TAUNET 40
40
Koweechi Josep eng’ korgoret karuotitaosiekab otwogikab Parao
1Ak kingobata tuguchu, kochalwogenji ribindetab tuguk che kieei, ak ribindetab kwang’set, kiptaiyandenywa laitoriatab Misri. 2Ak kinerekyi Parao kiboitinikyik tuwai, ne o eng’ che ribei tuguk che kieei, ak ne o eng’ che ribei kwong’set. 3Ak kigiger icheget eng’ ole kiga kiratyi Josep. 4Ak kiinde kiptaiyatab ribik Josep korib ichek, ak korib: ak kitebi ko kerotin eng’ betusiek che matia.
5Ak kiiruotyi tuwai karuotitoet, chi tugul ak karuotitoennyi eng’ kemout agenge, age tugul ko u weeksetab karuotitoennyi, ribindetab tuguk che kieei, ak ribindetab kwang’set ne bo laitoriatab Misri, che kiga kiratyi korgoret. 6Ak kinyo Josep karon ole mi ichek, ak kogeer, ogeero, kitinyei arogenet. 7Ak kiteebe Josep kiboitinichoto bo Parao che kimi tugul ko ratotin eng’ gotab kiptaiyandennyi, kolenji, Kalya si oarogense rani? 8Ak kilenji, Kogiruotyi karuotitoet, ak mami chi ne imuchi koboruech ole teptoi. Ak kolenji Josep, Tos ma bo Kamuktaindet weekset? Kaigai anyun omwawa.
9Kimwachi anyun ribindet ne o ne bo tuguk che kieei, Josep, karuotitoennyi, kolenji, Ogeero, komi tainnyu ketitab sabibuk eng’ karuotitoennyu: 10ak kitinyei ketoto temenik somok: ki u che ing’atos, ak kiyesio taptokyik; ak kii sabibuk che ruriotin: 11ak kimi eunnyu kikombetab Parao, ak kiabut logoechoto, ak abirji kikombetab Parao, ak kiande eutab Parao kikombanato. 12Ak kilenji Josep inendet, Ye kiweech ko u ni: temenichoto somok ko betusiek somok: 13kotomo kobata betusiek somogu koeetin Parao, ak koweekyin boisieng’ung’: ak iwe inde eutab Parao kikombennyi, ko u ye kicham iyae yu kita ko i ribindennyi ne bo tuguk che kieei. 14Ago mie tun ibwata ye tun kagomieit atebeng’ung’, ak irirena anyun, kaigai, ak imwaite eng’ gab Parao, si kimaanda eng’ goi: 15amu kigichora iman eng’ emetab Hebranik: ak ma ayai kiy eng’ olito ne kigitoorjinena keringet.
16Kingogeer ne o eng’ ribik che bou kwang’set kole, mie weeksonoto, kolenji Josep, Koaruotyi agane komi metinnyu aterusiek somoguk che bo makatinik che leelachen; 17ak komitei ne bo barak eng’ tugul amitwogik alak tugul che bo Parao che kwanyei kwong’ik; ak koam taritik amitwogik che bo aterunoto komi metinnyu. 18Ak kiwolji Josep kolenji, Ye kiweech ko ni: aterusiechoto somok ko betusiek somok; 19kotom kogesgei betusiek somogu kotil Parao meting’ung’, ak kosongininin eng’ ketit; ak koam taritik bortang’ung’.
20Ak eng’ betutab somok, koit betut ne kigisige Parao, koyachi igorta otwogikyik tugul: ak kiieet ribindet ne o ne bo tuguk che kieei, ak ne o ne bo kwang’set eng’ otwogikyik. 21Kiweekyi anyun ne o ne bo ribik che bo tuguk che kieei, boisiennyi; ak kiigochi anyun ribindonoto Parao kikombet konam: 22ago kiisonginin ribindet ne o ne bo kwang’set: ko u ye kiga koweekyi Josep ichek ole teptoi karuotitoet. 23Ago kima ibwat Josep ne o ne bo tuguk che kieei, ago kiutie.
موجودہ انتخاب:
TAUNET 40: BUKUIT
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
God's word open for all
©Bible Society of Kenya, 2020