Популярні біблійні вірші з Ruk. 23

Поділитись

Tura Jesus krúsnum ajintraku pujuram chichaak “Apawá, tsaṉkurarta. Ni áitkiainia nuna nékainiatsui” tímiayi. Tura suntar pujuarmiania nu, yaki Jesusa pushiri̱ jukit tusar nakurúsarmiayi.

Tutai Jesus chicharuk “Nekasan tájame, jakar shiir pujutai̱nium yamái tsawant Wiji̱a̱i̱ pujustatme” tímiayi.

Nuyá̱ Jesusan chicharuk “Amesha akupin ajasam winiasha enentáimtursata” tímiayi.

Nuyá̱ Jesus untsumuk “Apawá, winia wakantrun Amiin ikiuajai” tímiayi. Nuna tinia jakamiayi.

Karawír naint tutainiam jeawar Jesusan krúsnum ajintrurarmiayi. Tura Jesusa untsuurí̱ni̱ chikichík yajauch áishmaṉkan tura ni menaari̱ni̱ chíkich yajauch áishmaṉkan núnisaṉ krúsnum ajintrurarmiayi.

Tutupin ai̱ ashí nuṉkanam ti kirit ajasmiayi. Tura menaintiú ura naṉkaamasu ai̱ṉ nantu nuṉkach ajassha tuke kirit ámiayi. Tsawái̱ nantusha mushatmarmiayi. Tura Jerusaréṉnum Yusa Uunt Je̱e̱ncha tarach ejamu aa jímiapetek ja̱a̱nakmiayi.

Suntara uuntri̱ nu túrunamun wainiak Yusa náari̱n shiir awajeak “Ju̱sha imiá nekas péṉker áishmaṉkauyi” tímiayi.