Johannes 15 سے مشہور بائبلی آیات

شئیر

“Aame omuvinyu, n̯e mudhontai. Nguma kala mwaame, naame me kala muye, ye ma ma otjingi, iya andaa kaamu kala mwaame, kamu na himamu ulu okuninga.

Kalen̯i mwaame, naame me kala mun̯e. Ngontai hihamai ulu okuma, andaa kai li komuti, nan̯e kaamu ulu okuma, andaa kaamu kala mwaame.

Andaa mamu kala mwaame, nodhondaka dhandje hadhi kala mun̯e, atjihe soka himamu hala okukumba, mamu ke tji ningilwa.

Han̯e mwa ntjolowola, iya ame mbe mu holowola, mbe mu holowola mu ende ko, mu ka me ovinyango mbimavi kala ko, opo atjihe himamu kumbu Tate mena lyandje, e mu pe tjo.

Kape na omuntu nguu na ohole ndjaa pon̯a oyomuntu nguma yandjele omapanga e omwenyo we.

Ye ma tete ko ontai aihe kwaame ndjihamai ma ovinyango, iya ontai aihe ndjimai ma, me i thevethwa, i me ovinyango ovingi.

Otjitumino tjandje hootjohi, okutya mu kale amu lihole ngaame hindji mu hole.

Andaa mamu ma ovinyango ovingi, Tate ma tumbalekethwa, n̯e mamu ile ovalongwa vandje.

“Aame omuvinyu watjatjili. Tate oye e li omwene wotjuundo tjomivinyu.

Nguhama kala mwaame, ma yekelwahi ngontai, ha kukuta. Odhontai madhi ongedhwa, hadhi yumbwa momulilo, hadhi pi.

“Hehi mbe mu heele tjo, opo ehuluko lyandje li kale mun̯e, nehuluko lyen̯i li kale alya hwithilwa po.

Andaa mamu takametha ovitumino vyandje, mamu kala mohole yandje, ngaame himba takametha ovitumino vyaTate, me kala mohole ye.

Soka hime mu heele hootjohi okutya kalen̯i amu lihole.

Ngaile mwa li owomouye, ngai ouye u hole ovantu wawo. Iya ame mbe mu holowola mo mouye, mena lyokutya n̯e kamuwomouye, iya ouye u mu yele.