Jã 15 سے مشہور بائبلی آیات

شئیر

Mɛr dʋɔn dɩvɛ̃ thɩr kɩra, sɩ dɩ nɛr dʋɔn jɛ̃ɛ. Ʋrɛɛkɛ tɔɔnɩ ɩ̃ bɩnɔ dɩ ɩ̃ too ɔɔ bɩnɔ, ɔr na sɩɛn be jɔɔ, gɩdonɩ ado ma halaˈ na puno thɩ̃ bɩɛllakɛ a na cʋʋ kpɩɩrakaˈ.

Dɔ nɩ too ɩ̃ bɩnɔ ɩ̃ too anɩ bɩnɔ. Mɔ̃kɛ jɔ̃ɔ na punoni dɩbara a na se be, saagado dɩvɛ̃ thɩr kɩra a ɓana gaaga, mɛna gɩ ha dakha na nɛrɛ ado na too ɩ̃ bɩnɔaˈ.

Ado nɩ too ɩ̃ bɩnɔ dɩ ɩ̃ thɩmɩɩsɔ too anɩ bɩnɔ, nɩ bɩɛlnɛ Thãgbara thɩ̃ɛ wo thɩ̃ɛɛkɛ nɩ‐n ƴaalnɩ, a na ha nɛr.

Ga do nɛr kɔɔ phire maˈ, sɩ mɛrɛɛ thɛthɛ kɔɔ phire ni a pɛ thɔmana, dɩ mɛ̃ na jal a na se be, dɩ anɩ birə na toore ƴɛrr, dɩ mɛ̃ thɩ̃ɛ wo thɩ̃ɛɛkɛ na bɩɛlnɩ Thɩrɛra na ɩ̃ i a na ha nɛr.

Dɩ fa faa afɩ yi afɩ kuunsɔra, naʋ na hale a kɔ̃tɩ̃ jɔ naʋ ca ole bã.

Jɛ̃ɛ fɛʋ bɩɛlbɩɛlɩkɛ thaarɛ marnɩ sɩ ga‐n se bəˈ, a na kuur ger na faa. Sɩ jɛ̃ɛ fɛʋ bɩɛlbɩɛlɩkɛ n sɛnɩ be, a na khabɩ gɛr gɩ jɩɩ se be ga‐n pɛr.

Nɩ hɩnɛ, gɩrɛ dɔnɩ ɩ̃ jɔfʋ dʋɔn: Na‐n na kha bɩɛlbɩɛl mɔ̃kɛ mɩ na nɩnɩ.

Gɩrɛ n cʋɛnɩ ɩ̃ Thɩɩ i dɩ ga‐n dʋbɩrɔ dʋɔn: Na‐n se be jɔɔjɔɔ dɩ mɛ̃ na do ɩ̃ kpãkpãadara.

Mɛr dʋɔn dɩvɛ̃ thɩr kɩra bɔ, sɩ ɩ̃ Thɩ dʋɔn dɩvɛ̃ thɩr hɩ̃daar.

Ado tibil na too ɩ̃ bɩnɔaˈ, jɩɛra wa dʋnaa jɛ̃ khaa a khɩ; jɛ̃ khɩna wɩ‐n khɩɩ, a dʋna dɔɔ a faa dɩɩ hɩ̃.

Mɩ mɩɩ nɛr thaa, daʋʋkɛ dɔnɩ ɩ̃da n puno gɩ ha nar, sɩ dɩ anɩ daʋra n jɩɩ bɔr gɩ ka.

Ado na hɩɩn ɩ̃ jɔfʋ na toore ɩ̃ naʋra, mɔ̃kɛ mɩ hɩɩnnɩ ɩ̃ Thɩɩ jɔfʋ a too ɔɔ naʋra.

Gɩrɛ mɩ‐n bonɩ ma‐n ɩɩ nar dʋɔn, na‐n na kha bɩɛlbɩɛl.

Ado thɩɩda nɩ kɔɔ dora, thɩɩ na kɔɔ nar gɩrɛ dɔnɩ ɔɔda. Sɩ gɩdonɩ na do thɩɩkɛɛda ga, sɩɩ do mɛr phire ni tɩbɩlaa thɩ̃thɩɩn, gɛr dɔ nɔɔ dɩ tɩbɩla thɩɩra na‐n laar nɩ.