Саалтыр 27
27
1Давид псалома.
Эйигин мин ыҥырабын, Айыы Тойон;
туруук таас хайам, миигин истэртэн аккаастаныма.
Эн миэхэ хардарбат буоллаххына,
мин бэйэбин өлбүт киһилии сананыам.
2Көмө көрдөһөн Эйигин ыҥырдахпына,
икки илиибин Эн сибэтиэй Дьиэҕэр өрө ууннахпына,
иһит дуу мин ааттаһар саҥабын.
3Киэр анньыма миигин нэгэйдэри, хара саҥнаахтары кытары;
кинилэр ыалларын кытта эйэ-дэмнээхтик кэпсэтэллэр,
оттон сүрэхтэригэр хатааннаах санааны кистэнэллэр.
4Кинилэргэ тугу оҥорбуттарынан,
хара дьайыыларынан биэр;
хайдах быһыыламмыттарынан көрөн төлөө,
ылыахтаахтарын толору биэр.
5 Айыы Тойон дьайыыларын аахайбаттарын,
Кини оҥоһуутун болҕойботторун иһин,
Айыы Тойон кинилэри үрэйтиэҕэ,
итиэннэ чөллөрүгэр түһэриэ суоҕа.
6Алгыс буоллун Айыы Тойоҥҥо!
Кини мин ааттаһар саҥабын иһиттэ.
7 Айыы Тойон – мин күүһүм, мин куйаҕым;
Киниэхэ сүрэҕим эрэнэр.
Кини миэхэ көмөлөһөн, сүрэҕим өрөгөйдүү үөрэр;
мин ырыабынан Кинини айхаллыаҕым.
8 Айыы Тойон – Бэйэтин норуотун күүһэ-күдэҕэ,
анаабыт ыраахтааҕытын өрүһүлтэлээх тирэҕэ.
9Быыһаа норуоккун, алҕаа бас билиигин;
үйэлэр тухары көрөн-истэн, көтөҕөн ис кинини.
Поточний вибір:
Саалтыр 27: СБК
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© Институт перевода Библии, 2008-2022