Популярні біблійні вірші з एहुन्‍ना 3

Поділитись

“कहेकि भगवान दुनिया रेनकू होड़कू एतनाय दुलर तेडकुआ कि मिनियें टंगाअय कोड़ा होपोन तुय एमतेडा, ताकि जे-ना हेंय थरेय बिसवासे, हेंय अलोय नासुऊ, बल्कि अनन्त जीवानिय ञाँमू।

कहेकि दुनिया रेनकू होड़कू सजा ओवा लगड भगवान अनेज होपोन न दुनिया रे मेनेय कुलगाडिया, लेकिन हेंय राः दोवारा ते दुनिया रेनकू होड़कू बंचो लगाडिय कुलतेडिया।

हेना वरी ईसु हेंय थरेय जबाब तेडा, “इंञ अम थरे सही सही तेंञ कहनी यडा, अगर कनय, अवुर मियाँ एस मेनेय जनामुः रेदो, हेंय भगवान राः राज एरोय ञेंल सको एना।”

जे मिनियें टंगाअय भगवान होपोन थरेय बिसवासेआ, हेंय थरे दोस एरो लगो एना, अवुर हेंय सजा एरोय ञँमतेडा, लेकिन जे मिनियें टंगाअय भगवान होपोन थरे मेनेय बिसवासेआ, हेंय थरे दोस लगो यना।

नआँ कारने ते सजा ञँमुआ कि न दुनिया रे भगवान होपोन इंजोत राः रूप तेय मेजेना, लेकिन होड़कू हेना इंजोत वरी बगरा अंधराकू बेस वडा, कहेकि हेंकू अखीर अलत गलत काम हेंकू दोहो एना।

नआँ जरूरी इदाना कि हेंय बढ़होऊ अवुर इंञ घटोऊ।”

कहेकि जे अलत गलत काम कू काम हेंकू, इंजोतकू मेरंग वआ अवुर हेंकू अकू राः अलत गलत काम अलो देखारुः लगड इंजोत बँदे रे मेने कू मेजुआ।

जे होपोन तू थरेय बिसवासेआ, हें-नी होड़ अनन्त जीवानिय ञाँमा। लेकिन जे होपोन तू मेनेय मनोविया, हेंय अनन्त जीवन कभी एरोय ञँमतेडा। बल्कि भगवान हेंय थरेय खीस कोःते सजाय ओवाया।”

जेयसे मूसा सुनहर ओत रे पितल राः बींञ बनो केते खुटा रेय टेंगवा तेडा, हेन घयते इंञ होड़ होपोन हो कुरूस रे जरूर कू रकाबिञाँ।

अपत होपोन तुय दुलारा, अवुर हेंय सींड़ चीज राः हाँथ गाँथ होपोन तू राः ती रेय एम गोत्तेडा।