JENESI 46
46
1 Oku fakafiemalie e he Otua kia Jekobe i Beasiba: 5 ko ene fonoga mei ai mo ene fānau ki Ijibite. 8 Hono toko lahi o hono hako nae alu ki Ijibite. 28 Koe feiloaki a Josefa mo Jekobe. 31 Oku ne akonaki‘i a hono kaiga, ke nau tali kia Felo.
1BEA fonoga a Isileli moe mea kotoabe naa ne ma‘u, bea ha‘u ia ki Beasiba, bea ne atu i ai ae gaahi feilaulau ki he Otua o ene tamai ko Aisake. 2Bea nae folofola ae Otua kia Isileli i he gaahi mea ha mai oe bo, o ne behe, Jekobe, Jekobe; bea behe eia, Ko au eni. 3Bea behe eia, Koe Otua au, koe Otua o hoo tamai: oua naa ke manavahe ke alu hifo ki Ijibite, he teu gaohi aki koe i ai ae buleaga lahi. 4Bea teu alu mo koe ki Ijibite; bea koe mooni teu toe omi koe mei ai; bea e ai e Josefa hono nima ki ho mata. 5Bea nae tuu hake a Jekobe mei Beasiba: bea koe gaahi foha o Isileli naa nau omi ae nau tamai ko Jekobe, moe nau fānau, mo ho nau gaahi unoho i he gaahi saliote nae fekau e Felo ke fetuku aki akinautolu. 6Bea naa nau ave e nau faga manu moe nau koloa, naa nau ma‘u i he fonua ko Kenani, o nau ha‘u ki Ijibite, a Jekobe, mo hono hako kotoabe moia: 7Ko hono gaahi foha, moe gaahi foha o hono gaahi foha mo ia, moe gaahi ofefine o hono gaahi foha, mo hono hako kotoabe, nae ha‘u mo ia ki Ijibite.
8Bea koe gaahi higoa eni oe fānau a Isileli nae ha‘u ki Ijibite, ko Jekobe mo hono gaahi foha: ko Lubeni koe uluaki o Jekobe. 9Bea koe gaahi foha o Lubeni; ko Henoke, mo Falu, mo Hesiloni, mo Kalimi.
10Bea koe gaahi foha o Simione; ko Jemueli, mo Jamini, mo Ohati, mo Jakini, mo Sohali, mo Saula, koe tama ae fefine Kenani.
11Bea koe gaahi foha o Livai, ko Kesoni, mo Kohate, mo Melali.
12Bea koe gaahi foha o Juta; ko Ea, mo Onani, mo Felesi, mo Selaa, ka nae mate a Ea mo Onani i he fonua ko Kenani, bea koe ogo foha o Felesi ko Hesiloni mo Hamuli.
13Bea koe gaahi foha o Isaka; ko Tola, mo Fufa, mo Jobe, mo Similoni.
14Bea koe gaahi foha o Sebuloni; ko Seleti, mo Eloni, mo Jalili. 15Koe gaahi tama eni a Lia, naa ne faele‘i kia Jekobe i Betanalami, mo hono ofefine ko Taina; koe laumalie o hono gaahi foha mo hono gaahi ofefine nae toko tolugofulu ma toko tolu.
16Bea koe gaahi foha o Kata; ko Sifioni, mo Haki, mo Suni, mo Esiboni, mo Elai, mo Eloti, mo Alili.
17Bea koe gaahi foha o Aseli; ko Jimina, mo Isua, mo Isui, mo Belia, mo Sela, ko ho nau tuofefine; bea koe ogo foha o Belia; ko Heba, mo Malikieli. 18Koe gaahi tama eni a Siliba, aia ne foaki e Lebani ki hono ofefine ko Lia, bea ne fanau‘i akinautolu ni kia Jekobe, koe laumalie e hogofulu ma ono. 19Bea koe fānau a Lejieli koe unoho o Jekobe; ko Josefa, mo Benijimani.
20Bea nae tubu ia Josefa i he fonua ko Ijibite, a Manase, mo Ifalemi, aia nae fanau‘i kiate ia e Asinate koe ofefine o Botifela koe taulaeiki o Oni.
21Bea koe gaahi foha o Benijimani, ko Bela, mo Bekeli, mo Asibeli, mo Kela, mo Neemani, mo Ehi, mo Losi, mo Mubimi, mo Hubimi, mo Aliti. 22Koe gaahi tama eni a Lejieli, nae tubu kia Jekobe; koe laumalie kotoabe, nae toko hogofulu ma toko fa.
23Bea koe foha o Tani; ko Husami.
24Bea koe gaahi foha o Nafitali, ko Jaseili, mo Kuni, mo Jeseli, mo Silemi. 25Koe gaahi tama eni a Bila, aia nae foaki e Lebani, ki hono ofefine ko Lejieli, bea ne fanau akinautolu ni kia Jekobe; koe laumalie kotoabe nae toko fitu. 26Koe laumalie kotoabe nae ha‘u mo Jekobe ki Ijibite, aia nae tubu iate ia, ka oku ikai lau ae gaahi unoho oe gaahi foha o Jekobe; koe laumalie e toko onogofulu ma toko ono. 27Bea koe ogo foha o Josefa nae fanau kiate ia i Ijibite, koe laumalie e toko ua: bea koe laumalie kotoabe oe fale o Jekobe, nae ha‘u ki Ijibite, naa nau toko fitugofulu.
28Bea naa ne fekau a Juta ke muomua iate ia, ke fakahinohino ia ki Koseni; bea naa nau hoko ki he fonua ko Koseni. 29Bea teuteu e Josefa hono jaliote, bea alu ia ke fakafetaulaki ki he ene tamai i Koseni, o ne fakaha ia kiate ia: bea ne faufua ia o faaki ki hono kia o tagi fuoloa. 30Bea behe e Isileli kia Josefa, Koeni tuku keu mate, he koeuhi kuou mamata ki ho mata, bea oku ke kei moui. 31Bea behe e Josefa ki hono gaahi tokoua moe fale o ene tamai, Teu alu hake o fakaha kia Felo, o tala kiate ia, ko hoku gaahi tokoua, moe fale o eku tamai aia nae i he fonua ko Kenani, kuo nau ha‘u kiate au. 32Bea koe kau tauhi sibi ae kau tagata, he koe nau gaue koe fafaga ae faga manu; bea kuo nau omi e nau faga manu moe mea kotoabe oku nau ma‘u. 33Bea e hoko o behe, oka ui a Felo kiate kimoutolu, o ne fehui be koeha a hoo mou faiva; 34Bea te mou behe, Koe gaue a hoo kau tamaioeiki talu e mau kei jii o fai mai ni, io akimautolu moe mau gaahi tamai, koe tauhi manu; koeuhi ke mou nofo i he fonua ko Koseni, he oku fakalielia ki he kakai Ijibite, ae tauhi sibi kotoabe.
Поточний вибір:
JENESI 46: TWB
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть