Jipoxolo 2 سے مشہور بائبلی آیات

شئیر

Kuala Phetele: Dielenu, nda a mi batizale enʼ uenu oso, mu dijina dia Jezú Kristu, phala o ituxi ienu a mi loloke-iu, anga mu tambula kua Tata o ujitu ua Nzumbi Ikôla.

Ene oso anga a kolokota mu ulongelu ua jipoxolo, ni mu ukamba mudiâ, anga a kala mu kubhongoloka jinga kumoxi mu kubukula o mbolo, ni mu kusamba.

Ene oso anga ezala ni Nzumbi Ikôla, hé a kuata kutanga madimi mengi, kala kioso Nzumbi kia a bhana kuzuela.

Anga a tukumuka ku diulu kua dʼivisa kala kitembu kiasuina kiala mu tuluka ni kuona, anga kʼ izalesa onzo ioso mua xikama. Kua a tukulukila ni madimi ma di uanununa kala túbhia tuala kulekujuka, kala muthu kua mu tula o diê ku thandu, ene oso a sokelá-ku. Ene oso anga ezala ni Nzumbi Ikôla, hé a kuata kutanga madimi mengi, kala kioso Nzumbi kia a bhana kuzuela.

Izuua ioso a jiza ni muẋima umoxi o kubhongoloka jinga mu Tembulu ni kubukula o mbolo ku bhata, hé a kuata kúdia jinga kumoxi ni kusanguluka ni kubatama muẋima. Mu ioso a kala mu ximana Nzambi, o mundu uene uoso u a tumbula. Ngana anga u kala mù bandekeza izuua ioso e kibuka kia ió oso ala kuenda ni kubhuluka.

Talesenu, Nzambi uambe: Mu izuua ia kà suka-ku, nga kà bhanga kiki: Nga kà lundulula o Nzumbi iami ku thandu dia athu oso. Anʼ enu a mala ni anʼenu a ahatu a kà tanga o maka mami. Minzangala ienu ia kà mona isumua, o adiakimi enu a kʼ ànjiua jinzoji.

Ene oso a xikana hé a kala kumoxi, o imbamba iâ ioso ia kisangela. O jixi jâ, ni jimbongo, a ji sumbisa, anga a di uanena oso mudiâ, kala muthu kioso kia soko o kubhindama kuê.

Kienhokio-phe ki bhita kuma, uoso ua kà bhingila dikuatekesu mu dijina dia Ngana, u bhuluka.

Dikumbi dia kà kituka usuku, o mbeji ia kà biluka manhinga, kioso o Kizuuʼ okio kia dikota, o Kizuua kia fuma ia Ngana, kiluua kʼ iza.