Популярні біблійні вірші з Iyoni 14

Поділитись

Bei akalavemi go, guna yabobona yaimi moe tuboina. Yau guna tuboina avinimi. Go tuboinayana geya da poyapoya idi tuboina nakae geya. Taabu nukotomi taitáiya iiuyōi nakae taabu kokaateyōva.

Go iya Yeisu idigo kana, ‘, yau yawana vau. Geya vatau tayaamo toinina itoboine ina Tamagu goi, go sem yau aguta goi itoboinemi.

tuwaina kana, ‘Taabu nukotomi taitáiya iiuyōi. Yaubada bogina koonumise, tauna yau nakae konuumisēgu.

E iya go Tovapisiyayana yau yoigu goi Tamagu bei ietune iwo yaimi. Tovapísiya moe Baloma Kimaasabaina. E ame Tauyana kaga liliuna bei ivatulukoimi go, kaga liliuna bogina alatuuwokoimi bei ikavilevilemi.

Avatauwa neta guna lovina siyaagoidi be nakae sikabikaaonedi, e amo tauyadi simatakooiyegu. E avatauwa neta simatakooiyegu, yau Tamagu nakae imatakoiyedi be yau amatakoiyedi be nakae toinigu avagitakodokoigu yaidi.’

be nakae yau bei akawanoi Tamagu yaina bei ami ituli ivinimi bego yaimi goi ikaiyako vata. Tovapisiyayana moe geya sigiteyeta nakae geya siyagoiyeta, tauna geya siuyaoneyeta. Komi yaimi goi Tauyana ikaaiyaka nakae nuwomi goi bei ikaaiyaka, tauna komi kooyagoi.

Tuwo, kaga neta yoigu goi kokawanoiye Yaubada yaina, moe bei aguinuwe bego Yaubada ina togaga ana yau Natuna guna guinuwa goi avagitakoedoko tomota yaidi. Kaga neta yoigu goi kokawanoiye yaigu, yau bei aguinuwe.’

Tuwaina Yeisu kana, ‘Neta komatakooiyegu, guna lovina bei kokabikaaonedi

Yau Tamagu ina vada goi aba kaiyaka badabadaidi sikaaiyaka. Neta moe nakae geya, bei alatuwokoimi. Yau anonoina bei imi kaba kaiyaka akatubayasidi.

Neta ana imi kaba kaiyakoyadi akatubayasidi, niga bei akaluvilamna ama akabimi yau yaigu goi kokaaiyaka bego nako goi yau akaaiyaka, e komi taiyao takaaiyaka.

Go Tomasi idigo kana, ‘Tomoya, geya kayagoiyeta nako kunonoina. Bei manakaema enaoyana kayagoi?’