Génesis 17
17
Abraham cuerpunchö señalakunqan
1Abram isqun chunka isqun (99) watayuq kaykaptinmi Dios Yaya yuripuskir nirqan: <<Noqam kä El-Shaddai.#17.1 El-Shaddai ninanqa poderösu Dios ninanmi. Cäsumar jutsannaq imaypis kawakuy. 2Qamwan pactuta ruranqätam cumplishaq.#Gén. 12.2-3. Tsaymi aylluykikunaman bendicionnïta churashaq maytsikaman mirayänanpaq>>.
3Tsaynö ninqanta wiyaykurmi Abram jina höra pelatakuykurqan. Dios Yayanam nirqan: 4<<Pactu ruranqäta cumplirmi maytsay nación runakunapa taytan kanaykipaq churashayki. 5Kananpitaqa manam Abramnatsu shutiki kanqa, sinöqa Abrahamnam.#17.5 Abraham ninanqa atskaq runakunapa taytan ninanmi. Tsaynö shutiki kanqa maytsay nación runakunapa taytan kanaykipaq churanqaqpitam.#Rom. 4.17-18. 6Tsaynö qampita maytsikaqman miratsiptïmi miraq aylluykikunapita atska nacionkunawan reykunapis kayanqa.
7<<Kay pactuqa manam qamllapaqtsu kanqa, sinöqa tsurikikunapaq, willkaykikunapaq, willkaykikunapa tsurinkunapaq y paykunapita mas miraqkunapaqwanmi. Kay pactutam imaypis cumplishaq. Qampa Diosniki kanqänömi qampita miraq aylluykikunapapis Diosninkuna kashaq. 8Imayka juklä runanö täkuykanqayki Canaánchö markakunatam entregashayki. Tsaynöllam qampita miraq aylluykikunatapis entregashaq imayyaqpis tsaychö täkuyänanpaq.#Hech. 7.5-6. Paykunapa Diosninmi imaypis kashaq>>.
9-10Mastam Dios Yaya Abrahamta nirqan: <<Pactu ruranqäta chaskiyänaykipaq qampis y qamwan llapan ollqu kaqkunapis cuerpuykikunachö señalakuyay. Tsaynölla señalakuyätsun qampita miraqkunapis.#Hech. 7.8; Rom. 4.11. 11Señalakurqa penqaynikikunapa puntan tsaparaq qaranta roquyanki. Tsaynö señalakurmi pactu ruranqäta chaskiyanki. 12Kananpitaqa llapan ollqu wamrakunata yurinqanpita pusaq junaqyuqllataraq penqayninchö señalayanki. Qamkunachö yuriqkunatawan juklä nacionpita serviqnikikunapaq rantiyanqayki runakunatapis tsaynölla señalayanki. 13Pactu ruranqäta imaypis yarpäyänaykipaq llapayki mana juk faltar señalakuyanki. 14Mayqanpis mana señalakurqa pactu ruranqätam manakaqman churan. Tsaynö kaqtaqa qamkunapita qarqunki>>.
15Mastam Dios Yaya Abrahamta nirqan: <<Kananpitaqa warmikipa shutin mananam Sarainatsu kanqa, sinöqa Saranam.#17.15 Sara ninanqa princesa ninanmi. 16Paymanmi bendicionnïta churashaq tsuriki kananpaq. Tsaymi warmiki atska nacionkunapa maman kaptin wawankunapita miraqkunapis reykuna kayanqa>>.
17Tsaynam Abraham yapay pelatakuykur yarpayllanchö asikur nirqan: <<Pachak (100) watayuq kaykaptïqa ¿imanötan tsurïpis kanman? Warmï Sarapis isqun chunka (90) watayuqna kaykarqa ¡imanötaqshi wawayuq kanman!>>
18Tsaynam Dios Yayata nirqan: <<Taytay, mas allim kanqa tsurï Ismaelman bendicionnikita churaykuptiki>>.
19Dios Yayanam nirqan: <<Manam Ismaelpaqtsu nikaq, sinöqa warmiki Sarachö yurinanpaq kaq tsurikipaqmi. Tsay tsurikipa shutinmi kanqa Isaac.#17.19 Isaac ninanqa asikun ninanmi. Pactu ruranqäqa Isaacpaq y paypita miraqkunapaqmi imayyaqpis kanqa. 20Mañakamanqaykinöllam Ismaelman bendicionta churashaq paypita miraqkuna juk jatun nación kayänanpaq. Paypa tsurinkunam chunka ishkay mandakuqkuna kayanqa.#Gén. 25.12-18. 21Peru pactuta ruranqämi sïqa Sarachö yuriq tsuriki Isaacpaq kanqa. Watan kaynö witsaymi warmiki Sara wawayuqna kaykanqa>>.
22Tsaynö Abrahamta parlapar ushaskirnam Dios Yaya aywakurqan. 23Tsay junaqmi Dios Yaya ninqannölla poderninchö kaq llapan ollqukunata Abraham señalarqan. Tsaymi tsurin Ismaelta, rurinchö yuriq runakunata y rantinqan serviqninkunatapis señalarqan. 24Tsaynö señalakunan junaqqa Abraham isqun chunka isqun (99) watayuqmi karqan. 25Tsurin Ismaelnam chunka kimsa watayuqna kaykarqan. 26Tsay junaqllam Abrahamwan tsurin Ismaelpis señalakuyarqan. 27Tsay junaqllachömi Abraham señalarqan jukläpita rantinqan kaq serviqninkunata y rurinchö yuriqkunatapis.
Поточний вибір:
Génesis 17: qxn
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© 2011, Wycliffe Bible Translators, Inc. All rights reserved.