Популярні біблійні вірші з Ko-Dabirɛnu 39

Поділитись

Mari tora Yusufu fɛ ka ata duwɛ layigi a kuma. A wara-koe tora tala yarɔ. A tora sigini a tigi Pɔtifa warɛ bɔn la Iyipiti nyamanɛ rɔ.

Pɔtifa banta Yusufu mala kun-tigi la ala wɔli-kɛlɛ anubɛ a bolo-fannu kun na tumɛ min, Marita duwɛ tora Pɔtifa kuma ka a bolo-fan bɛɛsi lasabati Yusufula ko la. Pɔtifa bolo ma taran fenfen na, fɔ a ye min dɔnna dɔrɔn! Yusufu so-gban anubɛ a yakɔrɛ kin.

Wɔlɛ min bɛɛsi ye kɛla yele la, anubɛ yelela-mɔgɛnu, yele-kandanna-kun-tigi wo ya Yusufu ma wonu kunyɛ la.

Pɔtifa ya Yusufu bi ka a ladon yele la, mansɛta yelela-mɔgɛnu bi kan min. Kɔnɔ hali Yusufu ye yele wo la, Mari ye a fɛ. Mari ya a ma, yele-kandanna-kun-tigi min bi nyɔ, a diyara wo ye koikoi!

Wati do, Pɔtifala musi yɛ bɔra Yusufu la. A ya a fɔ Yusufu ye ko, “Na, ma ni ma sa.” Kɔnɔ a ya a ban a tigila musi bolo ka a fɔ a ye ko, “Ila kei ara a bolo-fan bɛɛsi latenbi n ma. Ala ko-wo-ko sa a bolo-fannu bara-koe rɔ. A ara wo lanayɛ di n ma. Ila kei ara a ma, ma ra ara kɛnya bɔn kɛ la. A ma fenfen namara a nyɛrɛ ye, fɔ ile. Nde si nfen ko-yogomɛ ma n tigi wola musi la? Ni nde ya wo ma, n bara bila Alla la.”

Lunyɛ do, Yusufu tanɛ bɔn la ata wɔli-kɛ-tinɛ, a ma wɔli-kɛlɛ fenfen taran nyɔ. Pɔtifala musi wo ya ala duruki bira a ma warata! A ko, “Na, i sa n fɛ.” Yusufu ya ala duruki to a bole la. A burimatoe bɔra a kuma bɔn la.