Jipoxolo 1 سے مشہور بائبلی آیات

شئیر

Maji enu-phe muandu tambula kutena, ki anda kuiza Nzumbi Ikôla ku thandu dienu. Mua kà ngi kalela jimbangi, ni mu Jeluzaleme, ni mu Judeia ioso, ni mu Samádia, katé ni ku maẋokololo ma jixi.

Kuala muène: Enu ka mi bhana-kiu, o kuijiia jithembu ni kizuua kia xindi Tata mu kutena kuê-muène.

O kizuua kia bhongolokele luamukuá, Jezú anga u a tumina, uixi: Mu Jeluzaleme ki mu tunde-mu, maji mu kinga momo o kikutu kia mi polometela Tata, ki muèvua jinga ko kuami. Kuma Nzuá ua mi batizala ni menha, maji enu-phe anda ku mi batizala ni Nzumbi Ikôla, mu izuua muenhumu.

Kuma kia zubhile kubhita ni phaxi ia kúfua kuê, Jezú ua di tukulula ni muenhu kua ene, ni ijidisu iavulu i zubha o jiphata, kuila uala muene ku muenhu. Kuma o Jipoxolo, Jezú ua a monekena jinga mu makuinhi auana a izuua, anga u kuata ku a zuelela o ima ia tokala ku Utuminu ua Nzambi.

O kia zubhile kuzuela imʼ iíi, kioso kia kexile hanji ene ni ku mu tala, Jezú ua zangumuka bhulu, anga bhu kala dituta dia tambula-nê ku mesu, a lémbua ku mu mona dingi.

Ene-phe hanji ki a kuata kutonginina bhulu, muène iu uia ni kubanda. Talesa! a tukumuka bhu mbandu iâ bhu emana malʼ aiadi, a zuata izuatu izela. Exi: Enu mu akua Ngalieleia, mu emanena-hi ni kutala bhulu? Jezú imoxi iíi, ua kexile ni enu, ia a mi tambula-nê ku diulu, hinu uà kèza dingi uila ki mua mu mono kuia ku diuluʼ iki.