Популярні біблійні вірші з Luka 8

Поділитись

Esana egemese ema kunku a nyanga ma rreze, nga ze ano ageme se nga na kuna beleng be Ogomo Asharri, nga na ka neng beruwa be vento nga na matana, nze nga wuza eyabo e ngoma nga morra uwucaji.

Esana egemese ema kunku ayimi ekana gaze, nga ze ano ageme se nga na kuna beleng be Ogomo Asharri, ni se a tumuru tu wake, adodonzo a togorro to masano neng onarra morra, neng onarra okona malo, una tonanye ngona eyabo e ngoma.

Esana egemese ema kunku an nyanga ma geme se maya a tarra zuwa gaze, nga ze ano ageme se nga na kuna beleng be Ogomo Asharri, nga na ka neng ezalla. Nga ze meng yetinu ye ngoma. Nga nya beruwa usha bate, baka nga kuna kwaiye, nze nga kini ngona beruwa bonye anu.

Nze Yeso gon ano yemasanga rrome, “O ngona birrowa bonye biyu?” Nze nga kuna beye dede, nga nǝri emo damara, nze nga go a nye a topana, “Yo ono ze ogina? Se ovunu neng mbarko be manyi nga kuna beleng nga bome?”

Esana egemese ema kunku a tara oruna nga ze ano ageme se nga kuna beleng ba Asharri, nze Shetan ra ma kai beleng beme a nye erowa, doguna tego nga wee beruwa bonye a nga morra rroma ne.

Baka zal eye eyebo ze ma nu se ama gorkuza se Ogomo Asharri ze ma puku eme akaini, gaze zal eme geme se eya pate, Ogomo Asharri maya zuzumi a kai ano nǝri

Ni se owai meru se mazema eya ogorkono ne, nze ma sure, ipun nga rrome a kera, ma girwǝnǝ a ji Yeso. Nze ma buki Yeso ayima ono eme geme se ina ngona me adore a me, neng nane se mana dorra ma ngamo. Yeso gon me, “Ogalla okong, o wuna biruwa boi na ngonai a ngamo. Oka denye shammo.”

Nze ano yemasa rrome nga ka zenza nga gon me “Achakura, Achakura, worro ya weju!” Nze ma wera ma bokara ovunu mi neng mbarko be manyi min ze ngawa tore koyaya wete.