Cɑ̈gø 16
16
Äjer geki Icmɑil
1Sɑrɑy, cï Abrɑm, ɑ́bëëd yïe bong nywøl, de yïe ɑ́dɑ bɑ̈ng-ɑ dhɑjø mɑ ɑ́kɑ̈ɑ̈l kì Rïp me cwøl ɑ́ Äjer. 2Kɑ Abrɑm köbbi yi Sɑrɑy kinni, “Lidh, yɑ ɑ́mɑ̈ɑ̈n yi Jwøng-ɑ Ácwɑ̈ɑ̈j ki nywøl. Wude ɑ pɑ kedhu ød wuki bɑ̈ngɑ men-ɑ ónyödde yɑn ki wɑ̈d?” Kɑ møg-ɑ ɑ́kwøb yi Sɑrɑy yïëy yi Abrɑm. 3Äjer nyɑn-ɑ ɑ́kɑ̈ɑ̈l kì Rïp, ɑ́mëggi Abrɑm yi Sɑrɑy, ge rum bëëdø ki runn pyɑ̈rø kì piny Kɑnɑɑn. 4Kɑ Abrɑm kedh-ɑ ød geki Äjer, kɑ Äjer ongølø ki dhɑnhø. Keny-ɑ ɑ́yodii yi Äjer kinni yije dɑ dhɑnhø, kɑ døøg-ɑ be benyi men Sɑrɑy.
5Kɑ Abrɑm köbbi yi Sɑrɑy kinni, “Men bɑ bɑ̈jjí. Bɑ̈ngɑ ɑ́mëggɑ yïn, o keny-ɑ ɑ́yɑɑje, yöd e ceg-ɑ cɑ̈gø ki benyi yɑn. Wiy e ónyodh yi Jwøng-ɑ Ácwɑ̈ɑ̈j mɑ́ løge men ɑ bɑ̈jjø kì kellee, yɑn wɑlɑ̀ yïn.”
6De Abrɑm Sɑrɑy ɑ́köbbe kinni, “Yï bɑ mï Äjer. Göggí gïn-ɑ dwɑddi yi yïn.” Codhe, kɑ Sɑrɑy yije órönyø ki Äjer, kɑ Äjer opɑ̈ɑ̈rø.
7Kɑ Äjer yod yi wëywöni Jwøng-ɑ Ácwɑ̈ɑ̈j kì wïj wɑɑng pï kì yij pɑ̈l, kì kö yuu Cur, 8Akööb wëywönɑni kinni, “Äjer, bɑ̈ng Sɑrɑy, yï kɑ̈ɑ̈l-ɑ keny, o yï kedh-ɑ keny?”
Kɑ ólöggø kinni, “Yɑ ceg-ɑ pɑ̈ɑ̈rø kì buti mïɑ.”
9Kɑ köbbi yi wëywöni Jwøng-ɑ Ácwɑ̈ɑ̈j kinni, “Døøg yï myëw kɑ kwøbbe nyi lïngí.” 10Kɑ cigi köbbø yi wëywöni Jwøng-ɑ Ácwɑ̈ɑ̈j kinni, “Yï ónëngɑ ki kwɑrr mø gïïr, ge pɑ cuggi kwɑnø.” 11Kɑ wëywönɑni okööbø kinni, “Yijí dɑ dhɑnhø ɑnɑn, o yï ónywøl ki wɑ̈d. Kɑ nyinge ócɑɑg ɑ́ Icmɑil,#16.11 Icmɑil: Nyingɑni ki dhøg Ibru wɑng-ɑ kinni “Jwøk olïngø.” mɑ́ ywøgí ɑ́lïngi yi Jwøng-ɑ Ácwɑ̈ɑ̈j. 12Icmɑil óni ɑderø me wïïnø kì pɑ̈l, óbëëd e mɑ̈n ki ji bënn, kɑ mɑɑn thyew yi ji bënn, óbëëdø’ wɑ̈ye kì kelli nyiimen.”
13Kɑ Äjer ree pyëje kinni, “Jwøk ɑ́di lidhø yi yɑn kidyër, kɑ yɑ onëënø o yɑ ókwøbɑ møgɑni?” Codhe, ɑ cɑge Wë men-ɑ ɑ́cwöb kì bøle ɑ́ “Jwøng Nëënø”. 14Bene ɑ cɑɑg yith men-ɑ kɑɑm Kɑdic geki Bered, ɑ́ Bir Lɑhɑy Roì, ɑ wɑngi Yiith Ngɑn Nëënø ɑ Álïdhi.
15 #
Gɑl 4.22
Kɑ Abrɑm nyöddi ki wɑ̈d yi Äjer, kɑ cɑg yi Abrɑm ɑ́ Icmɑil. 16Abrɑm runne ɑ́bëëd gɑ pyɑ̈r ɑ́bïdɑ̈g wïdɑ́bïkyel keny-ɑ ɑ́pɑ̈dhi Icmɑil piny yi Äjer.
Поточний вибір:
Cɑ̈gø 16: shkDCB
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Shilluk DC Bible © Bible Society in South Sudan, 2011.
