Популярні біблійні вірші з Lucas 23

Поділитись

Ja cꞌa Jesús arjaꞌ cꞌo jun oración xuban quewariꞌ: —Nataꞌ, queꞌacuyuꞌ como ejeꞌeꞌ ma cotak ta ja netajini nqueban, neꞌ tre ja Tatixel. Cꞌacꞌariꞌ quemaj rbanic suerte trij ja rtziak nak xtichꞌeco chique in quejach chiquewach.

Ja cꞌa Jesús xbij tre: —Ni katzij wiꞌ ja xtinbij chawe riꞌ, chipan awaꞌ jun kꞌij ja rokcꞌo wiꞌ riꞌ ok caꞌiꞌ awqꞌuin nokbe chipan ja utzlaj lugar ja bar cꞌo wiꞌ quicotemal, neꞌ tre.

Cꞌacꞌariꞌ tzijon chic ruqꞌuin ja Jesús, quewaꞌ xbij tre riꞌ: —Kas xquinurkaj chawe ja tok xcatpi chic jutij ja tok atocnak chic Rey chipan ja ragobierno, neꞌ tre.

Ja cꞌa Jesús arjaꞌ xurak ruchiꞌ, xuban jun oración quewariꞌ: —Nataꞌ, pan akꞌaꞌ atat njach wiꞌ ja wanma, neꞌ tre ja Tatixel. Ja cꞌa tok bitaj queriꞌ rmal ni cam kaj.

Ja cꞌa tok xeꞌekaj chipan ja lugar rbinaꞌan Rwiꞌcamnak triꞌ querip wiꞌ ja Jesús chwach cruz in queriꞌ queban chique ja re caꞌiꞌ achiꞌiꞌ ja cꞌo quil chakajaꞌ, jun pa riquikꞌaꞌ in jun pa rxcon.

Ja pa tak ncꞌajkꞌij cꞌo jun nimlaj kꞌekuꞌm xoqui nojel chwachꞌulew, cꞌa a las tres xin takakꞌij sakar chic jutij. Ja kꞌij ma xcaꞌy chi ta. In chaka jalal tok raktaji ja manta ja tasben rpan ja nimlaj templo xin Dios ja bar cꞌo wiꞌ ja santilaj lugar, chaka caꞌiꞌ xuban.

Cꞌo cꞌa jun capitán paꞌl triꞌ, arjaꞌ tok xutzꞌat ja bantaji xumaj ryaꞌic rukꞌij ja Dios, quewaꞌ xbij riꞌ: —Jalaꞌ jun achi leꞌ ni katzij wiꞌ chi mta ril rbanon, neꞌe.