Yele-za-pɛr-tib 6
6
A Naaŋmɩn ír'ɩ a nɩsaal baarɩ, ɛ́ a lɛb ɩ ʋ pʋ-sãwna
1A nɩsaalbɛ tɩ tĩ na yɛ̀rɛ a tẽw zu, ɛ́ dɔwr pɔwyaar. 2A Naaŋmɩn malkɩ mɩnɛ tɩ nyɛ̃ nɩ a powli bɛ ŋa bɛ pɔl, bɛ kaa ír a bɛ pɔwbɛ a bɛ pʋɔ. 3Lɛ n'a a Sore tɩ tɩɛr ʋ pʋɔ: «A nyɔ-vʋʋrʋ pɩɛlʋ ɩ̃ na ƴãw a nɩsaalbɛ a, ɩ̃ kʋ̃ tʋ̃ɔ́ bɛr ʋ a bɛ pʋɔ kʋralɛ ɩ, bʋ̃ʋ n'ʋ vɛ̃, bʋ̃-kpiiri nɛbɛ. Dɩ̃a na ta a, bɛ na mɩ́ vʋʋr'ɩ yome lɩz'a ayʋɔb (120).» 4A lɛn daar, nɩ-kɛrɩ jarmam jarmam tɩ be n a tẽw zu, ɛ́ bɛ tɩ cãà nɩ be, a lɛn daar a Naaŋmɩn malkɩ mɩnɛ na tɩ wa páw a nɩsaalbɛ pɔwyaar bɛ dɔw bibiir kʋ̀ bɛ a. Bɛlɛ n'ɩ a koro za gãdaar, nɩbɛ na tɛr yúor a.
5A Sore tɩ nyɛ̃ na k'aa nɩsaalbɛ faalʋ bɛrmɛ nɩ a tẽw zu, kɛ́ bibir za a, tɩɛr-faar tɛwr tɩɛrʋ n'a mɩ́ be a bɛ socie pʋɔ. 6A tɩ kpɛ n a Sore ʋ na ír a nɩsaalbɛ ƴãw a tẽw zu a, ɛ́ a ɩ ʋ pʋ-sãwna. 7Ʋ tɩ tɩɛr'ɩ ʋ pʋɔ: «A nɩsaalbɛ ɩ̃ na ír a, ɩ̃ na ɩ na bɛ ta cãà a tẽw zu ɛ, lãwnɩ a dʋn, a bɛrɛ nɩ a pʋrmɛ, tɩ lãwnɩ a lili za, bʋ̃ʋ n'ʋ vɛ̃, a kpɛ m'a ɩ̃ na maal'a a.» 8Ɛcɛ a Sore pʋɔ tɩ pɛlɩ nɩ a Nowe ƴãw.
Naaŋmɩn ƴãw nɩ a Nowe ʋ maalɩ gbor-kpɛ̃ɛ
9A Nowe yele n'ɩ á ŋá:
A Nowe tɩ ɩ n nɩ-mɩŋa nɩ nɩr na ɩrɛ a pɛlɛ a Naaŋmɩn pʋɔ a ʋ daar nɩbɛ pʋɔ a. Ʋ tɩ maalɛ nɩ a Naaŋmɩn pʋ-tɩɛrʋ. 10A Nowe tɩ dɔw nɩ bidɛbr ata: Sɛ́m, Kam nɩ Zafɛtɩ.
11Ɛcɛ a Naaŋmɩn zie a, a nɩsaalbɛ tɩ sãw nɩ bɛ za: po-to-fãw-ɩb tɩ n'a a ziir za. 12A Naaŋmɩn tɩ jɩ́r'ɩ a tẽw nyɛ̃ k'ʋ sãw ʋ za. Bʋ̃ʋ n'ʋ vɛ̃, nɩsaal za tɩ ɩrɛ nɩ faa yaga. 13Lɛ n'a a Naaŋmɩn tɩ yel a Nowe: «Mãa zie a, a nɩsaalbɛ yele baar'a. Bɛlɛ nɛbɛ so a po-to-fãw-ɩb paalɩ a tẽ-daa. A na ɩ lɛ a, ɩ̃ na sãw bɛ na bɛr lãwnɩ a tẽw. 14Maalɩ gbor-kpɛ̃ɛ nɩ dà-kpɛn. Fʋ na maal'ʋ na ƴãw di-yaga, ɛ́ bʋl a pʋɔ nɩ a zikur za nɩ gudurɔ̃. 15Nyɛ̃ a lɛ fʋ na na maalɩ a gbor-kpɛ̃ɛ ŋa a: a wogo na ɩ n mɛtɩr lɩz'a ayopõi nɩ pie (150), a yɛ̀lʋ ɩ mɛtɩr lɩzɛr'ɩ anũu, ɛ́ a kɛrʋ ɩ mɛtɩr pie nɩ anũu. 16Fʋ na ƴãw ʋ nɩ pàwra, ɛ́ bɛr mɛtɩr ŋmãa vuo a pàwra nɩ a gbor lõboge cara pʋɔ. A gbor-kpɛ̃ɛ lõbowr ƴãw n'a fʋ na ƴãw a ʋ dɩ̃dɔr. Maal'ʋ a diru do suwli taa ata. 17Mãa ƴãw a, ɩ̃ na ɩ na a Kʋ̃ɔ-paalʋ-kpɛ̃ɛ kʋ̃ɔnɩ paalɩ pàw a tẽw, kʋ bʋ̃-vʋʋra za na be a salom pile a. Bom za na be a tẽw zu a na kpi na. 18Ɛcɛ ɩ̃ na bin nɩ a ɩ̃ wõ-taa mãa nɩ a fʋ̃ʋ cará. Fʋ na kpɛ n a gbor-kpɛ̃ɛ pʋɔ, fʋ̃ʋ nɩ a fʋ bidɛbr, a fʋ pɔw nɩ a fʋ biir-pɔwbɛ. 19Fʋ mɩ̀ na ɩ na bʋ̃-vʋʋra bʋʋrɛ za kpɛ a gbor-kpɛ̃ɛ pʋɔ, bʋ̃-daa nɩ bʋ̃-pɔw, k'aa tʋ̃ɔ́ lãw nɩ fʋ ta kpi ɛ. 20A dʋ̃-bʋʋrɛ za: lili, dʋ̃-bɛrɛ nɩ dʋ̃-pʋrpʋr na wa n a fʋ zie, bʋ̃-daa nɩ bʋ̃-pɔw, k'aa wa lãw nɩ fʋ ta kpi ɛ. 21Fʋ̃ʋ a, bɔ bʋ̃-dɩ-pɛ-bʋʋrɛ za maal bin, a na ɩ n fʋ̃ʋ nɩ a al za dɩb.» 22A lɛ n'a a Nowe tɩ ɩ. Ʋ tɩ ɩ n a lɛ tɔr za a Naaŋmɩn na yel kʋ̀ ʋ a.
موجودہ انتخاب:
Yele-za-pɛr-tib 6: DBDC
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
La Bible en Dagara © Alliance Biblique du Burkina Faso, 2013.