Популярні біблійні вірші з Iyoni 13

Поділитись

Lovina vau avinimi bego semiyao komatakooiyedi. Nakonakae bogina amatakooiyemi, komi nakae semiyao komatakooiyēdi. Tomota madabokidi bei siyagoi bego komi yau guna tovatotowanayao ame nakae: Neta semiyao komatakooiyedi.’

E tauna yau imi Tomoya be imi tovatulúkwana komi aemi anikidi ae? E komi nakae itoboine semiyao aedi konikidi. Aba gita tayamo bogina avinimi bego kaga nakae yau aguuinuwe yaimi, komi nakae itoboine koguinuwe.

Go iya Yeisu idigo kana, ‘Kaga tuta ame goi aguuinuwe kom geya kuyagoiyeta go, nava bei kuyagoi.’

Moitamo itoboinemi kovatotowonegu. Ame alatuuwokoimi konōve: Tomota ina tomoya geya itobusaveyeta. Nakae lobutu ana tolokoina ana toetuna geya itobusaveyeta. Tauna neta yau, imi Tomoya, guinuwa nuwotookaina itoboinegu aguinuwe, e komi guna tovatotowanayao nakae itoboinemi.

Ame guinuwayadi koyaagoidi ae? Tauna ami dedevina kobabane neta koguuinuwedi.

Tuwo aikayana goi itaoya ana kwama maanawena ivalilivi iyato go, tawero ikabi tolobona goi isiko. Ikavava, noko ikabi bwae isaligogo. Ikavava, ibala ima ivatowo kai ina tamo tamo aema inikidi namlieta ina tawero maine isikosiko goi isekukudi.