Популярні біблійні вірші з JENESI 50

Поділитись

Ka ko kimoutolu, naa mou mahalo kovi kiate au, ka nae bule‘i ia e he Otua ke lelei, koeuhi ke fakahoko aia oku fai he aho ni, ke fakahaofi ae moui ae kakai toko lahi.

Bea beheage e Josefa kiate kinautolu, Oua te mou manavahe; he koe fetogi au oe Otua?

Bea koeni, ke oua naa mou manavahe; he teu tauhi akimoutolu mo hoo mou tamaiki. Bea naa ne fakafiemalie‘i akinautolu, o lea ofa kiate kinautolu.

Te mou lea behe kia Josefa, Oku ou kole ni kiate koe, fakamolemole ae kovi a ho gaahi tokoua moe nau fai hala; he naa nau fai kovi kiate koe: bea koeni, oku mau kole kiate koe, fakamolemole ae hia ae kau tamaioeiki ae Otua o hoo tamai. Bea nae tagi a Josefa i he e nau lea kiate ia.

Bea nae behe e Josefa ki hono gaahi tokoua, Teu mate au; bea koe mooni e aahi ae Otua kiate kimoutolu, o ave akimoutolu mei he fonua ni, ki he fonua naa ne fuakava ki ai kia Ebalahame, mo Aisake, bea mo Jekobe.

Bea nae fai kia Josefa ae fuakava e he fānau a Isileli, o behe, Koe mooni e aahi ae Otua kiate kimoutolu, bea te mou fetuku hoku gaahi hui mei heni.

Bea nae bekia ai a Josefa, kuo teau ta‘u, moe ta‘u e hogofulu hono motua: bea naa nau fakatologa‘i ia, bea nau ai ia ki he buha i Ijibite.