ማ̈ቶ̈ሳ 8

ዬሱ̈ሲ ሹያባሮ ና̈ሳ ፋዴ

ማ̈ርቆ̈ሳ 1፡40-45፤ ሉቃ̈ሳ 5፡12-16

1ዬሱ̈ሲ ኢንዲን ጋልዳ̇ፖ̇ ሶ̈ቢኖፖ̇ ዓኒ ዎይሊን ዎርዦ ኢ ዎሂን ዬ̇ዴ። 2ዪና̇ ኢዝባራ ፔቲ̇ ሹያባሮ ኣስዶሪ ዬሱ̈ሳክ ዬ̈ሪ ኢ ቲ̈ን ቡቂንታ̇ር ኢ̈ብ ጎሽቲሙታ̇ዶ̈ሪ “ጎዳ̈ዶ! ኔ ታ̈ና ፋንዳብ ኮያ̈ርኮ ፋንዳብ ዳንዳኣ̈ሬ” ጌይዴ።

3ዬሱ̈ሳር ፌ ኩሺን ኢ ጋል ጋዳ̇ሪ “ኣ ቴ ኮያ̈ሬ፥ ፋጻቤ” ጌይዴ። ና̈ሳ̈ዳር ዪና̇ ኢዝባራ ፌ ሹዪን ጋርታ̇ፖ̇ ፋጺዴ። 4ኢናፖ̇ ዬሱ̈ሲ ኢ̈ኮ “ኔ ፋጺኖን ኦ̈ባካር ሶ̈ላፔ̇፤ ሉካ̇ራ ኔ ኔ̈ና ቄ̈ሳብ ቤይሳቤ፤ ሙ̈ሶ ኪ̈ቲ̇ኖ ዣ̈ርሺን ጾ̈ሳ̇̇̈ብ ሺ̈ሻ̇ቤ፥ ዪና̇ ኢንታ̇ቦ ማርካ̇ ማ̈ቃ̇̈ሬ” ጌይዴ።

ዬሱ̈ሲ ማታላቃ ኣሽካ̇ራ ፋዴ

ሉቃ̈ሳ 7፡1-10

5ዬሱ̈ሲ ቂፊርና̈ሆ̈ማ ካታሚን ጋርታ̇ ጌላምባ̇ራ፥ ፔቲ̇ ሮማ ጋዶ̇ ማታላቃ ኢ̈ክ ኡካ̇ሪ፥ 6“ጎዳ̈ዶ! ቴ ኣሽካ̇ራ ዎባ̇ሪ ዎይሊን ቢጻ ቤቂ̇ ኣ̈ል ሱርቂ ዎ” ጌይዴ።

7ዬሱ̈ሳር ኢ̈ኮ “ቴ ዬ̈ራ ኢያ ፋንዳ” ጌይዴ።

8ማታላቃ ኢ̈ኮ “ጎዳ̈ዶ ቴ ኦ̈ናዶ̈ን ኔ ቴ ኣ̈ል ጌላ̈ራ? ኔ ዓንዳ̇ዶ̈ራ ፔቲ̇ ቃ̈ላ ሶ̈ላቤ፥ ቴ ኣሽካ̇ራ ፋጺ̈ሬ፤ 9ታ̈ቦ ታ̈ና ኪ̈ቲዝ ኣላቃ ዎ፤ ማ ቴ ኢንታ̇ ኪ̈ቲ̇ዝ ዎታ̇ዳራን ታ̈ፖ̇ ጻና ዎ፤ ቴ ኢንታ̇ ጋርታ̇ፖ̇ ፔታ̇ና̈ኮ ‘ሉካ̇ቤ!’ ጌይን ሉኪ̇̈ሬ፤ ማ ሜላ̈ኮ ‘ዓይ ዬ̈ቤ!’ ጌዬጌይን ዬይሬ። ቴ ኣሽካ̇ራካር ‘ዓኖ̇ ኦ̈ቤ’ ጌዬጌይን ኦ̈̈ሬ” ጌይዴ። 10ዬሱ̈ሲ ዪኖ̇ ሲስኪ̇ ጋራ̇ሚንታ̇ሪ፥ ፌ ዎሂን ዬ̇ዝ ኣሳንኮ “ቴ ዪንታ̇ክ ኪን ጋ̈ሬ፥ ቴ ዓ̈ዲፌ̈ን ሚ̈ን ኣማ̇ና ዎ ኣሲ ሜል ኣቲ̇ን ኢስሬ̈ላ ጋዳ̇ር ፔቲ̇ ኣሲ ዲጛካ̇ዬ። 11ዎይሊን ኣሲ ኣዋ̈ፍ ኬሲፖኬ ኣዋ̈ፍ ጌላፖ ዬ̈ሪ፥ ኣብራሃ̈ማባራ፣ ዪሳ̈ቃባርኬ ዓይቆ̈ባባራ ዎልኣ ጾ̈ሳ̇̇ ካ̈ቲቲን ጋርታ̇ ሞ̈ንዳብ ዶኢ̈ሬ ጋ̈ር ቴ ዪንታ̇ብ ሶ̈ላ̈ሬ። 12ዎቲናካሬ ጾ̈ሳ̇̇ ካ̈ቲቲን ኤካ̇ንዳብ ኮሺ̇ዝ ኣሳን ዛ̈ና ማ̇ ጋርታ̇ ቶጚንቲ̇̈ሬ።

13ዪኒ̇ፖ ዎሃ ዬሱ̈ሲ ማታላቃ̈ኮ “ሉካ̇ቤ፥ ኔ ኣማ̇ኒኖንዲፌ̈ኒ ኔ̈ብ ማ̈ቆ̇ጋ̈ቤ” ጌይዴ። ዪና̇ ኢዝባራ ኢ ኣሽካራዳር ፋጺዴ።

ዬሱ̈ሲ ማኖ ዎይሊን ኣስ ፋዴ

ማ̈ርቆ̈ሳ 1፡29-34፤ ሉቃ̈ሳ 4፡38-41

14ዬሱ̈ሲ ጴ̈ጥሮ̈ሳ ኣ̈ል ጌላምባ̇ራ ጴ̈ጥሮ̈ስ ባይሲማ ኢዝ ጋልባር ሶ̈ሊን ማ ሱርቂንዶ̈ን ቤቂ̇ዴ። 15ኢ ኢዝ ኩሺን ኤ̈̇ን ጋሊን ሶ̈ላዚንዳ̇ ኤሊ̇ባር ኢዞ ኣሻ̇ዴ፤ ኢዛር ዲንዳ̇ራ ኢ̈ብ ዎ̈ሲን ኤ̈̇ዴ። 16ኢዝ ጋላሲ̇ን ኦማ ኣሳን ኢ̈ታ ኣያ̇ናባራ ኤ̈ንቲ̇ኖ ዎይሊን ኣስ ዬሱ̈ሳክ ኤሄይዴ፤ ኢያር ፌ ቃ̈ላባር ዎይሊን ኢ̈ታ ኣያ̇ና ኬሲ̇ዴ፤ ማኖ ኣሳንር ዎይ ፋዴ። 17ኢ ዪኖ̇ ዎቲኖንባራ ናባ ኢሳ̈ሲ “ኢ ኑ ዓርጊን ኤኪ̇ዴ፤ ኑ ማዝ ዓርጊን ቶ̈ኪ̇ ኑ ጋልዳፖ̇ ፋይዴ” ጌዪ ካ̈ዪኖ ካ̈ዪን ፎቲንታ̇ዴ።

ዬሱ̈ሳ ዎሂን ዬ̇ዝ ኣሳን ዬሊ̇ዝ ሜታ

ሉቃ̈ሳ 9፡57-60

18ዬሱ̈ሲ ዎይሊን ኣሲ ፌ ቡጊዲምባር ሺ̈ቂኖን ቤቃ̇ሪ፥ ባሃሪምፖ̇ ፊ̈ን ፊ̈ጛምፔ̈ኒ ፌ ታማ̈ራን ኪ̈ቲ̇ዴ። 19ዪና̇ ኢዝባራ ሙ̈ሶ ሂጋ̇ ኣስታማ̈ሪዶ̈ሪ ኢ̈ክ ዬ̈ሪ “ኣስታማ̈ራ̈ዶ! ኔ ሉካ̇ዝ ቤሲ̇ን ዎይ ቴ ኔ ዎሂን ዬንዳ̇” ጌይዴ። 20ዬሱ̈ሳር ኢ̈ኮ “ዶ̈ባ̇ንቦ ጌላር ኣቂዝ ዶ̈ቺ̇ ኢንታ̇ብ ዎ፤ ኣፋ ፋሪዝ ካፋንባሬ ኢንቲ̇ ዶኢዝ ኬ̈ ኢንታ̇ብ ዎዶኒ፥ ቴ ኣሳ ናኣ̈ቦ ጌላር ሼምፒ̇ዝ ኬ̈ ታ̈ብ ባዬ̇” ጌይዴ። 21ኢ ታማ̈ራን ጋርታ̇ፖ̇ ፔታ̇ና̈ዲ ኢ̈ኮ “ጎዳ̈ዶ! ቴ ኔ ዎሂን ዬ̇ናፖ̇ ቲ̈ን ሉካ̇ራ ቴ ባ̈ባ ዱ̈ካ̇ምፔ̈ን ታ̈ና ሚሺሼ” ጌይዴ። 22ዬሱ̈ሲ ኢ̈ኮ “ኔ ቴ ዎሂን ዬ̇ቤ፤ ዓይቂ̇ኖ ኣሳን ፌ ኣሳ ዓይቂ̇ኖ ዱ̈ኮ̇ጋ̈ቤ” ጌይዴ።

ዬሱ̈ሲ ባሃ̈ራ ጋልዶ̇ ዉርጊ ኤሲ̇ዴ

ማ̈ርቆ̈ሳ 4፡35-41፤ ሉቃ̈ሳ 8፡22-25

23ኢናፖ̇ ዬሱ̈ሲ ጎጚን ጋርታ̇ ጌሊዴ። ኢ ታማ̈ራንር ኢ ዎሂን ኢባር ዎልኣ ጎጚን ጋርታ ጌሊዴ። 24ጴች ዉርጊ ባሃ̈ሪን ጋልዳ̇ ዲንዳሪ ጎጚን ቆንዳ̇ ዬሊ̇ዴ። ዬሱ̈ሲ ዪኒ̇ባራ ጎጚን ጋርታ̇ ሱርቂ̇ኔ። 25ኢ ታማ̈ራንሬ ኢ̈ክ ዬ̈ር ኢያ ባርኪ̇ሪ “ጎዳ̈ዶ! ኑ ያንዳ̇ብ ዬሊ̇ኔ፤ ኑ̈ና ፋቤ” ጌይዴ።

26ኢያሬ ኢንታ̇ኮ “ዪንቲ̇ ኣማ̇ና ጉ̈ን ዪ̈ዲፌ̈ን ዎይ ኣባብ ኢ̈ጪ̈ራ?” ጌይዴ። ኢናፖ̇ ዲንዳሪ ዉርጊንዲኬ ባሃ̈ሪን ቆዲ̇ዴ። ዉርጊንዳር ዚክ ጋ̈ዴ። 27ኣሳንር ጋራ̇ሚንታ̇ሪ “ዉርጊኬ ባሃራኬ ኢ̈ብ ኪ̈ቲንቲ̇ዛ ዓ̈ዲፌ̈ኖ ኣ ኣስዶኔ?” ጌይዴ።

ዬሱ̈ሲ ኢ̈ታ ኣያ̇ናባር ኤ̈ንቲ̇ኖ ናምኢ ኣሳን ፋዴ

ማ̈ርቆ̈ሳ 5፡1-20፤ ሉቃ̈ሳ 8፡26-39

28ዬሱ̈ሲ ጋሊላ ባሃ̈ሪን ፊ̈ጛሪ ጌርጌሴኖና ጌይዝ ቤስ̇ ዬላ̇ምባራ፥ ኢ̈ታ ኣያ̇ናባር ኤ̈ንቲ̇ኖ ናምኢ ኣሳን ጎሪ ጋርታ̇ፖ̇ ኬስካ̇ሪ ዬሱ̈ሳ ዬሊ̇ዴ። ዪን ኣሳን ኣሳ ጋልዳ̇ ኢ̈ት ባዝ ዬልዝ ኣስ ማ̈ቂ̇ኖኮታ̇ቦ ጎይን ኢዝባራ ኦ̈ናካር ኣ̈̇ንዳብ ዳንዳኣካ̇ዬ። 29ኢንታ̇ሬ ኢ̈ኮ “ጾ̈ሳ̇̇ ናኣ̈ዶ! ኔ̈ናክ ኑ̈ናክ ኣብዚ ዎል ዬል̈ራ? ኬሊ̇ን ዬላ̇ካይዶ̈ን ኔ ኑ̈ና ቢጻ ቤይሳንዳ̇ብ ዬዪዬ?” ጌዪ ዉይሲዴ። 30ኢንታ̇ፖ̇ ጊላ̇ ጌዳ ዓር ጌይኖ ቤሳ̇ ጋልዳ̇ ዎይሊን ጉዲን ዉዳ ዬ̈ጚንቲ̈ሬ። 31ኢ̈ታ ኣያ̇ናን ዬሱ̈ሳኮ “ኔ ኑ̈ና ኬሳ̇̈ርኮ̇ ጉዲንን ጋርታ̇ ሚሺሼ” ጌዪ ጌሺዴ። 32ዬሱ̈ሳር ኢንታ̇ኮ “ሉኪ̇ብቴ̇!” ጌይዴ። ኢንታ̇ር ኣሳን ጋርታ̇ፖ̇ ኬስካ̇ሪ ጉዲንን ጋርታ̇ ጌሊዴ። ጉዲንንር ዎይ ጋጊን ጋልዳፖ̇ ጎርጎራ ዎባር ባሃ̈ሪን ጋርታ̇ ጌላሪ ዱ̈ኪንታ̇ር ዓይቂ̇ዴ። 33ጉዲንን ዬ̈ጚዝ ጋይጫ ናኣን ዎጺ̇ ካታማ ሉካ̇ሪ ኦ̈ንቲ̇ኖ ባዛን ዎይኬ ኢ̈ታ ኣያ̇ናባር ኤ̈ንቲ̇ኖ ኣሳን ጋልዳ̇ ማ̈ቂ̇ኖ ባዛን ዎይ ሶ̈ሊዴ። 34ካታሚን ጋርታ̇ ዎ ኣሳን ዎይ ዬሱ̈ሳ ቤቃ̇ንዳብ ኬስኪ̇ዴ፥ ኢያ ቤቃ̇ሪ ኢ ጋዲን ኢዞ ኣሻ̇ሪ ሉካ̇ምፔ̈ኒ ኢያ ጌሺዴ።

Поточний вибір:

ማ̈ቶ̈ሳ 8: ኦጫ̈ቃማ

Позначайте

Поділитись

Копіювати