Популярні біблійні вірші з Juan 1

Поділитись

Pëman markäkur chaskikuqkunataqa wamrankuna kayänanpaqmi Teyta Dios chaskin.

Imapis manaraq kaptinmi Diospa Palabranqa këkarqanna. Teyta Dioswanmi pëqa këkarqan. Pëqa kikin Diosmi.

Tsë aktsiqa tutapëchöpis alläpam aktsin. Y tutapëpis tsë aktsitaqa manam upita puëdintsu.

Diospa Palabran kë patsaman shamurmi nunanö yurirqan. Noqakunawanmi kë patsachö purirqan. Teyta Diospa jukllëlla Tsurin kaptinmi puëdiq këninta rikäyarqä. Ankupäkuq y rasun kaqllata parlaqmi karqan.

Pëwanmi llapan imëkatapis Teyta Dios kamarqan. Kë patsachö këkaqkunaqa llapanpis pë kamashqanmi këkan. Pëchömi wiñë kawëqa këkan. Tsë kawëqa nunakunapaq aktsim.

Tsëpita waräninnam Jesús shamïkaqta rikärir Juan kënö nirqan: <<¡Këmi Teyta Diospa Achkasnin! Pëmi nunakunata jutsankunapita perdonanqa.

Kë patsachö këkaptinpis y kë patsata kamashqa këkaptinpis nunakuna manam pëta reqiyarqantsu. Kuyashqan nunakunaman shamuptinpis manam chaskiyarqantsu.

Rasunpa kaq aktsiqa llapan nunakunatam aktsin. Pëqa kë patsamanmi shamurqan.

Leyninkunatam Moiséstawan willakatsirqan. Ankupäkïninta y rasunpa kaq willakïnintaqa Jesucristuwanmi käyitsimarquntsik.