Популярні біблійні вірші з Joni 12

Поділитись

Kevaka sa qaravi au e dua, me muri au ga; ia na vanua kaʼu sa tiko kina, ena tiko talega kina ko koya sa qaravi au: ia kevaka sa qaravi au e dua, ena vakarokorokotaki koya ko Tamaqu.

O koya sa lomana na nona bula, ena vakayalia: ia ko koya sa cata na nona bula e vuravura o qo, ena maroroya ki na bula tawa mudu.

E dina, e dina, au sa kaya vei kemudou, Kevaka ena sega ni mate na vua ni sila ni sa lutu ki na qele, sa tiko duaduaga; ia kevaka sa mate, sa vua vakalevu.

Au sa lako mai ki vuravura me rarama, me kakua ni tiko e na butobuto ko koya yadua sa vakabauti au.

Ia kevaka e dua sa rogoca na noqu vosa, ka sega ni vakabauta, au sa sega ni lewai koya: niʼu sa sega ni lako mai me lewai ira na kai vuravura, a ya me vakabulai ira na kai vuravura.

Sa qai kauta mai ko Meri e dua nai vakarau waiwai talei sara, a narita dina, ka lumuta na yava i Jisu, ka solota na yavana e na drau ni uluna: ka curuoso na vale e na kena boi na waiwai.

era sa kauta na drau ni niu, a ra sa lako yani me veitata kaya, ka kacivaka, Osana! sa kalougata na nodra Tui na Isireli, o koya sa lako mai e na yaca ni Turaga.

A sa vosa vei rau ko Jisu, ka kaya, Sa qai yaco mai na gauna me vakarokorokotaki kina na Luve ni tamata.