ลามูลา 10
10
บักซา นู ตูโรด มือนูโรด บือแนฮ เดะ โนอา
(1 จรือตา 1.5-23)
1ตะเดะ อีนี_ ฌาดี บือแนฮ โกะ นานะ ซือมูฮา นะ โนอา. อาดา เชม_ ฮาม_ ฌางัน ยาเฟด_ นู อาดา นานะ ตูโรด มือนูโรด มาแรฮ_ ลือปัซ เดะ นู อาเย ญา อาโปฮ. 2นานะ นะ ยาเฟด_ ปือนามา โกเมอ_ มาโกก_ มาดัย_ ยาวาน_ ทูบัน_ เมเชก_ ฌางัน ทิราด. 3บือแนฮ นะ โกเมอ_ ฌาดี ลูมอฮ อัดซะเคนัด_ รีฟาด_ ฌางัน โทการะมา. 4บือแนฮ นะ ยาวาน_ ฌาดี ลูมอฮ เอลีซา_ ทาระซิด_ คิดทิม_ ฌางัน โดดานิม. 5ดาตัก เดะ โกะ บือแนฮ บักซา อีนี_ โกะ ลูมอฮ บักซา เดะ โซะ บีดิก ลาโวจ_ กรือจัย ปี ราตา เดะ นังฆรี นะ กูญา_ ตูโรจ บือกะ บาซา_ ตูโรจ บือกะ บือแนฮ บักซา นะ กูญา_ ตูโรจ บือกะ ลูมอฮ นะ กูญา.
6นานะ นะ ฮาม_ ปือนามา คูชี_ อียิบ_ พูต_ ฌางัน คานาอัน. 7บือแนฮ นะ คูชี_ ฌาดี ลูมอฮ เซบา_ ฮาวีลา_ ซับทา_ ราอามา_ ฌางัน ซับเทคา. โซะ บือแนฮ นะ ราอามา_ ลูมอฮ เชบา_ ฌางัน เดดาน. 8คูชี เตอ_ อาดา นานะ ปือนามา นิมโรด. นิมโรด เตอ_ ฌาดี ซือมียา ลามูลา เดะ ดือนียา_ นู ปานัย บือปรัก_ นู ตือฆัยํ อูรัจ. 9นิมโรด ฌาดี ซือมียา ปานัย รีฆะ โกะ บือนาตัก_ นู ตือฆัยํ อูรัจ ซูโงฮ_ โซะ ฮือลด มูคา นะ ตูฮัด บือซัยํ เดะ อาตัซ. กะฆีเตอ_ อาดา ปือมือเลา มือญาเระ จะ “ซือรูปา บือกะ นิมโรด_ ซือมียา ปานัย รีฆะ โกะ บือนาตัก_ นู ตือฆัยํ อูรัจ ซูโงฮ_ โซะ ฮือลด มูคา นะ ตูฮัด บือซัยํ เดะ อาตัซ.” 10นังฆรี ลามูลา นะ นิมโรด เตอ_ ฌาดี นังฆรี บาบีโลน_ นังฆรี เอเรก_ ฌางัน นังฆรี อักคัด. ตีฆา นังฆรี อีนี ซือมูฮา_ ดูโดะ เดะ ซือบือลัฮ นังฆรี ซีนา. 11นิมโรด ตรือเบะ เดะ นังฆรี อีตู_ ปี กะ นังฆรี อาซีเรีย_ บูวัจ นังฆรี นีนะเว_ นังฆรี เรโฮโบด-อีระ_ นังฆรี คาลัฮ_ 12ฌางัน นังฆรี เรเซน_ นู ดูโดะ ซามา ตืองัฮ นังฆรี นีนะเว_ ฌางัน นังฆรี คาลัฮ. นังฆรี อีนี ฌาดี นังฆรี นู บือซัยํ โตระ.
13อียิบ_ อาดา บือแนฮ ฌาดี ลูมอฮ ลูดิม_ อานามิม_ เลฮะบิม_ นาฟะทูฮิม_ 14ลูมอฮ ปัดรุซิม_ ลูมอฮ คัดซะลูฮิม_ ฌางัน ลูมอฮ คาฟะโตระ_ นู ฌาดี บือแนฮ ลามูลา นะ ลูมอฮ ฟีลิซะเตีย.#10.14 คัดซะลูฮิม_ ฌางัน ลูมอฮ คาฟะโตระ_ นู ฌาดี บือแนฮ ลามูลา นะ ลูมอฮ ฟีลิซะเตีย. ซูรัจ บาซา ฮีบรู จะ_ คัดซะลูฮิม_ นู ฌาดี บือแนฮ ลามูลา นะ ลูมอฮ ฟีลิซะเตีย_ ฌางัน ลูมอฮ คาฟะโตระ. ตาปี โกะ ซือมียา นู ตาฮู ลาฆู นูตู_ กูญา จะ_ ลูมอฮ คาฟะโตระ ฌาดี บีลาแก นะ ลูมอฮ ฟีลิซะเตีย. กะฆีเตอ อาคา จะ_ ซือมียา ฆาแรฮ กาลา นูตู บือเลฮ ฆาแรฮ ซาลัฮ ตือปัจ.
15คานาอัน_ อาดา นานะ ซูโลก ปือนามา ซีโดน_ ฌางัน อาดี กีลากี ปือนามา เฮด 16บือแนฮ นะ ญา อาดา ฌูฆา โกะ ลูมอฮ เยบูซี_ ลูมอฮ อาโมรี_ ลูมอฮ กือกาซี_ 17ลูมอฮ ฮีวี_ ลูมอฮ อาระคี_ ลูมอฮ ซีนี_ 18ลูมอฮ อาระวัด_ ลูมอฮ เซเมอ_ ฌางัน ลูมอฮ ฮามัด. ลือปัซ เดะ อีตู_ โกะ บือแนฮ นะ ลูมอฮ คานาอัน โปด_ บือปือจัฮ ตรือเบะ ปี ดัฮ. 19ตือกอซ นะ ลูมอฮ คานาอัน เตอ_ ปาญัก ตะเดะ นังฆรี ซีโดน_ ปี กะ นังฆรี เกรัยํ_ ปี รอจ กะ นังฆรี ฆาซา_ ฌาลัด นะ ปี กะ นังฆรี โซโดม_ นังฆรี โกโมรา_ นังฆรี อัดมา_ ฌางัน นังฆรี เซโบยิม_ ฌู รอจ กะ นังฆรี ลาชา. 20โกะ ลูมอฮ ซือมียา อีนี_ ฌาดี ลูมอฮ บือแนฮ บักซา นะ ฮาม_ ตูโรจ กะ บือแนฮ_ ตูโรจ กะ บาซา_ ตูโรจ กะ นังฆรี_ ตูโรจ กะ ลูมอฮ นะ กูญา.
21โซะ เชม_ กากา นะ ยาเฟด เตอ_ ฌาดี บีลาแก นะ ลูมอฮ เอเบอ_ ญา อาดา นานะ บาญะ อูรัก ฌูฆา 22นานะ นะ เชม เตอ_ ปือนามา เอลาม_ อาซีเรีย_ อาระปักชาด_ ลูด_ ฌางัน อารัม. 23บือแนฮ นะ อารัม_ ปือนามา ลูมอฮ อูซะ_ ลูมอฮ ฮูลี_ ลูมอฮ เกเทอ_ ฌางัน ลูมอฮ มาชี. 24อาระปักชาด อาดา นานะ ปือนามา เซลัฮ. โซะ เซลัฮ อาดา นานะ ปือนามา เอเบอ. 25เอเบอ อาดา นานะ ดูวา อูรัก. นู ซา ปือนามา เปเลก#10.25 เปเลก เดะ บาซา ฮีบรู_ ปือนามา อีนี ฌาดี จะ_ ปือฮาฆิ._ กรานา จะ เดะ กาลา อูมอยํ นะ เปเลก เตอ_ กูญา ปือฮาฆิ นังฆรี ดัฮ. อาดี เดะ เปเลก_ ปือนามา โยกทาน. 26โยกทาน อาดา บือแนฮ ปือนามา จะ_ ลูมอฮ อันโมดัด_ ลูมอฮ เชเลฟา_ ลูมอฮ ฮาชาระมาเวด_ ลูมอฮ เยรัฮ 27ลูมอฮ ฮาโดรัม_ ลูมอฮ อูซาน_ ลูมอฮ ดิกลา 28ลูมอฮ โอบาน_ ลูมอฮ อาบีมาเอน_ ฌางัน ลูมอฮ เชบา_ 29ลูมอฮ โอฟีระ_ ลูมอฮ ฮาวีลา_ ฌางัน ลูมอฮ โยบับ. ลูมอฮ อีนี ฌาดี บือแนฮ นะ โยกทาน. 30ตือปัจ นู กูญา ดูโดะ_ ฮืนตะ เดะ นังฆรี เมชา_ ปี รอจ กะ ฌาลัด นะ ปี กะ เซฟาระ_ รอจ กะ ตือกอซ โกะ บูเกะ_ โซะ อาตัซ มาตา อารี. 31โกะ ลูมอฮ ซือมียา อีนี_ ฌาดี บือแนฮ บักซา นะ เชม_ ตูโรจ กะ บือแนฮ_ ตูโรจ กะ บาซา_ ตูโรจ กะ นังฆรี_ ตูโรจ กะ ลูมอฮ นะ กูญา.
32ลูมอฮ ซือมียา อีนี เลอ_ ฌาดี บือแนฮ บักซา นู ตูโรด มือนูโรด_ ดาตัก มาแรฮ เดะ นานะ นะ โนอา_ ตูโรด มือนูโรด บือกะ บือแนฮ นะ กูญา_ ตูโรจ กะ บักซา นะ กูญา. ดาตัก เดะ โกะ ลูมอฮ บักซา อีนี_ ลูมอฮ บักซา ซือมูฮา เดะ ดือนียา โปด_ กรือจัย ตรือเบะ ปี_ ลือปัซ เดะ บลากัก นู อาเย อาโปฮ เลอ.
Поточний вибір:
ลามูลา 10: ULBIBLE
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть