Jã 14 سے مشہور بائبلی آیات

شئیر

Ha ɩɩ mɩ faa nar. Ɩ̃ thɛthɛɛ ha ie mɩ ha nɩ. Ma ha nɩ ha ɩɩ mɔ̃kɛ thɩɩda n ˈlaanaˈ. Na‐n do haar na‐n jẽ naˈ, dɩ na‐n do maar na‐n fʋ nɩ woaˈ.

Dɩ Jeju sʋʋraa: Mɛr dɔ hʋɛ a dona sobɔr na yire. Tibil bɩɛllakɛ na pɔ Thɩrɛra sɩ a na ka mɛrɛra gaaga.

Na‐n do haar na‐n jẽ naˈ. Nɩ pɩɛr haar Thãgbara a pɩɛr haar mɛrɛra dakha.

Sɩ Bubulikɛ dɔnɩ Thu Phuu, kɛ Thɩrɛ na thɔnɩ ɩ̃ irə, ɔr na dɩrɛ nɩ thɩ̃ɛ fɛʋ a cʋʋna nɩ nɩ jɩna thɩ̃ɛ fɛʋʋkɛ mɩ kɔɔ so narnɩ.

Ʋrɛ hananɩ ɩ̃ so da‐n cʋʋ, ɔr n naan mɩ. Dɩ ʋrɛɛkɛ n naan mɩnɩ, ɩ̃ Thɩ na‐n naarɛ, dɩ mɛrɛ dakha ma‐n naarɛ dɩ ma gbaar dɩbara a na nɩna ntɛ.

Sɩ mɛrɛ, ma bɩɛlɛ Thɩrɛ dɩ a na thɔna narɛ Bubul kpɩɩkɛ na tɔɔnɩ kha khorr na nɛrɛ. Thu Phuukɛ dɔnɩ sobɔ Thue gɩɩkɛ wɩrɛ bɔnɩ Thãgba na punoni a na ˈlaˈ gɩdonɩ wa yɩaˈ, wa jɩaˈ. Sɩ nɛrɛ, ner jɩɩrɛ gɩdonɩ a‐n toore kha na nɛrɛ, dɩ a na harrakɛ anɩ bɩnɔ.

Sɩ thɩ̃ɛ wo thɩ̃ɛɛkɛ na bɩɛlnɩ Thãgbara na ɩ̃ i, ma cʋʋrɛ dɩ mɛ̃ Thɩrɛ na ˈlɛ i dʋbɩrɛ, gɩ do mɛr Bikuun dɔ nɔɔ. Ado na bɩɛl thɩ̃ɛ Thãgbara na ɩ̃ i, gɛrra ma‐n cʋʋ.

Ado nɩ‐n na mɛr na‐n hɩɩnɛ ɩ̃ so.

Cɔ paar bərəəm hale ɩ̃ Thɩɩ cɔ; a ga ha mãˈ ma kɔɔ mãa so nar, gɩdonɩ mɩ‐n kʋɔn ɩ̃ gbɛbɩ too paar nɛrɛra.

Dɩ ɔbɔɔkɛ ma kɔnɩ na gbɛbɩ nar too paar na pɩ, gɛr ma biro na ɩ̃ a na gba nɩ dɩ sa ha kha gɩ do dapaakɛ mɩ hanɩ, le nɩ ha ner.

Dɩ Tomasɩ sʋʋraa: Kɔ̃tɩn, sa jɩnɩ ka fɩ‐n jalnaˈ, mɔ̃ sa fʋ sɩ na jɩ hʋɛ?