Johannes 14 سے مشہور بائبلی آیات

شئیر

“Ouwa me mu thiile wo. Ouwa wandje omwene me mu pa wo. Ame híme mu pa wo ngouye hiuu yandja. Omienyo vyen̯i hávi dhiwele, n̯e hámu tila.

Jesus we mu heela ha tyaa: “Aame ondjila notjatjili nomwenyo. Kape na tja ngume ya kuTate, ahama pitile mwaame.

Jesus wa heela ovalongwa ve ha tyaa: “Omienyo vyen̯i hávi kala avya dhiwele. Itavelen̯i muKalunga, n̯e mu itavele wo mwaame.

Iya Omupopili, Ombepo Ondhilikwa, ngoka Tate nguma ka tuma mena lyandje, oye me ke mu longa avihe, he ke mu thipalukitha ovipuka avihe mbyoka mbimbe mu heela.

“Ngoka nguma tambula ovitumino vyandje, ye he vi takametha, u ntjole. NaTate wo ma kala ae hole ngoka nguu ntjole, naame me ka kala andji mu hole, he liholololele ye.”

Ame me ka kumba Tate, e ke mu tumine Omupopili umo, a kale pamo nan̯e apehe. Ombepo hendji yatjatjili ouye kaau ulu oku i tambula, mena lyokutya wo kau i lwete, wo kau i i. Iya n̯e mu i i, mena lyokutya mai kala pamo nan̯e, yo mai ka kala mun̯e.

Iya kwalukele soka himamu kumbu mena lyandje, me tji ningi, Tate opo a tumbalekethwe mOmuna. Andaa mamu nkumbu tja mena lyandje, me tji ningi.

“Andaa mu ntjole, mamu takametha ovitumino vyandje.

Monganda yaTate mu na omaluvedhe okukala omengi. Ngaile katja li nyahoka, ngai híme mu heele okutya me ke mu longekedhela oluvedhe.

Iya andaa mba i, he ke mu longekedhela oluvedhe, me ka tjuna uke, ndji mu ile, opo mu ka kale hoka hundji li.

Tomas we mu heela ha tyaa: “Muhona, nt̯e katu ku i hoka humo i, ondjila matu i iwa vi?”