EKESOTOSI 9
9
1 Koe mahaki oe faga manu. 8 Koe tautea aki ae hagatamaki. 13 Ko ene fekau ki he uha maka. 22 Koe tautea aki ae uha maka. 27 Oku kole e Felo kia Mosese. 35 Oku kei fakafefeka hono loto.
1BEA folofola ai a Jihova kia Mosese, Alu kia Felo, o tala kiate ia, Oku behe mai a Jihova koe Otua oe kakai Hebelu, Tukuage hoku kakai ke alu, koeuhi ke nau tauhi au. 2He kabau te ke taofi hono tukuage, mo ke buke be akinautolu, 3Vakai, koe nima o Jihova oku i hoo gaahi manu aia oku i he goue, ki he faga hose, bea ki he faga asi, ki he faga kameli, ki he faga bulu, bea ki he faga sibi: e ai ae mahaki lahi mo mamahi. 4Bea e vahe‘i e Jihova ae gaahi manu a Isileli mei he gaahi manu a Ijibite: bea e ikai ha mea e mate i he mea kotoabe ae fānau a Isileli. 5Bea nae kotofa e Jihova hono feituulaa, o behe, E fai e Jihova ae mea ni abogibogi i he fonua. 6Bea nae fai e Jihova ae mea koia i he abogibogi, bea nae mate ai ae gaahi manu a Ijibite; ka koe gaahi manu ae kakai Isileli, nae ikai mate ai ha taha. 7Bea fekau e Felo, bea vakai, nae ikai mate ha manu e taha i he kakai Isileli. Bea nae fakafefeka ae loto o Felo, bea nae ikai te ne tukuage ae kakai ke alu.
8Bea nae folofola a Jihova kia Mosese, bea mo Elone, Mo too ae faluku oe efuefu mei he gotoumu, bea tuku ke laku hake ia e Mosese ki lagi i he ao o Felo: 9Bea e hoko ia koe efu i he fonua kotoabe o Ijibite, bea e hoko ia koe hagatamaki moe vakafoha, ki he tagata moe manu i he fonua kotoabe o Ijibite. 10Bea naa na too mai ae efuefu oe gotoumu, o na tuu i he ao o Felo: bea laku hake ia e Mosese ki lagi; bea nae hoko ia koe hagatamaki, bea nae tubu ae vakafoha ki he tagata moe manu. 11Bea nae ikai faa tuu ae kau fie mana i he ao o Mosese koe mea i he hagatamaki; he nae i he kau fie mana ae hagatamaki, bea nae i he kakai Ijibite kotoabe. 12Bea nae fakafefeka e Jihova ae loto o Felo, bea nae ikai tokaga ia kiate kinaua; o hage koe folofola a Jihova kia Mosese.
13Bea nae folofola a Jihova kia Mosese, Tuu hegihegi hake i he abogibogi, bea tuu i he ao o Felo, o tala kiate ia, Oku behe mai a Jihova koe Otua oe kakai Hebelu, Tukuage hoku kakai ke alu, koeuhi ke nau tauhi au. 14He teu fekau eni a eku gaahi tautea kotoabe ki ho loto, bea ki hoo kau tamaioeiki, bea mo ho kakai; koeuhi ke ke ilo ai oku ikai ha toko taha i mamani o hage ko au. 15He koeni, teu mafao atu hoku nima, koeuhi keu ta‘i koe mo ho kakai aki ae mahaki fakaauha; bea e tuuji koe mei mamani. 16Bea koe mooni kuou fokotuu koe, koeuhi ke fakaha iate koe eku malohi; bea ke fakaogo atu ai hoku huafa i mamani kotoabe. 17Oku ke kei fakahikihiki koe ki hoku kakai, bea oku ikai te ke fie tuku akinautolu ke alu? 18Vakai, koe feituulaa ni abogibogi, Teu bule ke to ai ae uha‐maka fakamamahi lahi, nae ikai hano tatau i Ijibite, talu hono fokotuu oia o a‘u ki heni. 19Koia ke ke fekau ni, ke tanaki hoo faga manu mo ia kotoabe oku ke ma‘u i he goue; he koe tagata kotoabe moe manu kotoabe aia e ilo i he goue, bea e ikai omi ia ki abi, e to hifo ae uha‐maka ki ai, bea te nau mate. 20Bea iloga ia nae manavahe ki he folofola a Jihova i he kau tamaioeiki a Felo, naa ne bule ke buna ene kau tamaioeiki, moe faga manu ki he gaahi fale: 21Bea koia nae ikai tokaga ki he folofola a Jihova, nae tuku eia ene kau tamaioeiki moe faga manu i he goue.
22Bea nae folofola a Jihova kia Mosese, Mafao atu ho nima ki lagi: koeuhi ke hoko ae uha‐maka ki he tagata moe manu i he fonua kotoabe o Ijibite, bea ki he akau kotoabe oe goue, i he fonua kotoabe o Ijibite. 23Bea mafao atu hono tokotoko e Mosese ki lagi: bea nae fekau e Jihova ae mana moe uha‐maka, bea nae malele ae afi i he fuga fonua; bea nae fakauha maka e Jihova ki he fonua ko Ijibite. 24Bea nae ai ae uha‐maka nae fefiofi moe afi, koe mea mamahi aubito, nae ikai hano tatau i he fonua kotoabe o Ijibite talu hono hoko koe buleaga. 25Bea nae teia e he uha‐maka aia kotoabe nae i he goue i he fonua kotoabe o Ijibite, ae tagata moe manu: bea teia e he uha‐maka ae akau jii kotoabe, bea ne feji‘i ae akau lahi kotoabe oe goue. 26Ka koe fonua ko Koseni, aia nae nofo ai ae fānau a Isileli, nae ikai i ai ha uha‐maka.
27Bea nae fekau e Felo ke ha‘u a Mosese mo Elone, o ne behe kiate kinaua, Kuou fai agahala i he feituulaa ni: oku maonioni a Jihova, ka ko au mo hoku kakai oku agahala. 28Mo hu kia Jihova (he kuo lahi,) ke oua naa kei fai ae mana lahi moe uha‐maka; bea teu tuku akimoutolu ke alu, bea e ikai te mou tatali. 29Bea behe e Mosese kiate ia, I he eku hoko leva ki he tua kolo, teu mafao atu hoku nima kia Jihova; bea e tuku leva ae mana, bea e ikai kei to ae uha‐maka: koeuhi ke ke ilo ai oku o Jihova a mamani. 30Ka ko koe mo hoo kau tamaioeiki, oku ou ilo e ikai te mou manavahe kia Jihova koe Otua. 31Bea nae teia ae falakesi moe baale; he nae fua ae baale, bea kamata fua moe falakesi. 32Ka koe uite moe lai nae ikai teia, he nae heeki ai tubu hake. 33Bea alu a Mosese mei a Felo ki he tuaa kolo, o ne mafao atu hono nima kia Jihova: bea nae tuku ai ae mana moe uha‐maka, bea nae ikai kei to ae uha ki he kelekele. 34Bea i he mamata a Felo kuo matuu ae uha moe uha‐maka, moe mana, nae toe fai agahala ia, o fakafefeka hono loto, aia mo ene kau tamaioeiki. 35Bea nae fefeka ae loto o Felo, bea nae ikai te ne tuku ae fānau a Isileli ke alu: o hage koe folofola a Jihova kia Mosese.
Поточний вибір:
EKESOTOSI 9: TWB
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть