Саалтыр 35
35
1Хуор салайааччытыгар. Таҥара кулутун Давид псалома.
2Нэгэй киһи сүрэҕэр аньыы саҥата сипсийэр,
ол иһин Таҥараттан куттанары кини билбэт.
3Таҥара буруйбун булуо суоҕа,
булан да, ону абааһы көрүө суоҕа диэн,
кини бэйэтин албыннанар.
4Тыла-өһө барыта ньоҕой, албын-түөкэй;
үтүөнү оҥорор өйдөнүөн баҕарбат.
5Оронугар сытан, буруйу оҥорору торумнуур;
токур-туора суолга турунар,
куһаҕантан кини туттуммат.
6 Айыы Тойон, Эн бигэ тапталыҥ халлааннарга тиийэр;
Эн кырдьыгыҥ былыттардыын быысаһар.
7Кырдьыктаах быһыыҥ Эйиэнэ үрдүк хайа кэриэтэ,
көнө дьүүлүҥ – түгэҕэ биллибэт чүөмпэ.
Дьону да, кыылы-сүөлү да
Эн араҥаччылыыгын, Айыы Тойон.
8Хайдах курдук күндүнүй Эн бигэ тапталыҥ, Айыы Таҥара!
Дьон аймах барыта Эн кынатыҥ анныгар уоскуйар,
9Эн Дьиэҥ уйгута кинилэри дуоһутар,
Эн үөрүүҥ өрүһэ утахтарын ханнарар.
10Эйиэхэ баар олох төрдө;
биһиги Эн сырдыккар сылдьан, сырдыгы көрөбүт.
11Эйигин билэр дьону таптыырыҥ хаһан да уларыйбатын,
көнө сүрэхтээхтэри өрүһүйэриҥ хаһан да уурайбатын.
12Киэбирбит киһи тилэҕэ миигин тэпсибэтин,
нэгэй киһи илиитэ миигин үүрбэтин.
13Онно охтубуттара хара дьайдаахтык быһыыламмыттар,
кинилэр аны турбаттыы самныбыттар.
Поточний вибір:
Саалтыр 35: СБК
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© Институт перевода Библии, 2008-2022