LUKAS 21
21
Mijáá Jagamo ka Amaawita Mege
1Jesus wado doumigijake tonawi bagee mege awijake te-tai duba amaaweetigo edou.
2Daba mijáá jagamo idaana mijo mege wija amaawii edou.
3Tijake Jesus wegaate mana, „Ani maa kou kitii, okei utoma ko, kou daba mijáá kodo euga abuma amaaweega.
4Okei utoma okeija abuma totaida ka amaaweegai kouja. Kodeja jagamo kou ko okai beu kodeja okaija umi-tou tija gaa ka totaija utoma kede amaaweega,” etii.
Ugatameja Owaa Peu Kaita Mana
5Me ka Ugatameja owaa mana wegaatigo, jegeenaka mogo ma, menita agijo ma ka diiti awita kodo, Jesus eteete mana,
6„Ikii dooga agijoudo kei ke, putu duwaita naago kodo kiija mogo kato mogo maida te tojake bogomidaa to taitai.”
7Etijake okei egaado eteete mana, „Ei, Kuduu, menoka putu duwadoke taita? Daana putu muumai tidoke taine gaa tegee dou agijo magijo ewaa kaita?” etii.
8Tijake eteete mana, „Epeepite gai, me ka uneune ti kitijawetita. Me wedaba aneeka dubaiga meitai, wegaate mana, ’Ani okai kii kidi!’ daana ’Putu muumai taineega’ wegaitai. Ikii te eepei.
9Daana jape mana ma, tetepepe mana ma ikii juwipa, gootoki te tai. Kou utoma ewaa kidaa tai beu kai peu kouja; kodeja wiwitiida putu egaa ko beu.”
Wiwitiida Gaa ka Mana
10Tijake eteete mana, „Me tumaana ka tumaana ma akaije akaate taitai, daana jakimakita makiida ka joko ka jakimakita makiida ma akaije.
11Maki pigi taita, daana kiida kouda naidi uwa ma, me damii uwa ma, potu tidaa taita. Daana epa maida totome mejawii agijo ma, dou beu agijo peijo paijo ma ewaa kidaa taitai.
12Kodeja kei agijoudo utoma ewaa kai beu gaa, me ka kijakimakijake peepu kitaitai. Sembahjang owaa duba ma, wanee owaa duba ma keekegajawiitai, daana aneeka maida make maki jakimake-tai bageepa ma, gubernurpa ma kigoutai.
13Mana naawegai gaa kaita.
14Okai kouja ikii kegepa duba boko duwajawii, wo etiita mana epeepi tiga taine dimi kodo te gai.
15Anija godaja mana ma dimi boko ma kiti-kinijake ikii ma akaije kitai bagee joko kitii kaga gaitai.
16Ikiitai ikiukai, ikiikeneka ma, ikii ma bagee ma, ikoogei ma keekegajawijake ikii me ino okeija kigimakaitai.
17Daana utoma bagee aneeka maida make be kigaitai.
18Kodeja ikiija migoojo maija epaana ma te igaita.
19Ikii pigu atijake kouja ikiija dimi mana madagajawii.
Jerusalim Peu Kai Mana
20Jerusalim jape ka bobimakita ikii dopa ko, ikii gai, peu kaineega kojoka.
21Okai kou gaa kodo Judea dokoo ka bagee dimi katouda okii, daana ibo makiida ka bagee podomai, daana juwouda ka bagee woujo te kai.
22Okai kou gaa kodo abu paja gaa kodo, kapogeije duba ka ebijamakita manaido utoma kobadaa te-tita.
23Ipa no! modaago bagee ma, jokaago bagee ma, okai kou wagi kodo. Makiida gaagaa umina potu taita kouja, daana kii tuma maida emoge mana kaita.
24Okei kataana ka eduwajake gootai, daana utoma bagee ka ejakimakijake ouwiitai. Tijake ojaa bagee ka Jerusalim daimimakaitai, ojaa bagee putu duwaitaida to.
Me Joka Meitagiida
25Daana meuka ma, agoo ma, ijapuudo ma, maida dou beu agijoudo ewaa kaitai, daana kii makiida kiija e bagee te bagee kigikuwa tijake gaagaa umina, maikai ma, dokogaa ma maida geewuu kouja.
26Me weda ka apaipu tidaa tijake bokaitai, makiida potu tidaa taineega manaido maida make. Epa maida ka bidaido maija kigipapa taitai.
27Tijake me Joka tá kapagu duba meete okei edoutai, bidaidaiga ma, ibo ajiipiidaiga ma.
28Kodeja kei manaido ookadaa taita gaa, ikii wado doumigijake migo tome atii. Kipipikajawii gaa kapa keega kouja.”
Ara Uti Ena Dani Awe-tai Mana
29Okai ena dani awe-tai mana oowegai: „Ara uta uti gawei, daana joko ka pijaido.
30Bona pakameete ikii dojake awii uwa kapa keega ikii kede gai.
31Okai kou dani maija, kei manaido ewaa kidaa teete ikii dopa ko, ikii gai, Ugatameja jakimakita makiida kapa keega.
32Beu maa kou ani kitii, kii tuma ki te igaita, kei agijoudo utoma ewaa kai beu gaa ko.
33Epa ma maki ma beu kaita, kodeja anija mana beu te kaita.
Douto-douto Tai
34Ikii akaato gawei, ikiija kegepa ko akaato to gai dimi ma, utaadijo uneune ma, makiida gaja dimi ma ka ti kitagime-tita. Tijake kou naago kodo boke dani gootoki kitijawidoke na kojoka.
35Uwoje makije ka bagee maida pagi taita kouja.
36Kodeja douto-douto umina te-tai. Daana sembahjang to tigoo, ewaa kaita manaido utoma pipikadaa taine bida ke-tita, daana me Joka jumaapa joone-tita.”
37Agapi gakita Jesus Ugatameja owaa duba etopai, kodeja wanee jato ko podomijake dimi katouda uwii, eka ki Zaitun.
38Abata didee me utoma Ugatameja owaapa ejuwaine mei.
Поточний вибір:
LUKAS 21: EKG
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
