Johani 16
16
1Nzi mu byelile timhaka leti, kasi mu fela ku kala mu nga khunguvanyeki. Mat. 11:6
2Va ta mu hlongola masinagogeni; kunene, xa hata xikhati laha munwe ni munwani loyi a mu dayako, a ta nga alakanya lezaku i tirela Nungungulu. Xip. 9:22; Miti. 26:9, 10
3Va ta maha lezi, hakuva a va tivangi Dadani na mina. 1 Kor. 2:8; 1 Tim. 1:13
4Kanilezi nzi mu byelile timhaka leti, kasi loku xi chikele a xikhati xa tona, mu ta alakanya lezaku nzi wa mu byelile. A nzi mu byelangi tona hi kusanguleni, hilezi nzi wa hi na nwina.
5Makunu nziya ka loyi a nzi rumileko; a nga kona ka nwina a nzi wutisako ku ngalo: Uya kwihi? Xip. 14:28
6Kanilezi a timbilu ta nwina ti tele hi wusiwana hi kota ya lezi nzi mu byelileko zona.
7Ahemba-lokoke, nza mu byela zinene, nziku: Zi mu sasekele lezaku nzi suka; hakuva loku nzi nga suki, a Muyimeli a nga tata ka nwina; kanilezi loku nzi suka, nzi ta mu rumela ka nwina. Xip. 14:26; Miti. 2:33
8Loku a chikele yena, i ta maha tiko gi pima xungetano ni kuonha, ni kululama, ni kulamula.
9Hi kuonha hakuva a va kholwangi ka mina; Miti. 2:22
10hi kululama, hakuva nzi famba nziya ka Dadani, mu nga ta ha nzi wona; Xip. 3:14; Miti. 2:32
11hi kulamula, hakuva a hosana ya legi tiko yi lamulwe. Xip. 12:31; Miti. 26:18
A Moya wa zinene.
12Nza ha hi ni timhaka tinyingi a ku kanela ka nwina, kanilezi ti nga mu tsanza makunu. Mar. 4:33
13Kanilezi loku a chikele, loye a nga Moya wa zinene, i ta mu rangela zineneni zontlhe; hakuva a nga ta wulawula a za wutsumbu gakwe; kanilezi ni zihi lezi a ta nga zizwa i ta wulawula ha zona; ni zilo lezi zi ta ngata i ta mu tivisa zona. Xip. 14:17; 1 Joh. 2:27
14I ta nzi dumisa, hakuva i ta teka lezi zi nga za mina, a mu bikela zona.
15Zontlhe lezi a nga nazo Dadani, za mina; hikwalaho nzi ngaku ngalo, wa teka lezi zi nga za mina, a mu bikela zona. Mat. 11:27; Xip. 17:10
16Ka ha hi xikhatanyana mu nga ha nzi woni; hi xikhatanyana kambe mu ta tlhela mu nzi wona. Xip. 13:3; 14:19
17Hikwalaho a vapizani vanwani va lo wutisana, vaku: Xini lexi a xi wulako ka hina, aku; Ka ha hi xikhatanyana, mu nga ha nzi woni; hi xikhatanyana kambe mu ta tlhela mu nzi wona; niku: Nziya ka Dadani?
18Vaku ngalo: Xini lexi a wulawulako, aku: Hi xikhatanyana? A hi zi tivi lezi a zi wulako,
19Jesu na a zi tiva lezaku va wa lava ku mu wutisa, aku kabye: Xana mu wutisana hi lezi nzi nga wulawula nziku: Ka ha hi xikhatanyana, mu nga ha nzi woni; hi xikhatanyana kambe mu ta tlhela mu nzi wona?
20Hizinene nziku ka nwina: Mu ta rila, mu maha hlomulo, kanilezi a tiko gi ta tsaka; mu tava ni kuxaniseka, kanilezi a kuxaniseka ka nwina ku ta hunzuluswa ku maha kutsaka.
21A wasati loku a ha lunwa wa xaniseka, hakuva xi chikele a xikhati xakwe; kanilezi loku a belekile a xinwanana, a nga ha ku alakanyi a kubayisa, hakuva wa tsaka hilezi ku belekilwe munhu misaveni. Isa. 26:17
22Na nwina mu na ni kuxaniseka makunu, kanilezi nzi ta mu wona kambe, zonake a timbilu ta nwina ti ta tsaka, a nga kona loyi a ta nga mu tekela a kutsaka ka nwina. Miti. 2:46; 1 Ped. 1:8
23Hi lego siku mu nga ta nzi wutisa nchumu. Hizinene nziku ka nwina: Zontlhe lezi mu ta nga kombela ka Dadani hi vito ga mina i ta mu nyika zona. Mat. 7:7; Xip. 14:13
24Cima ka lezi a mu se nga kombela nchumu vitweni ga mina; kombelani, mu ta nyikiwa, kasi a kutsaka ka nwina ku fela ku mbhelela.
25Nzi mu byelile lezi hi mifananiso; xa hata xikhati laha nzi ta nga kala nzi nga wulawuli ka nwina hi mifananiso, kanilezi nzi ta mu tivisa hi Dadani ziku dlunya.
26Hi lego siku mu ta kombela hi vito ga mina; a nzi wuli ka nwina nziku, nzi ta mu khongelela ka Dadani,
27hakuva yena Dadani wutsumbu wa mu ranza, hilezi mu nzi ranzile, mu kholwa lezaku nzi tile hi ka Dadani. Xip. 3:13; 14:21; 17:8
28Nzi humele hi ka Dadani, nzita misaveni, makunu nzi tlhela nzi siya misava, nziya ka Dadani. Xip. 13:3
29A vapizani vakwe vaku ngalo: Wangabye, makunu wa wulawula ziku dlunya, a wa ha wulawuli hi mifananiso.
30Makunu ha zi tiva lezaku u tiva zontlhe, a zi laveki ka wena a kuva u wutisiwa hi munhu; hi kota ya lezo ha kholwa lezaku u humele hi ka Nungungulu. Xip. 17:8; 21:17
31Jesu i lo va hlamula, aku: Ma kholwa makunu ke?
32Mangabye, xa hata xikhati, xi chikele ni lezi, xa kuva mu hangalaka, munwe ni munwani a famba kaya kakwe, mu nzi siya nzoce; kanilezi a nzi nzoce, hakuva Dadani i na mina. Mat. 26:31; Xip. 8:29; 20:10
33Nzi mu tivisile a timhaka leti, lezaku mu fela kuva ni kurula a ka mina. Mu na ni kukarateka tikweni, kanilezi tiyani hlana, mina nzi hlulile tiko. Xip. 14:1, 27; 15:19; Rom. 5:1; 2 Tim. 3:12; 1 Joh. 4:4
Поточний вибір:
Johani 16: TSC72
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Tshwa Bible © Bible Society in Mozambique, 1972, 2007.
