Lucas 20
20
Jesusqa kamachikunanpaq atiyniyuq kasqanmanta
(Mt 21.23-27; Mr 11.27-33)
1Huk punchawmi runakunata templopi Jesús yachachispan allin noticiata willachkarqa, hinachkaptinmi sacerdotekunapa kamachiqninkunawan Diospa leynin yachachiqkuna hinaspa judiokunapa kamachiqninkuna chayaruspa 2tapurqaku:
Niwayku, ¿ima atiywantaq kaykunata ruwachkanki? ¿Pitaq kay atiyta qosurqanki? nispanku.
3Chaymi Jesusñataq nirqa:
Ñoqapas tapusqaykichikyá: 4¿Pitaq bautizananpaq Juanta kachamurqa, Dioschu icha runakunachu? nispa.
5Chaynata Jesús tapuptinmi kikinkupura kutipanakurqaku:
“Sichum Diosmi kachamurqa” niptin-chikqa, “¿imanasqataq manaqa creerqankichikchu?” niwasunchiki. 6Manataqmi nichwanchu “Runakunallam kachamurqa” nispapas, chaynata niptinchikqa llapa runakunam rumiwan chamqaparuwachwan, Juantaqa profetapaqmi hapinku, nispanku.
7Chaymi Jesusta nirqaku:
Manam pipa kachamusqantapas yachanikuchu, nispanku.
8Hinaptinmi Jesusñataq nirqa:
Manataqmi ñoqapas nisqaykichikchu ima atiywanmi kaykuna ruwasqaytapas, nispa.
Mana allin llamkaqkunawan rikchanachisqanmanta
(Mt 21.33-44; Mr 12.1-11)
9 #
Is 5.1-2. Chaymantam Jesusqa rikchanachiywan runakunata yachachispan nirqa:
Huk runam chakranpi uvasta plantarurqa, hinaspam llamkaqkunaman arriendakuruspan unaypaq illarurqa. 10Cosecha tiempo chayaramuptinmi runanta kacharqa arriendakusqan runakunamanta tupaqninta mañamunanpaq, paykunañataqmi maqaparuspanku mana imayuqta kutirichirqaku. 11Yapatawanmi huknin runanta kacharqa, ichaqa pay-tapas insultaspankum maqaparuspanku mana imayuqta kutirichirqaku. 12Kaqllamantam huk runantañataq kacharqa, ichaqa paytapas maqaparuspankum chakramanta wischururqaku.
13Chakrayuqñataqmi nirqa: “¿Imatataq ruwasaq? Kuyasqay churiytañayá kachasaq, paytaqa yaqaraqmi respetanqaku”, nispa. 14Ichaqa chay llamkaqkunam payta rikuruspanku ninakurqaku: “Paymi herencia chaskiqqa, chaynaqa wañurachisunchik chakran ñoqanchikpaqña kananpaq”, nispanku. 15Hinaspankum chakramanta hawaman hurqoruspanku wañurachirqaku.
Chaynaqa, ¿imatataq paykunata chakrayuq ruwanqa? 16Payqa rispanmi llamkaqkunata wañurachinqa, hinaspam chakranta hukkunamanña arriendakunqa, nispa.
Jesuspa chayna nisqanta uyariruspankum nirqaku:
Amayá Diospas chaytaqa munachunchu, nispanku.
17 #
Sal 118.22. Jesusmi ichaqa paykunata qawarispan nirqa:
Chaynaqa, ¿ima ninantataq Qellqa nichkan:
“Perqaqkunapa wischupakusqanku rumim cimientopa esquinan hapiq rumiña rikurirun”, nispaqa? 18Pipas chay rumiman wichiqqa paki-pasqam kanqa, pipas rumipa hapisqanñataqmi ñutusqa kanqa, nispa.
Impuesto paganapaq tapukuymanta
(Mt 21.45-46; 22.15-22; Mr 12.12-17)
19Diospa leynin yachachiqkunawan sacerdotekunapa kamachiqninkunaña-taqmi, Jesuspa rikchanachiy rimas-qanqa paykunapa contranpi kasqan-ta musyakururqaku, hinaspam chay ratollapi presocharuyta munarqaku, ichaqa runakunata manchakuspankum mana atirqakuchu. 20Chaymi wateqaqkunata kacharqaku, allin runapaq tukuspanku imaynata ruwas-papas pantarachimunankupaq, chay-napi chayman sumlla acusaspa gober-nadorman entregaykunankupaq. 21Pay-kunam Jesusta nirqaku:
Yachachikuq, yachanikum yachachisqaykikunawan rimasqaykiqa mana pantayniyuq kasqanta, qamqa mana pimanpas sayapakuspam, Diospa ñanninmanta cheqap kaqta yachachinki. 22Niykuwaykuyá: ¿Allinchu rey Cesarman impuesto pagayninchik icha manachu? nispanku.
23Jesusñataqmi imawanpas panta-chinankurayku tapusqankuta musya-ruspan nirqa:
24Qollqeta qawachiwaychik. ¿Pipa uyanwan pipa sutintaq kay qollqepi kachkan? nispa.
Hinaptinmi paykunañataq nirqaku:
Cesarpam, nispanku.
25Chaymi Jesusñataq nirqa:
Cesarpa kaqtaqa Cesarman qoychik, Diospa kaqtañataq Diosman qoychik, nispa.
26Runakunapa qayllanpi mana ima rimayninpipas wichichiyta atispankum, imaynam contestasqanwan admirakuspanku upallarurqaku.
Wañuqkunapa kawsarimunanmanta tapukuy
(Mt 22.23-33; Mr 12.18-27)
27 #
Hch 23.8. Wañuqkunapa kawsarimuyninpi mana creeq saduceokunam Jesusman asuykuspanku tapurqaku:
28 #
Dt 25.5. Yachachikuq, Moisespa qellqasqanpim nin: “Casado runa mana churiyuq kachkaspa wañuruptinqa, wawqenmi viudawan casarakunqa, chaynapi wañukuqpa miraynin kananpaq”, nispa. 29Qanchis wawqekunam karqaku. Mayor kaqmi casarakuruspan mana churiyuq wañukurqa. 30Chaymi viudawanqa wañukuqpa sullkanña casarakurqa, ichaqa paypas mana churiyuq kachkaspam wañukurqa. 31Kimsa kaq wawqenpas viudawan casarakuruspanmi mana churiyuq wañukurqa. Chaynallam qanchisnintinwan pasakurqa, llapallankum mana churiyuq kachkaspa wañukurqaku. 32Chaymantam chay warmipas wañukurqa. 33Chaynaqa, wañuqkuna kawsarimuptinqa, ¿mayqanpa warmintaq kanqa qanchisnintinwan casarakuchkaptinqa? nispanku.
34Chaymi Jesusñataq nirqa:
Kay pachapi runakunaqa casarakunkum, hinaspapas casarachinakunkum. 35Hanaq pachaman yaykunankupaq kaqkunamanta kawsarimuqkunam icha-qa manaña casarakunqakuchu, nitaq-mi casarachinakunqakuchu. 36Pay-kunaqa manam wañunqakuñachu, angelkuna hinañam kanqaku, kawsarimusqankuraykum Diospa churinkunaña kanqaku. 37#Ex 3.6.Wañuqkunapa kawsarimunanmantaqa Moisespas yachachirqam, tankar kichkapi imam pasakusqanmanta willakusqanpi. Chaypim Abrahampa, Isaacpa hinaspa Jacobpa Diosninwan Señorta sutichan. 38Diosqa manam wañusqakunapa Diosninchu, aswanqa kawsaqkunapa Diosninmi, paypaqqa llapallanmi kawsanku, nispa.
39Chaymi Diospa leynin yachachiq-kunamanta wakiqnin nirqaku:
Yachachikuq, allintam chaytaqa rimarunki, nispanku.
40Chayraykum manaña mastaqa tapurqakuñachu.
Cristoqa rey Davidmantapas aswan hatun kasqanmanta
(Mt 22.41-46; Mr 12.35-37)
41Hinaptinmi Jesusñataq paykunata tapurqa:
¿Imaynanpitaq ninku, Cristoqa Davidpa churinmi nispankuqa?
42-43 #
Sal 110.1. Kikin Davidmi Salmos libropi nin:
“Diosmi Señorniyta nirqa:
Enemigoykikunata chakikipa sarupakunanman churanaykama
alleqniypi tiyaykuy”, nispa. 44Davidpuni “Señorniy” nispa Cristota nichkaptinqa, ¿imaynataq churinqa kanman? nispa.
Diospa leynin yachachiqkunata Jesús qaqchasqanmanta
(Mt 23.1-36; Mr 12.38-40; Lc 11.37-54)
45Llapa runakuna uyarichkaptinkum discipulonkunata Jesús nirqa:
46Diospa leynin yachachiqkunamanta cuidakuychik, paykunaqa qoysu pachawan puriytam gustanku, plazakunapipas respetollawanña rimaykunatam munanku, sinagogakunapipas hinaspa convidokunapipas ñawpaqllapi tiyaytam munanku. 47Paykunaqa viudakunapa tukuy imankunata qechuruchkaspapas, allin runa tukusparaqmi una-unaytaraq Diostapas mañakunku. Chayraykum paykunaqa wakinmantapas aswan castigasqaraq kanqaku, nispa.
Поточний вибір:
Lucas 20: RCQ12
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
