رُومیوں 16 سے مشہور بائبلی آیات

شئیر

خُدا جو اِطمینان کا چشمہ ہے شیطان کو تمہارے پاؤں سے جلد کُچلوا دے گا۔ ہمارے خُداوؔند عیسیٰ المسیؔح کا فضل تمہارے ساتھ ہو!

پس اَے بھائیو اَور بہنوں! میں تُم سے اِلتماس کرتا ہُوں کہ جو لوگ اُس تعلیم کی راہ میں جو تُم نے پائی ہے روڑے اَٹکاتے اَور لوگوں میں پھُوٹ ڈالتے ہیں، اُن سے ہوشیار رہو اَور اُن سے دُور ہی رہو۔

کیونکہ اَیسے لوگ ہمارے خُداوؔند المسیؔح کی نہیں بَلکہ اَپنے پیٹ کی خدمت کرتے ہیں اَور چِکنی چُپڑی باتوں اَور خُوشامد سے سادہ دلوں کو بہکاتے ہیں۔

اَور اَب خُدا کی جو اِس بات پر قادر ہے کہ تُمہیں تمہارے مَسیحی ایمان میں مضبُوط کرے، اُس ایمان میں جو حُضُور عیسیٰ المسیؔح کی انجیل کے مُطابق ہے اَور جِس کی میں مُنادی کرتا ہُوں وہ ایک اَیسا راز ہے جو اَزل سے پوشیدہ رہا۔ لیکن اَب اَزلی خُدا کے حُکم کے مُطابق اَور نَبیوں کے نَوِشتوں کے ذریعہ تمام غَیریہُودی قوموں کو بتا دیا گیا ہے تاکہ وہ ایمان لائیں اَور خُدا کے فرمانبردار بنیں۔ اُسی واحد اَور حکیِم خُدا کی حُضُور عیسیٰ المسیؔح کے وسیلہ سے ہمیشہ تک تمجید ہوتی رہے! آمین۔