Zechariah 5
5
Laizial Lenglai
1Ka en kik a - ka mai-ah laizial lenglai khat a na om hi!
2 Amah in, "Bang na mu hiam?" ci-in hong dong hi.#Ph 40:7; Jer 1:13
"Pi sawmthum asau, pi sawm le pinga azai c#5.2 Hebrew in tong sawmnih sau a tong sawm a zai (meter 9 bang sau a 4.5 meter bang a zai) laizial leng khat ka mu hi," ci-in ka dawng hi.
3 Tua ciangin amah in, "Hih in leitung buppi-a a vak kawikawi ding hamsiatna ahi hi; laidal langkhata kigelh bangin gutate khempeuh kihawlmang dinga, adal langkhat lama kigelh bangin thumaan lo-a kiciamte a hawlmang ding uh hi. 4 Thahatpen TOPA in, ‘Tua ka sawlkhia dinga gutate inn sung le amaan lopi-a ka min tawh a kiciamte inn sungah a lut ding hi. Tua bang mite inn sungah om den dinga asing asuangin a susia khawm ding hi,’ ci hi," hong ci hi.#Isa 24:6
Tanglawh Sungah Numei Khat
5 Tua ciangin kei hong hopih vansawltak in kei hong naih to a, "Ento inla bang hong kilang hiam, en dih in," hong ci hi.#Zec 1:9,18
6 "Tua bang ahi hiam?’ ci-in ka dong hi.
Amah in, "Tua pen tehna tanglawh d#5.6 Hebrew ephah khat tg. 7-11 ah zong ahi hi," ci-in hong dawng hi. Amah in, "Hih in leitung khempeuh a, mite mawhna e#5.6 Ahikeh kilatkhiatna ahi hi," ci-in hong genbeh lai hi.#Mic 6:10
7 Tua ciangin haknaw tawh kibawl a sin kilemkhia-a, tua tanglawh sungah numei khat a na tu hi! 8 Amah in, "Hih in gitlohna ahi hi," ci a, tanglawh sungah tuanu sawntum kikin, haknaw sinin agong a sin kik hi.#Mic 6:11
9 Tua ciangin ka ento a - a khate ua om huih tawh a leng numei nih a na om hi! Amaute in tuivapi bangin kha nei uh a, van le lei kikal ah tanglawh a laamto uh hi.#Sp 11:19; Jer 8:7
10 Kei hong hopih vansawltak kiangah, "Tanglawh koi-ah paipih ding uh hiam?" ci-in ka dong hi.
11 Amah in, "Tua ading inn khat a lamsak ding un Babylon f#5.11 Hebrew in Shinar gamah a puak ding uh hi. A zawhsiang uh ciangin tua tanglawh a om nading munah a koih ding uh hi," ci-in hong dawng hi.
موجودہ انتخاب:
Zechariah 5: ZIV
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Copyright 1994 Myanmar Center for World Mission