MATEYO 3
3
1KU matuku yia kwakalwa Yoano Munumeyi akakwambila mu mbata a kisobe a Yudiya, 2ene, Nudibeli bwalo butani bufumu bwa diulu pepe. 3You ndo muntu akatambibwa kudi mudimuxi Esaya ene, Diyi dia muntu adila mu mbata a kisobe ene, nulungiki ncila a Fumu ; nuxembeyi bidikilu bienci swi. 4Yi Yoano mikyenci akadi yi kilamba kienci kia nyonyi ya xamo, yi mwoi kaba ă dikoba ku makondu anci, yi bidya bienci biakadi minkumbi yi buki bwa mutu.
5Bena Yelusaleme lolo bakamubatukila, yi bungi bwa Yudiya, yi bungi bwa mbata udi pepe yi Yôdana, 6yi bakanumeyebwa kudiyi mu Yôdana, badi mu kusakola mabi abo. 7Kaninga pakamonayi baFalixi bangi yi baSaduki batanalwa ku kunumeya kwanci, akabatôyela ene, Bana ba nyoka, ñani apunudimusa nucini bisusu bilolwa ? 8Nukami lolo mamona alelekyela yi kudibela. 9Yi kanwenci ndo kuditôyela munda ene, Coco tudi yi Abalami tetecu, bwalo bunwatôyela ene, Ncembi ubili kubixila Abalami bana kudi mabwe aa. 10Nkyekyu lolo soka amatekyebwa ku dicina dia mici ; mbwôso muci mwoso utasokama mamona anengela ka ăxindibwa, ka ělebwa mu mudilu. 11Meme nwanumeya mu mai sôsôlwo ku kudibela, mo yei ulolwa kunyuma kwamene amangudika ngulu, untasolelekyela yi kucwala sabato yenci ; yei unanunumeya yi Mwoxixi a babala yi mudilu ; 12kipumbuxilu kienci kidi ku kianca kienci, yi unakupulula kixengelu kienci dyendeli paxi ; unasanga muxekye ănci mu kibumbilu ; mo unakwosa mangu mu mudilu utasoncimibwa.
13Ku kikondo kieki kwakalwa Yisu mu Ngalili ku Yôdana kudi Yoano, kulwa numeyebwa kudiyi ; 14mo Yoano akadi uxemukanda ene, Meme nxenumeyebwa kudi ; owe lolo ulolwa kundi ? 15Mo Yisu akamupingasa ene, Ubelekyela nako ; kudi bwalo bwecu nako kufikisa nkwami mioso. Yi akamwetabusa. 16Yisu lolo, pakanumeyebwayi, akancuka mangwoso mu mai, yi mona, diulu diakamudipukila yi akamona Mwoxixi a Ncembi udi mu kupweka bea kimbenga, umwakwatamina ; 17yi mona, diyi mu diulu ene, You udi Mwanami munangibwi ; kudiyi ndo kunapuxekyelela.
Поточний вибір:
MATEYO 3: Luna_NT
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© La Société biblique de Genève
