Johannes 16 سے مشہور بائبلی آیات

شئیر

Ovipuka hembi mbe mu heele vyo, opo mu kale nouwa mwaame. N̯e mu na omaudheu mouye, atjaa hámu tila, ame mba ula ouye odhonkono!”

Ombepo yatjatjili himai ya, mai ke mu longa otjatjili atjihe. Yo kaai ka popya muyo oyene, iya mai ke mu heela soka hiya tyaa, mai ke mu hipululila ovipuka mbyoka mbimavi ke ya.

Katee napano kamu na himuya kumba amamu tumbula ena lyandje, kumben̯i, mamu pewa, ehuluko lyen̯i opo li hwithilwe po.

Iya ame me mu heele otjatjili okutya onawa hime i mena lyen̯i, mena lyokutya andaa híme i, iya Omupopili kee ya kun̯e. Iya andaa me i, okutya me ke mu tuma kun̯e. Omupopili hime ke ya, ma ka yulikila ovantu wouye ouhunga noulundhi nouhunga nouvyuuki nekoyo lyaKalunga.

Iya napano nan̯e mwa etetha onkenda, atjaa me ke mu mona uke, nomitima vyen̯i mavi ke hulukwa, ehuluko ndyoka kape na tja ngume ke mu nyeka lyo. “Etango ndyoka, kamu na himamu ka mpula. Ame me mu heele otjatjili okutya atjihe soka himamu kumbu kuTate amamu tumbula ena lyandje, me ke mu pa tjo.

Ame me mu heele otjatjili okutya mamu ka lila, hamu ka etetha onkenda, iya ouye mau ke hulukwa. Mamu ka kala notjinkendeleka, iya otjinkendeleka tjen̯i matji ka tjituka ehuluko.