Популярні біблійні вірші з Kufuma 2

Поділитись

Akasikia Izuwa kiyio chawo, akakumbuka Izuwa lutemiano lwakwe na Ibrahimu, na Isaak, na Yakobo. Izuwa akawawona waana wa Israeli, akawayoa Izuwa.

Ikaoka misi ila ikioka miingi, akafwa mfumwa wa Misri: wakawawiwa waana wa Israeli hena wuzoro wawo, wakayia, kuyia kwawo kukakwea hakwe Izuwa hena wuzoro wawo.

Kamwana kakaeha, akamuetie mwanakibora wakwe Farao, akaoka hakwe mwana. Akamwitanga izina lakwe Musa, akaghamba, Amu namng’ola mfuro.

Mwanakibora wakwe Farao akamburra, Katike kamwana aka, urekaamusha, ninekuinga wuesi. Mche akauhaka mwana, akakaamusha.

Akaseyia mwana‐kibora wa Farao aoghe mfuro; akaiwona safina ghati ya mani, akaingija mwana wa kibora kuionja.

Ikaoka misi ila ekinaehe Musa, akawafumia wandwawo, akawona miagho yawo: akawona mundu Mmisri ekimbigha mundu Mwebrania wa wandwawo. Akariaria uko na uko, akawona tehenaho mundu, akambigha Mmisri, akambisa na teri.