Популярні біблійні вірші з युहना 15

Поділитись

लौ ङाखेपाय् दोङ् धाक्‌सायःकोः बोत् लेःआः ङ नीङ्‌खे केङ्‌कालम् लेःतेःइ। सुखे ङाकःहाङः मुनाःचै ङा ओउःकःहाङः मुचाङः ओउःलेः न्‍हाङ्‌तो सायःनानी। ङा आःताः मुमाःतो नीङ्इ दोह्‌मा हायःसा खाय्‌तेःनीली।

केङ्‌कालम्‌पाय् बोत् नाःमाःत स्‍याव्‌ती सायःसा खाय्‌नीली सायःसाकायः बोत्‌हाङः मुसा खेःतो। ओउःलो लेःखा नीङ्‌मा ङाकःहाङः मुसा ङामा नाङ्‌कःहाङः मुसा खेःनाःतय्‍ही। खेःल नीङ् ङाकःहाङः मुमालो त खेःया पेओ जाङ्‌ह्‌सा खाय्‌तेःनीली।

लौ नीङ् ङाकःहाङः मुती ङाकोः कुरा ल्‍हुङ्‌हाङः सेती गम्‌तेःनानी त खेःया दोह् दोह्‌तेः नीङ् लयः झाक्‌ती तेतेःचै ओउःलेः दोःतेःनै।

नीङ्‌खेइ ङाकायः छ्युङ्‌ह्‌तेःनाङ्‌सल ङाखेइ नीङ्‌कायः छ्युङ्‌ह्‌नेःआलाङ्‌स। नीङ् अरुकःताङ् आल्‌ती ङाकोः काम् गलमा स्‍युताक्‌साकायः छ्युङ्‌ह्‌ती ल्‍होक्‌नेःआलाङ्‌स। ओहाङःसै दोह् दोह्‌तेः ङाकोः मय्‍ङ् पेह्‌ती ङाकोः आपाकः तेती तोतेःचनै ओउःलेः बयःतेःनै।

यात्‌चाक्इ लयःकोः क्‍वालम्‌कायः सीबत्‌नाःथै त खेःया ओउःइ आन राप्ओ काम् जाङ्‌ह्‌नौ बा। इसै अरु न्‍हाङ्‌तोलेः राप्ओ काम्‌पाय् दोह्‌मा नाःबाय्‌ल।

जुदा ङाकोः सायःमालो केङ्‌कालम्‌खे ओउःइ ह्राह्‌ती वाय्‌नौ सायःओलम्‌खे ओउःइ न्‍हाङ्‌तो सायःताक्‌साकायः त्‍यङ्‌ह्‌नौ।

लौ ङाइ नीङ्‌कायः तोओ हुकुम्‌पाय् इलेःआः। गतलो ङाइ नीङ्‌कायः राप्‌नेःआलाङ्‌स ओउःतलेः लःलयःमयः राप्‌काय्‌नीङ्‌सी।

नीङ्‌पाय् ग्रान्‍ह्‌ती सायःओ त खेःया ङाकोः आपाकायः ताङ्‌ह्‌ताक्‌तेःनानी। फेरी ङाकुस् वाह्ओमयःतेः दोङ्‌सीलेः स्‍याव्‌तेःनै।

“लौ ङापाय् दोङ् धाक्‌सायःकोः बोत्‌लो लेखा लेःआः ङ। ङाकोः आपाइ बोत् स्‍यास्ओ चाक्‌लेः खेःनाः।

सुखे ङाकःहाङः मुइली पेमालो केङ्‌कालो लेखा ओउःलेः ताती वाय्‌तो स्‍याव्‌नाः लोने झ्‍यार्‌आक्‌तीको ओउः केङ्‌कापाय् त्‍युम्‍ह्‌ती म्‍हेःहाङः तुस्‌ती वाय्‌नाः।

ङालो लेखालेः नीङ्‌मा ‘गलकायःमा जुगाङ् चोङाय्‌तोलेः मुपै’ त म्‍हर्‌ती इ कुरा तोनेःनाङ्‌स बा।

ङाइ तोओ कुरा जाङ्‌ह्‌तेःनानी त खेःया ङाइ राप्‌नेःनाङ्‌स। ओउःत झ्‍यान्‍ते ओउः कुरा जाङ्‌ह्‌नु दा। ङाकोः आपाइ तोओ कुरापाय् ङाइमा जाङ्‌ह्‌नाङः ओउःत झ्‍यान्‍ते ओउःइ ङाकायः राप्‌नाःताङः।

इतलेः ङाइ तोनेःनाङ्‌स लःलयःमयः राप्‌काय्‌नीङ्‌सी।

नीङ्‌पाय् ल्‍हाव्‍ह्‌दैबाङ्‌कोः लेःतेःइ त खेःया नीङ्‌कायः मान्‍तालम्इ ‘ङीकोः मान्‍तालम्’ त दाय्‍ह्‌ती राप्‌तेःचै खेःतो। खेःल नीङ्‌पाय् ओउः खाल्‌कोः मान्‍तातेः खेःतेःइली। ङाइ ल्‍हाव्‍ह्‌दैबाङ्‌कोः मान्‍तालम्‌कःसै छ्युङ्‌ह्‌नेःआलाङ्‌स ओउःत झ्‍यान्‍ते ओउःमयः नीङ्‌कः झाक्इली।