JENESI 41
41
1 Koe ogo miji a Felo. 25 Oku fakamatala ia e Josefa. 33 Oku ne akonaki‘i a Felo. 38 Kuo hakeak‘i a Josefa. 50 Oku tubu iate ia a Manase mo Ifalemi. 54 Oku hoko ae hoge.
1BEA hili ae ta‘u kotoa e ua, bea behe, nae miji a Felo: bea vakai nae tuu ia i he vee vaitafe. 2Bea vakai, nae alu hake mei he vaitafe ae faga bulu e fitu nae matamata lelei mo jino lahi; bea nau kai i he goue mohuku. 3Bea vakai nae alu hake o muimui i ai ae faga bulu matamata kehe e fitu, nae matamata kovi mo tutue lahi, bea nau tutuu o ofi ki he faga bulu kehe i he vee vaitafe. 4Bea koe faga bulu matamata kovi mo tutue, naa nau kaio oji ae faga bulu matamata lelei, mo jino lahi. Bea a ai a Felo. 5Bea toe mohe ia, bea miji ia ko hono tuo ua; bea vakai, nae tubu hake ae fua koane e fitu i he kau be taha, nae lahi mo lelei. 6Bea vakai, nae tubu hake o muimui i ai ae fua koane e fitu, nae kekena mo mate i he matagi hahake. 7Bea koe fua vaivai e fitu, naa nau kai o oji ae fua e fitu nae malohi mo lelei. Bea a ai a Felo, bea vakai, koe miji be ia. 8Bea bogibogi hake ai, nae mamahi be hono laumalie; bea fekau e ia ke ui ae kau fiemana kotoabe o Ijibite, bea moe kau tagata boto kotoabe i ai: bea fakaha e Felo ene miji kiate kinautolu; ka nae ikai ha taha ke ne faa fakaha hono uhiga kia Felo.
9Bea lea ai ae tauhi lahi kia Felo, o behe, Oku ou manatu ki he eku gaahi hala he aho ni; 10Nae tubutamaki a Felo ki he ene kau tamaioeiki, bea ne tuku au ke fakabobula‘i, ki he fale oe eiki oe kau leo, aau moe tagata ta‘o ma. 11Bea naa ma miji ae miji i he bo be taha, ko au mo ia; naa ma miji ae tagata taki taha o fakatatau ki hono uhiga o ene miji. 12Bea naa mau i ai moe talavou koe Hebelu, koe tamaioeiki ki he eiki oe kau leo; bea ma fakaha kiate ia, bea ne fakaha kiate kimaua hono uhiga oe ma miji, ki he tagata taki taha naa ne fakaha hono uhiga o ene miji. 13Bea nae hoko ia, o hage koe mea naa ne fakaha; naa ne toe tuku au ki he eku gaue, bea ne tautau ia.
14Bea fekau leva e Felo ke ui mai a Josefa, bea naa nau fakatootoo o omi ia mei he fale fakabobula; bea naa ne tele kava, bea fetogi hono kofu, bea ha‘u ia kia Felo. 15Bea behe e Felo kia Josefa, Kuou miji ae miji, bea oku ikai ha taha ke fakaha hono uhiga; bea kuou fanogo kiate koe, oku ke faa ilo hono uhiga oe miji ke fakaha ia. 16Bea talaage e Josefa kia Felo, o behe, Oku ikai iate au; e tuku e he Otua kia Felo ae tala fakafiemalie. 17Bea behe e Felo kia Josefa, Naaku mamata i he eku miji, bea vakai, naaku tuu i he vee vaitafe: 18Bea vakai, nae alu hake mei he vaitafe ae faga bulu e fitu nae jino lahi, mo matamata lelei; bea naa nau kai i he goue mohuku: 19Bea vakai, nae alu hake ae faga bulu kehe e fitu, naa nau kovi mo matamata kehe, mo tutue aubito, kuo ikai teu mamata ki he kovi behe, i he fonua kotoabe o Ijibite: 20Bea nae kai o oji e he faga bulu tutue, ae uluaki faga bulu e fitu, aia nae jino: 21Bea hili e nau kai o oji ia, bea nae ikai hano fakailoga oe nau kai ia; he naa nau matmata kovi ai be, o hage i mu‘a. Beau a ai. 22Bea naaku mamata i he eku miji, bea vakai, nae ai ae fua koane e fitu i he kau be taha, nae lahi mo lelei; 23Bea vakai, nae ai ae fua koane e fitu nae mae mo manifi, mo mate i he matagi hahake, nae tubu hake ki mui; 24Bea nae kai o oji ae gaahi fua lelei, e he gaahi fua mate: bea neu tala ae mea ni ki he kau fiemana; ka nae ikai ha toko taha ke faa fakaha ia.
25Bea talaage e Josefa kia Felo, Koe miji a Felo, oku taha be: kuo fakaha e he Otua kia Felo, aia oku ne teu ke fai. 26Koe faga bulu lelei e fitu koe ta‘u ia e fitu: bea koe fua lelei e fitu, koe ta‘u e fitu; koe miji oku taha be. 27Bea koe faga bulu tutue mo matamata kovi e fitu, nae tubu ki mui, koe ta‘u ia e fitu: bea koe fua e fitu nae mate i he matagi hahake, koe ta‘u hoge ia e fitu. 28Ko eni ae mea kuou lea aki kia Felo; koia oku teu e he Otua ke fai ni, kuo ne fakaha kia Felo. 29Vakai, oku ha‘u ae ta‘u mahu lahi e fitu ki he fonua kotoabe o Ijibite; 30Bea e hoko moia ae ta‘u e fitu oku hoge; bea e galo aubito ae mahu i he fonua kotoabe o Ijibite; bea e fakaoji e he hoge ae fonua; 31Bea e ikai ilo ae mahu i he fonua ni, koe mea i he hoge e hoko moia; koeuhi e lahi aubito ia. 32Bea koe mea i hono fai o tuo ua ae miji kia Felo; ko hono uhiga kuo fakababau e he Otua ae mea ni, bea e fakahoko tootoo ia e he Otua. 33Bea koeni, ke kumi e Felo ha tagata lelei, mo boto, ke fakanofo ia, ke bule ki he fonua ko Ijibite. 34Bea ke fai e Felo ae mea ni, tuku ke fakanofo ae kau matābule ki he fonua ni, bea ke vahe‘i mo too hono vahe nima oe fonua ko Ijibite, i he ta‘u mahu e fitu. 35Bea tuku ke nau tanaki ae mea kai kotoabe oe gaahi ta‘u lelei koia oku ha‘u, bea ke nau fokotuu ae koane i he fekau a Felo, bea nau ma‘u ae mea kai i he gaahi kolo. 36Bea koe mea kai koia koe tokonaki ia ki he fonua i he ta‘u e fitu oe hoge, aia e hoko ki he fonua ko Ijibite; ke oua naa auha ae fonua koeuhi koe hoge.
37Bea nae lelei ae mea koia i he ao o Felo, moe ao o hono kau nofoaga kotoabe. 38Bea behe e Felo ki he ene kau tamaioeiki, He te tau faa ilo ha toko taha o hage ko eni, koe tagata oku iate ia ae Laumalie oe Otua? 39Bea behe e Felo kia Josefa, Koe mea i he fakaha e he Otua kiate koe ae gaahi mea ni, oku ikai ha taha oku lelei mo boto o hage ko koe: 40Te ke bule koe ki hoku fale: bea e fekau‘i a hoku kakai, o fakatatau ki hoo lea: koe nofoa fakatu‘i be, teu lahi hake ai iate koe. 41Bea behe e Felo kia Josefa, Vakai, kuou fakanofo koe he aho ni, ki he fonua kotoabe ko Ijibite. 42Bea nae too e Felo hono mama mei hono nima, o ne ai ia ki he nima o Josefa, o ne fakakofu aki ia ae gaahi kofu lelei, bea ne ai ae kahoa koula ki hono kia. 43Bea naa ne tuku ia ke heka i hono ua oe jaliote naa ne ma‘u; bea naa nau kakaga i hono ao, Bunou; bea naa ne fakanofo ia ke bule ki he fonua kotoabe ko Ijibite. 44Bea behe e Felo kia Josefa Ko Felo au, bea e ikai ha tagata i he fonua kotoabe o Ijibite, te ne hiki hono nima be va‘e, ka i hoo bule. 45Bea ui e Felo ae higoa o Josefa ko Safinati‐Beanea: bea naa ne foaki kiate ia a Asinate, koe ofefine o Botifela koe taulaeiki o Oni, ko hono unoho. Bea nae alu a Josefa ki he fonua kotoabe o Ijibite.
46Bea nae tolugofulu ta‘u a Josefa i he ene tuu i he ao o Felo koe tu‘i o Ijibite. Bea nae alu a Josefa mei he ao o Felo, o ne alu i he fonua kotoabe o Ijibite. 47Bea i he ta‘u mahu e fitu nae fua lahi aubito ae kelekele. 48Bea naa ne tanaki ae mea kai kotoabe oe ta‘u e fitu, aia nae i he fonua kotoabe o Ijibite, o fokotuu ia i he kolo: koe gaahi mea kai oe goue, aia nae takatakai ae kolo kotoabe, naa ne fokotuu ia ki ai. 49Bea nae tanaki e Josefa ae koane o tatau moe oneone oe tahi, o lahi aubito, bea nae tuku ene lau ia; he nae ikai ke faa lau ia; 50Bea nae tubu kia Josefa ae foha e toko ua i he heeki ai hoko ae hoge, aia nae faele‘i kiate ia e Asinate, koe ofefine o Botifela, koe taulaeiki o Oni. 51Bea nae ui e Josefa ae higoa o hono uluaki, ko Manase; he nae behe eia, Kuo tuku e he Otua, keu fakagalo‘i eku gaahi mamahi, moe fale kotoabe o eku tamai. 52Bea ne ui ae higoa o hono toko ua ko Ifalemi; he kuo gaohi au e he Otua keu monuia i he fonua o hoku tautea.
53Bea nae ojiage ae ta‘u mahu e fitu, aia nae i he fonua kotoabe o Ijibite. 54Bea kuo hoko ae ta‘u e fitu oe hoge, o hage koe lea a Josefa: bea nae i he fonua kotoabe ae hoge; ka nae ai ae ma i he fonua kotoabe o Ijibite. 55Bea i he hogea ae fonua kotoabe o Ijibite, nae tagi ae kakai kia Felo ki he ma: bea behe e Felo ki he kakai Ijibite; Alu kia Josefa; bea koia oku ne fakaha kiate kimoutolu, mou fai ia. 56Bea nae hoko ae hoge ki he fonua kotoabe; bea nae fakaava e Josefa ae gaahi feleoko, o ne fakatau ki he kakai Ijibite; bea tubu o lahi ae hoge i he fonua ko Ijibite. 57Bea nae ha‘u ae fonua kotoabe ki Ijibite kia Josefa ke fakatau: koeuhi nae lahi fau ae hoge i he fonua kotoabe.
Поточний вибір:
JENESI 41: TWB
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть