Популярні біблійні вірші з GÉNESIS 9

Поділитись

Jare jei ye: Kuae kañɨmaa rupi peikuaata morogüɨrökuavee päve ayapo peve vae, jare opaete oikove vae reta, pe ndive ñogüɨnoi vae, kuae oikota jekuae avei rupi: Cheyɨɨ añono amapɨtu re, kuae kañɨmaa rupi peikuaata ayapo ko morogüɨrökuavee päve ɨvɨ pegua reta ndive vae.

Jökorai yɨɨ oyekuaa yave amapɨtu re, aechata jare chemaenduata morogüɨrökuavee päve jekuae avei pegua ayapo yandeve vae re, jare opaete oikove vae, ɨvɨ iárambo ñogüɨnoi vae reta ndive.

“Kia ñavo japicha oyuka yave, jae tomano vi japicha ipo pe. Echa kuimbae, Tumpa rami ko ayapo.

Tumpa iñee kavi Noé pe jare taɨ reta pe, jei chupe reta körai: “Peñemuña jeta, pemotɨnɨe vaerä ɨvɨ.

Opaete mbaemɨmba toiko perembiurä, jökorai opaete temitɨ amee peve rami.

Opaete mbaemɨmba ɨvɨ pegua tokɨɨye pegüi, güɨra reta, opaete oikove vae, jare opaete jevae reta ɨguasu pe ñogüɨnoi vae. Pepo pe ko oñemee.

Ërei pe reta, peñemuña jeta kuae ɨvɨ pe. Pemotɨnɨe kuae ɨvɨ.”