Zechariah 4
4
Kham Meivak Tunna le Olive Kung Nih
1Tua ciangin kei hong hopih van sawltak hong kileh kika a ihmu mi khat phot bangin kei hong phong hi. 2 Tua ciangin, "Bang na mu hiam?," ci-in kei hong dong hi.#Da 8:18
"Kham citak tawh kibawl meivak tunna, a dawnah kuangkum khat kithuahin meivak khau sagih dawnah meivak sagih ka mu hi. 3 Tua kiangah olive kung nih zong om a, khat kuangkum taklam pangah omin adang khat a veilam pangah a om hi," ci-in ka dawng hi.
4 Kei hong hopih vansawltak kiangah, "Ka topa aw, hihte bang hiam?" ci-in ka dong hi.
5 Amah in, "Hihte bang hiam cih thei lo na hiam?" ci-in hong dawng hi.#Zec 1:9
"Topa aw, thei keng," ci-in ka dawng hi.
6 Tua ciangin amah in kei kiangah, "Hih in Zerubbabel tunga tung TOPA thu ahi hi: Thahatna hi lo, vangliatna zong hi loin keima Kha hang ahi hi,’ Thahatpen TOPA in ci hi.#1Kh 3:19
7 "A thahat mualliante aw, no bang a#4.7 Ahikeh kua na hi uh hiam? Zerubbabel mai-ah zangtam na suak ding uh hi. Tua ciangin, "Pasian in thupha pia ei! Pasian in thupha pia ei! " ci-a ot na tawh inn tungkhupna suang a puakhia ding hi,’ ci in," a ci hi.#Ph 26:12; 118:22
8 Tua ciangin TOPA thu kei tungah hong tunga: 9 Zerubbabel khut in hih biakinnpi bulpi phut khin hi; ama khut mah in a zosiang ding hi. Tua ciangin Thahatpen TOPA in note tungah kei hong sawl ahilam na thei ding uh hi.
10 Kua in a neu nate’ ni simmawh ahi hiam? Mite in Zerubbabel khuta khaukhai a muh ciangin a nuam ding uh hi.#Hag 2:23
"(Hih sagihte, leitung khempeuh a en TOPA mittangte ahi uh hi,)" a ci hi.#2Kh 16:9
11 Tua ciangin vansawltak kiangah, "Hih meivak tunna veilam le taklama olive kung nihte bang ahi hiam?" ci-in ka dong hi.#Kil 11:4
12 Ama kiangah, "Kham sathau luankhiatna kham penglawngte gel gei-a hih olive kung nihte bang ahi hiam?" ci-in ka dotbeh hi.
13 Amah in, "Hihte bang ahi hiam cih thei lo na hi hiam?" ci-in hong dawng hi.
"Thei keng, topa aw," ka ci hi.
14 Tua ciangin amah in, "Hihte gel in leitung khempeuh’ Topa nasem dinga sathau kinilhte b#4.14 Ahikeh sathau a puak nih le ahi uh hi," hong ci hi.#Pk 29:7
موجودہ انتخاب:
Zechariah 4: ZIV
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Copyright 1994 Myanmar Center for World Mission