Marko 6
6
Ehara waati Nasaret Yesu
(Mat 13:53-58; Luk 4:16-30)
1Idiaharu nyia Yesu amaji ania, ette icaharu abore gala hosi, buo lejifak honyi ette ijifaru inyi. 2Ninyia afany oloŋ Sabatto, ette inyi itterio ettiyenio ihaji emojit. Oluaji nyia aati diya. Buo ninyia itaniŋuni isi ettiyenio honyi, ette isi 'daŋ illilliha, ette jiaran, “Orumak inyi erre hunia 'daŋ ajia? Anyio ofioro hunne isiarani hunia jihonyi? Aŋai ihanio inyi eduariti hunia? 3Obiaŋara soho ahololoni alia, lonyi Maria, illa ba Yakobo, Yosefu, Yuda iko Simone? Obeŋi soho haniyarak honyi emanyai ikohoi dini?” Ania, ette isi ihara inyi.
4 #
Yoa 4:44
Ette Yesu jiaran jihosi, “Iruhi aati hutto misihi 'daŋ ekianani Hollum arari fe aati hutto bore gala hosi hama iko hutto woyo hosi, buo hutta haŋ hosi.”
5Tania, obeŋ nyia inyi oremik ihanio omuk eduariti diya arari eyabana honyi ahas jio omuk aŋuak kaiyo, ette itaŋida isi. 6Illilliha nyia Yesu bebe ta abiaŋan ono eruk jio aati.
Ifak Yesu Lejifak hula 'Tomon Harrihai
(Mat 10:5-15; Luk 9:1-6)
Attati Yesu leten jio amisihi hunno onyihai 'to jio amaji ania, ette ittiyenio. 7Ottubak nyia inyi lejifak honyi hula 'tomon harrihai amaji abotie, ette ifahina isi arrihai arrihai. Isiarak nyia inyi jihosi elohittok igalihiniere aminiaŋa, 8#Luk 10:4-22buo fe ihum iramana jihosi jio, “Hèyatti obo ariŋ ta adaha hatai, arari atelek ijiai. Hèyatti emune, edee hemimojok, kuyya agurusi iloboni hatai. 9Iyyafatti amuha, ati hèyyafatti agamisi arrihai.” 10Ette buo fe inyi jiaran jihosi jio, “Elle ifuotuni itai jio obo ahaŋ, itoŋoti diya many ifuatti itai addi. 11#Ehanita 13:51Buo alla abeŋi ifuotuni itai jio obo abore gala kuyya buo fe obeŋi itaniŋie jihatai, ifuatta addi teya, ipipuahara attuduha addi to hejek hatai, oŋida ara esarit jihosi.”
12Ania, ette isi ifuatan, ette ittittoyo aati oŋida idehini eyyata hosi. 13#Yak 5:14Ifuhari nyia isi addi aminiaŋa arriai, ette iyal aŋuak arriai te eyali, ette itaŋida isi.
Naye ono Yoane Etifuotoni Batisimo
(Mat 14:1-12; Luk 9:7-9)
14 #
Mat 16:14; Mar 8:28; Luk 9:19 Ninyia akuataru afure Yesu amasik 'daŋ, ette hobu Erode#6:14 hobu Erode : Erode Antipas elettok olo Galilea. itaniŋuna erre hunia 'daŋ. Ojiori nyia omuk aati jio, “Ibuhu Yoane etifuotoni batisimo toye! Inyi onno oremehiniere inyi ihaniere eduariti hunia.”
15Buo fe omuk ojiori, “Elija alia.”
Buo omuk ojiori jio, “Ara inyi ahekianani Hollum ihuo obo olo ekianak Hollum hinyia berien.”
16Ati ninyia itayiru Erode eram ania, ette inyi jiaran, “Itubuhuni Yoane linyia aŋutu ni ahou honyi addi!” 17#Luk 3:19-20Nyio, Erode nyia itinefu Yoane, ette itifitana inyi ibabus te eram Erodias, ŋoruoi illanyi Filipo, ninyia itadetu inyi. 18Iŋerejanio nyia Yoane jio Erode jiojio, “Obeŋ obis jihoi itadetuniere ŋoruoi illahoi!”
19Ania, owoni nyia aŋunai Erodias iko Yoane, many awahari inyi ittohoro inyi, ati te eram Erode, ittallik nyia inyi ihan ihuo nyia. 20Abaŋ nyia Erode Yoane bebe; nyio, omijak nyia inyi jio ara Yoane atulo oloyijio buo fe ololibo, ania ottoŋotiere inyi Yoane onno oyyu. Omuno nyia inyi etaniŋio jio Yoane duadi bu oŋuŋusia atua honyi eram enne itaniŋu inyi jio Yoane.
21Attati amiji siruna Erodias to oloŋ ninyia itahabuyerek esiuna ono Erode. Ihuhumak nyia Erode agari jio elettaha gala honyi iko ajafiti buo elettaha hulo Galilea. 22Ottu nyia ŋarri Erodias,#6:22: ŋarri Erodias : igioroni omuk egierita jio, ŋarri honyi Erodias. ette hia, ette itamuno Erode iko atamonok honyi. Ania, ette Hobu jiaran jio neto ania jio, “Ifiye jihoŋ obo ariŋ enne iwak iyye. Esio adi ni inyi luŋa jihoi.” 23Te ettuŋita arriai ojio nyia Erode jihonyi jio, “'Tuŋ, esio adi ni luŋa ariŋ enne iwak iyye, ara duo bu anus ono nobuore hoŋ!”
24Ania, ette neto ania jiŋara allet, ette ifiyo honyonyi jiojio, “Ijiara ani alo ifiyo anyio?”
Buo honyonyi ette itarraŋ ojio, “Ahou Yoane etifuotoni Batisimo.”
25Teya teya, ette inyi icaharu kokuak jio hobu Erode, ette jiaran jihonyi, “Awak ni ihuania, ihuania, oŋida iyye isiarak ani ahou Yoane etifuotoni batisimo itua 'rany!”
26Itijiriŋ nyia eram ana hobu bebe, ati ittallik nyia inyi ihara, nyio ittuŋo nyia inyi ihosiere tamonok honyi 'daŋ. 27Teya teya, ette Hobu ifahina obo olo oseŋer hulo erririak hételo iyaŋuno ahou Yoane. Ette erririani alia leten ibabus, ette iŋutuno ahou Yoane, 28ette iyaŋuno inyi itua 'rany, ette isio inyi jio neto ania, buo neto ania ette isiarana inyi jio honyonyi. 29Ninyia itayiruni lejifak Yoane eram ania, ette isi ifuanna, ette ikafaru ahuan honyi, ette inuhana inyi.
Itaŋiyo Yesu Eluluŋ enne Ittokon
(Mat 14:13-21; Luk 9:10-17; Yoa 6:1-14)
30Ocohunie nyia lefahat jio Yesu, ette iramana jihonyi erre 'daŋ hunyia ihani isi buo fe ittiyenie. 31Obiaŋarak nyia asaa jihosi iyiriari iŋiyere, nyio, odulori nyia aati arriai adaha wat wat jihosi. Ania, ette Yesu jiaran jio lefahat honyi jio, “Hafatta jio obo amaji onno oyur 'to oŋida efuo iyiri kai.” 32Ania, ette isi ifuatan ta atogol jio obo amaji onno oyur 'to isi hama.
33Ati igonyuni nyia aati arriai isi ofuoi, ette isi imijana baŋai isi. Ania, ette isi ifuanna jio aborejin gala hua 'daŋ, ette iŋioron te eejek ahosiere jio amaji nyia, ette ifanyan diya ahosiere Yesu iko lejifak honyi. 34#Ehenita 27:17; 1Hob 22:17; 2 erre Eberien 18:16; Esek 34:5; Mat 9:6Ninyia afany inyi ilotifor, igonyu nyia inyi eluluŋ waati enne ittok, ette ataji honyi imehino jihosi. Nyio, arai nyia isi ihuo akioro hunno obeŋ heyyahani. Ania, ette inyi itterio ettiyenio isi erre arriai. 35Ninyia ara ollotoriai, ette lejifak honyi ifuanna jihonyi, ette jiaran, “Alo oloŋ iddorro buo fe amaji ana oyur. 36Itatturok aati; ijiara ofuoi jio amatta iko amisik hunia inyiaŋuniere obo aŋiyo hosi.”
37Ati itarraŋ nyia Yesu jiojio, “Itai ta ahuattek hatai, isiatta jihosi obo aŋiyo.”
Buo isi ette ifiyo inyi ojio, “Iwak ati iyye hohoi efuo ituhonia arobiyaa#6:37 Arobiyaa : Ara nyia arobiya abotie edumit ono egiama ono oloŋ abotie jio egiamak hutto miji (imija Mat 20:2). esiha arrihai inyiaŋari emunio itaŋiyere isi?”
38Ania, ette Yesu ifiyo isi jiojio, “Omukajia emunio hunno owoni 'to jihatai? Ike ifuatta imijata.”
Ninyia arumani isi, ette isi iramana inyi jio, “Emunio miyet iko aham arrihai.”
39Attati inyi iramana lejifak honyi hétetitoŋohi aati 'daŋ eluluŋi eluluŋi jio amiyaŋ egara. 40Ania, ette aati itoŋo eluluŋi eluluŋi; omuk esiha abotie, buo omuk atomuana miyet. 41Attati Yesu iduhuna emunio hoduo miyet iko aham hula arrihai, ette ibonno ahide dou, ette isio ahumo jio Hollum, ette ibibeny emunio, ette isiarana jio lejifak oŋida ihiharani jio aati, ette buo fe inyi iguguasana aham hula arrihai jihosi 'daŋ. 42Anyai nyia isi 'daŋ many ifuaŋarik. 43Attati lejifak ihuhuronia ofitot huno emunio iko aham itua afeehien 'tomon harrihai lur lur. 44Arai nyia aliawa hunyia oŋiye 'to emunio hunia alif miyet (5,000).
Adaharu Yesu Ta Ahide Hari
(Mat 14:22-33; Yoa 6:15-21)
45Teya Teya, itadak nyia Yesu lejifak honyi itogol oŋida allaŋi to osiere honyi ifohor tole many Besseyida, buo inyi itatturok eluluŋ waati. 46Ninyia esio inyi ahumo jio aati, ette inyi leten ihide lobo ladoŋe imojori. 47Ninyia ara akekai, afany nyia atogol nyia ihiji tafar enne ittokon, buo Yesu harasa ifohor inyi hama. 48Igonyu nyia inyi lejifak honyi itagolie egurio hari; nyio, ohut nyia oyyami bebe ajihosi. Ojio ninyia iliaha ataŋatio motie, ette Yesu ittuna jihosi alla adahuno ta ahide hari. Awak nyia inyi igalaru isi.#6:48 igalaru isi : kuyya inosonio ikosi. 49Ati ninyia igonyuni isi inyi adaha ihide hari, ette isi ituruho jiojio, “Etieŋ alia!” 50Abaŋi nyia isi 'daŋ bebe ninyia igonyuni isi inyi.
Teya teya, ette Yesu jiaran jihosi jio, “Itagoloto atajia, ani alia, hèbaŋata.” 51Attati inyi idahina jihosi itua togol, buo oyyami nyia ette iwotia. Buo lejifak 'daŋ ette illilliha bebe, 52nyio, hobeŋi nyia isi omijani awoyo hiram ninyia itaŋiyere Yesu aati alif miyet; nyio, agalik eram ania ofioro hosi.
Itaŋida Yesu Aŋuak hutto Genesaret
(Mat 14:34-36)
53Ninyia allaŋi isi afohor tafar tole, afanyi nyia isi Genesaret amaji ninyia ataranierek isi atogol. 54Oheruni nyia aati Yesu ninyia hèsuruni isi ihuania to togol. 55Ania, ette isi iŋioron aŋati nyia 'daŋ, ette ikafuno aŋuak te eferiti jio amasik 'daŋ hunyia itayirunierek isi jio owon Yesu diya. 56Buo jio amasik 'daŋ hunyia afanyari Yesu, ihuo amisihi, aborejin gala, kuyya amatta, itaferihini nyia aati, aŋuak hosi isuk, ette ittana inyi ijiara aŋatak aŋuak ottiri ara duadi bu esidi boŋo honyi; buo hinyia ottiri 'to 'daŋ ette iŋidari.
Поточний вибір:
Marko 6: EA2003
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© The Bible Society in South Sudan 2003
