya mut'u muhachi. Na kila mut'u andiyemup'a mumwenga wa aa at'u athithe, ngaa kikombe cha madzi ga p'eho kwa kukala ni mwanafundzi wangu, jeri wenye mut'u iye k'andakosa zawadiye bule.”

Feti si Math'ayo 10