JENESI 48
48
1 Oku aahi a Josefa mo hono ogo foha ki he ene tamai mahaki, 2 Oku fakamalohi‘i ia e Jekobe ke tabuaki akinaua. 3 Oku ne lau ki he talaofa, 5 Oku ne gaohi akinaua moona. 7 Oku ne fakaha kia Josefa ae faitoka o ene fa‘e. 9 Oku ne tabuaki‘i a Ifalemi mo Manase. 17 Oku ne tuku ke mu‘a ae tehina i he taokete. 21 Oku ne kikite ki he e nau toe foki ki Kenani.
1BEA hili ae gaahi mea ni, nae fakaha e e toko taha kia Josefa o behe, Vakai, oku mahaki hoo tamai: bea naa ne ave mo ia a hono ogo foha, ko Manase, mo Ifalemi. 2Bea nae tala kia Jekobe, o behe, Vakai, oku ha‘u ho foha ko Josefa kiate koe: bea nae fakamalohi e Isileli ia, bea ne nofo hake i he mohega. 3Bea behe e Jekobe kia Josefa, Nae ha mai ae Otua mafimafi kiate au i Lusa i he fonua ko Kenani, o ne tabuaki au; 4O ne behe mai kiate au, Vakai, teu gaohi koe ke ke monuia, mo ke tubu o toko lahi, bea teu fakatubu iate koe ae gaahi kakai lahi; bea teu foaki ae fonua ni ki ho hako ki mui iate koe, koe nofoaga mau o taegata.
5Bea koeni, ko ho ogo foha ko Ifalemi, mo Manase, nae fanau kiate koe i he fonua ko Ijibite, i he heeki ai teu ha‘u ki Ijibite, oku ooku akinaua; o hage ko Lubeni mo Simione, e ooku akinaua. 6Bea ko hoo fānau te ke fakatubu kimui iate kinaua, e oou ia, bea e ui akinautolu i he higoa o ho nau kaiga i ho nau tofia. 7Bea ko au, i he eku ha‘u mei Betana, nae bekia a Lejieli o ofi kiate au i he hala, ka nae toetoe jii be, bea mau hoko ki Efelata; bea naaku tanu ia i he hala ki Efelata; aia ko Betelihema. 8Bea nae jio a Isileli ki he ogo foha o Josefa, o ne behe, Kohai akinaua? 9Bea beheage e Josefa ki he ene tamai, Ko hoku ogo foha akinaua, kuo foaki e he Otua kiate au, i he fonua ni. Bea behe eia, Oku ou kole kiate koe, omi akinaua kiate au, bea teu tabuaki akinaua. 10Bea nae kui ae mata o Isileli koe mea i he ene motua, ko ia nae ikai ai te ne faa jio. Bea ne omi akinaua o ofi kiate ia; bea naa ne uma kiate kinaua o ne faufua akinaua. 11Bea nae behe e Isileli kia Josefa, Nae ikai teu amanaki keu mamata ki ho mata; bea vakai, kuo fakaha e he Otua kiate au ho hako foki. 12Bea nae omi akinaua e Josefa mei hono tui, bea ne tulolo ia mo hono mata ki he kelekele. 13Bea ave akinaua e Josefa, ko Ifalemi i hono nima toomatau o haga atu ki he nima toohema o Isileli, mo Manase i hono toohema o haga atu ki he nima toomatau o Isileli, bea ne omi akinaua ke ofi kiate ia. 14Bea nae mafao atu e Isileli hono nima toomatau o hilifaki ia ki he ulu o Ifalemi, aia koe kimui, mo hono nima toohema ki he ulu o Manase, o ai fakabotoboto be hono nima; he ko Manase, koe uluaki ia.
15Bea naa ne tabuaki a Josefa o ne behe, Koe Otua, aia nae alu i he ao o eku tamai ko Ebalahame, mo Aisake, koe Otua naa ne fafaga au i he eku moui kotoabe o a‘u ki he aho ni, 16Koe agelo aia naa ne huhui au mei he kovi kotoabe, tabuaki‘i ae ogo tama; bea ke ui hoku higoa kiate kinaua, moe higoa o eku tamai ko Ebalahame, mo Aisake; bea tuku ke na tubu koe kakai toko lahi i mamani. 17Bea kuo mamata a Josefa kuo ai e he ene tamai hono nima toomatau ki he ulu o Ifalemi, naa ne mamahi ai; bea ne hiki ae nima o ene tamai ke ave ia mei he ulu o Ifalemi ki he ulu o Manase. 18Bea behe e Josefa ki he ene tamai, Ko eku tamai ke oua naa behe, he koe uluaki eni: ai ho nima toomatau ki hono ulu. 19Bea nae taofi ia e he ene tamai, o ne behe, Oku ou ilo, ko hoku foha, oku ou ilo ia: e hoko ia foki koe kakai toko lahi, bea e lahi ia foki; ka koe mooni e lahi hono tehina iate ia, bea e hoko hono hako koe gaahi buleaga lahi. 20Bea naa ne tabuaki akinaua i he aho koia, o behe, E fai tabuaki e Isileli iate koe, o behe, Ke gaohi koe e he Otua ke tatau mo Ifalemi mo Manase: bea naa ne tuku a Ifalemi ki mu‘a ia Manase. 21Bea behe e Isileli kia Josefa, Vakai teu mate au; ka e iate kimoutolu ae Otua, bea te ne toe ave akimoutolu ki he fonua o hoo mou gaahi tamai. 22Bea koeni foki, kuou foaki kiate koe ae botu lahi hake e taha i ho gaahi tokoua, aia naaku ma‘u mei he nima oe kakai Amoli, aki a eku heleta, mo eku kaufana.
Поточний вибір:
JENESI 48: TWB
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть