Популярні біблійні вірші з Juan 2

Поділитись

Tsënömi Galileachö këkaq Caná markachö Jesús rurarqan punta kaq milagruta. Puëdiq kashqanta rikarmi discïpulunkuna pëman creyikuyarqan.

Tsënam Jesús kënö nirqan: <<Mäma, ¿imanirtaq tsënö nimanki? Manaran hörä chämunraqtsu>>.

Sirwikuqkunatam Jesús kënö nirqan: <<Tsë kuntukunaman yakuta junta winayë>>. Tsënam yakuta winayarqan juntashqanyaq. Juntaratsiyaptinnam Jesús nirqan: <<Ichikllata chaqarir mayor kamachïku llaminanpaq apayë>>. Tsënö niptinnam Jesús nishqannölla chaqarir apayarqan.

Jesúsnam nirqan: <<Kë templuta juchuratsiyë y kima junaqllatam sharkatsimushaq>>.

Tsënö tarïkurmi chikutita rurarir llapan rantikuqkunata üshantawan töruntawan templupa patiunpita Jesús qarqurqan. Qellë trocatsiqkunapa mësankunatapis jitakacharkurmi qellëninkunatapis ramakacharkurqan. Urpë rantikuqkunatanam nirqan: <<¡Këkunata jorquyë! ¡Imanirtaq Teytäpa wayinta mercäduman tikratsiyarqunki!>>