Популярні біблійні вірші з MATIYE 2

Поділитись

Bə minti yə tuluŋ warna ada na anəkay, yə vaŋ aləwa giidə kuliŋa. Yə asaŋ beebe konceŋ də nuru Mari, yə vaŋ də gigiiri tiinu, yə əsəŋ bə kaw awalna. Kəya yə pəŋtəŋ ku cokrom neeteŋ wəra, yə əsəŋ bə əytu kara. Kar teŋ ha'aŋ anə kooso bə gusi bə awəy-awəy, anə agumgum daana son bə siisi pisi bə minti yə məntu «mir.»

Yeesu waŋ haa giidə vil də Betlehema dər ko bə minti *Erodi a jəŋ kumna cəərə seŋka də Zudeŋaŋ. Adordə we nuutuŋaŋ, kaa kə ase kel gə cəərə seskaŋ pətəŋ a gud koŋ da. Bə minti yə tuukuŋ warna Zeruzalem naŋ, yə əsəŋ bə lete ku kaŋa minti: «Beebe bə minti bə ji dəmaŋ kumna kə kaanə Ziwifiŋ, wə waŋ haa kəna anə mo? Are asaŋ seska nuutuŋ warda a gud koŋ da, are bəŋ haa a kaw awalna.»

Bə minti yə asna də əsə-isi bədoona kəyaŋ, yə jəŋ wəra də waale ku tərməyi anə feh-fehi faɗi.

Adordə kel teŋa kəyaŋ, Pepeŋ wəətənəy dər soone minti yə a hare sar kumna Erodi na pəda. Kəya yə haŋ kəkəy baalaŋ máŋ bə hare giidə seŋka neeteŋ faɗi. Adordə minti kaa kə ase kel kooroŋ kooraŋ, *hulum bə digi kə Barkaŋ vəɗaŋ wəra dər Zosefi a sooneŋa, kəya wə wəətunu minti: «Faa la apəya, haa beebe konceŋ la də nuru, gadə la warna diiri giidə seŋka də Eziptəŋ na. Əsə la warna ada na hãã də bə minti ten bə waatam yaŋ minti tam harə daŋ, gud bə minti kumna bə Ziwifiŋ *Erodi maŋ bə golde beebe konceŋa bə awe wəra.»