Популярні біблійні вірші з Wĭkheegŭn 3

Поділитись

Eebŭchŭl Nŭkskam ĕdooche‐moosajĭtpŭn ooskĭtkŭmĭkw wĕjemelooĕtpŭn wĭhwebu Ookwŏŏsŭl, wĕlaman ’mseu wĕn tan wĕlămsŭtŭk oohŭkĕk, skatŭp ŭksekāhāwe, kānookŭloo ooteĭnp askŭmowsooagŭn.

Eebŭchŭl Nŭkskam skat oocheŭlkemowe’bŭnĭl ookwŏŏsŭl ooskĭt’kŭmĭkw oonmăjĭt-ploodŭmŭlĭn ooskĭtkŭmĭkw, kānook oochĭl-kema’bŭnĭl wĕlaman ooskĭt’kŭmĭkw ooche-kekan oohŭkĕk.

Sāsoos asedāmat ha ootĭhal: Ulāu, ŭlāu, yŏŏhool’, skat wĕn mĭnooĭnŭmee‐kooseekw, skatŭch oonŭmetooŭn Nŭkskam ookĭnchāmŭswagĭm.

Tan wĕn wĕlămsŭtŭk oohŭkĕk skat oonmăjĭtploomaoo; kānookŭloo nāgŭm tan skat wĕlămsŭtŭmo’o’k tŭkāch oonmăjĭtplooma: eebŭchŭl skat wŏŏlămsŭtŭmooŭn Nŭkskamŭl wĭhwebu Ookwŏŏsŭl wesooŭn ĭkŏŏk.

Ha yoot wejĭhak oonmăjĭtploodŭmooagŭn, eebŭchŭl pŭsakwhĕk egahak ooskĭtkŭmĭkw, kānookŭloo pŭmowsooenooŭk pāāmemoosaje’nea pĭskatĕk skat tĕtpu pŭshakwhĕk, eebuchŭl ookesetakŭnoowŏl skat kŭlooŭtoo’eŭl.

Nāgŭm chŏŏ pŭme’nŭgŭmkĭl, kānookŭloo nel chŏŏ n’pŭmeăpsŭgĭl.

Eebŭchŭl ’mseu tan wĕn pooske-wŏbŭlŭllookĕt oochŭseenŭmŭn pŭsakwhĕk, ha skat oopŭkŭcheowŭn pŭsakwhĕk, wĕlaman ootŭlookāwa’gŭnŭl skat oochemowŭnŭl.

Nāgŭm tan wĕlămsŭtŭk Wĕmĭtakwselejĭl oohŭkĕk, ooteĭn askŭmowsooagŭn. Kānookŭloo nāgŭm tan skat wĕlāmsŭtŭmook’ Wĕmĭtakwselejĭl, skatŭch oonŭmetoo’ŭn pŭmowsooagŭn; kānookŭloo Nŭkskam ookeiooagŭn ŭngĕsoo oohŭkĕk.

Ha stŭkā’ Mooes tĕleunagĕlatpŭn hatoosĭsooŭl bakŭtakŭmeekw, net tŭkāch ootachooe‐leoonagĕhlan pŭmowsooĭn Ookwŏŏsŭl.

Wĕgwŏŏsĭt Nŭkskam oomoosajenŭl Wĕmĭtakwselejĭl Nŭkskamŭl, ha ’mseu kākw oomelan oopetenŭk.